ગુજરાતના આર્થિક પાટનગર અમદાવાદને વૈશ્વિક સ્તરે રમતગમતનું કેન્દ્ર બનાવવાના હેતુથી રાજ્ય સરકારે મહત્વપૂર્ણ પહેલ કરી છે. નાણાકીય વર્ષના બજેટમાં ₹1278 કરોડની મોટી ફાળવણી કરીને શહેરને ‘ઓલિમ્પિક રેડી સિટી’ તરીકે વિકસાવવાનો રોડમૅપ જાહેર કરવામાં આવ્યો છે. આ પ્રોજેક્ટનો મુખ્ય ઉદ્દેશ વર્ષ 2030ની કોમનવેલ્થ ગેમ્સની યજમાની મેળવવાનો અને ભવિષ્યમાં ઓલિમ્પિક ગેમ્સ માટે શહેરને તૈયાર કરવાનો છે.
શું છે સરકારનો માસ્ટર પ્લાન?
આ પ્રોજેક્ટ હેઠળ અમદાવાદમાં આંતરરાષ્ટ્રીય ધોરણોને અનુરૂપ સ્પોર્ટ્સ ઇન્ફ્રાસ્ટ્રક્ચર વિકસાવવામાં આવશે. વિશ્વકક્ષાની સુવિધાઓ ધરાવતા નવા સ્પોર્ટ્સ કોમ્પ્લેક્સ, સ્ટેડિયમ અને ટ્રેનિંગ સેન્ટર્સ તૈયાર કરવામાં આવશે, જેથી આંતરરાષ્ટ્રીય ખેલાડીઓ અને સ્પર્ધાઓ માટે શહેર તૈયાર બને. આ યોજના માત્ર રમતગમત પૂરતી મર્યાદિત નહીં રહી, પરંતુ શહેરના શહેરી વિકાસ, પરિવહન અને પ્રવાસન ક્ષેત્રે પણ મોટો ફેરફાર લાવશે.
આધુનિક પરિવહન સુવિધાઓ સાથે જોડાશે સ્પોર્ટ્સ વેન્યુઝ
રમતવીરો અને પ્રેક્ષકો માટે સરળ અવરજવર સુનિશ્ચિત કરવા સ્પોર્ટ્સ વેન્યુઝને મેટ્રો, BRTS અને અન્ય આધુનિક જાહેર પરિવહન સેવાઓ સાથે જોડવામાં આવશે. આ પગલાંથી ટ્રાફિક મેનેજમેન્ટ સુધરશે અને શહેરમાં સ્માર્ટ અર્બન મોબિલિટીનું મોડલ વિકસશે.
સરદાર વલ્લભભાઈ પટેલ સ્પોર્ટ્સ એન્કલેવ માટે વિશેષ જોગવાઈ
અમદાવાદના સરદાર વલ્લભભાઈ પટેલ સ્પોર્ટ્સ એન્કલેવના વિકાસ માટે ₹500 કરોડ ફાળવવામાં આવ્યા છે. આ એન્કલેવને મલ્ટી-સ્પોર્ટ્સ હબ તરીકે વિકસાવી આંતરરાષ્ટ્રીય સ્પર્ધાઓ આયોજિત કરવા યોગ્ય માળખું ઉભું કરવામાં આવશે.
આ પ્રોજેક્ટથી શહેરના ઇન્ફ્રાસ્ટ્રક્ચર, હોટેલ ઉદ્યોગ, પ્રવાસન અને સ્થાનિક અર્થતંત્રને પણ મોટો ફાયદો થવાની શક્યતા છે. મોટા આંતરરાષ્ટ્રીય રમતોત્સવોના આયોજનથી અમદાવાદને વૈશ્વિક ઓળખ મળશે અને નવા રોકાણો આકર્ષિત થશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
