રશિયા-યુક્રેન યુદ્ધ વચ્ચે પીએમ નરેન્દ્ર મોદી અને યુક્રેનના રાષ્ટ્રપતિ વ્લાદીમિર ઝેલેન્સકી વચ્ચે વાતચીત થઈ છે. વાતચીત દરમિયાન, બંને નેતાઓએ રશિયા-યુક્રેન સંઘર્ષને ઉકેલવા માટે વાતચીત અને કૂટનીતિને આગળ ધપાવવાની જરૂરિયાતનો પુનરોચ્ચાર કર્યો હતો.
યુક્રેનના રાષ્ટ્રપતિ સાથેની વાતચીતમાં પીએમ નરેન્દ્ર મોદીએ તમામ શાંતિ પ્રયાસો અને સંઘર્ષના વહેલા અંત માટે ભારતના સતત સમર્થનની વાત કરી હતી. પીએમ નરેન્દ્ર મોદીએ કહ્યું કે ભારત તેના લોકો-કેન્દ્રિત અભિગમ દ્વારા સંચાલિત માનવતાવાદી સહાય પૂરી પાડતું રહેશે.
વડાપ્રધાન નરેન્દ્ર મોદીએ X જે પહેલા ટ્વિટર તરીકે ઓળખાતુ હતું તેના પર એક પોસ્ટ કરીને કહ્યું, “ભારત-યુક્રેન ભાગીદારીને મજબૂત કરવા પર રાષ્ટ્રપતિ ઝેલેન્સકી સાથે સારી વાતચીત થઈ. તમામ શાંતિ પ્રયાસો અને ચાલી રહેલા સંઘર્ષના વહેલા અંત માટે ભારતના સતત સમર્થનની વાત કરી. ભારત તેના લોકો-કેન્દ્રિત અભિગમ દ્વારા સંચાલિત માનવતાવાદી સહાય પૂરી પાડતું રહેશે.”
Had a good conversation with President @ZelenskyyUa on strengthening the India-Ukraine partnership. Conveyed India’s consistent support for all efforts for peace and bringing an early end to the ongoing conflict. India will continue to provide humanitarian assistance guided by…
— Narendra Modi (@narendramodi) March 20, 2024
પીએમ નરેન્દ્ર મોદીએ રશિયાના રાષ્ટ્રપતિ સાથે પણ વાત કરી હતી
ઝેલેન્સ્કી સાથેની વાતચીત કરતા પહેલા, વડપ્રધાન નરેન્દ્ર મોદીએ, આજે રશિયન પ્રમુખ વ્લાદિમીર પુતિન સાથે પણ વાત કરી હતી. તેમને તેમના પાંચમા કાર્યકાળ માટે અભિનંદન આપ્યા અને કહ્યું કે રશિયા-યુક્રેન સંઘર્ષને ઉકેલવા માટે વાતચીત અને રાજદ્વારી રીતે જ આગળ વધવાનો એકમાત્ર રસ્તો છે.
Spoke with President Putin and congratulated him on his re-election as the President of the Russian Federation. We agreed to work together to further deepen and expand India-Russia Special & Privileged Strategic Partnership in the years ahead. @KremlinRussia
— Narendra Modi (@narendramodi) March 20, 2024
વ્લાદીમિર પુતિન અને વ્લાદીમિર ઝેલેન્સકી સાથે વાત કરીને વડાપ્રધાન નરેન્દ્ર મોદીએ લાંબા સમયથી રશિયા અને યુક્રેન વચ્ચે ચાલી આવતા યુદ્ધને સમાપ્ત કરવાની વાત કરી હતી. આ માટે શાંતિપૂર્ણ રીતે રાજદ્વારી ઉકેલ લાવવાની પણ હિમાયત કરી હતી.
