દર વર્ષે ઉત્તરાયણ પછી રસ્તાઓ અને ઝાડ પર લટકતી પતંગની દોરીઓ પક્ષીઓ અને વાહનચાલકો માટે જોખમ ઊભું કરે છે. જોકે, આ વર્ષે અમદાવાદ મ્યુનિસિપલ કોર્પોરેશન (AMC)ના સોલિડ વેસ્ટ મેનેજમેન્ટ વિભાગે આ જોખમી કચરાને કલામાં પરિવર્તિત કરીને નગર માટે એક નવી મિસાલ ઉભી કરી છે. ‘વેસ્ટ ટુ આર્ટ’ અભિગમ હેઠળ, શહેરમાંથી એકત્ર કરાયેલી 1200 કિલો પતંગ દોરીમાંથી ‘કોમનવેલ્થ ગેમ્સ-2030’નો આકર્ષક લોગો તૈયાર કરવામાં આવ્યો છે.
આ નવતર પ્રયોગ નાગરિકોમાં રમતગમત અને પર્યાવરણ પ્રત્યે જાગૃતિ વધારવાનો હેતુ ધરાવે છે. AMCના અધિકારીઓએ જણાવ્યું કે પતંગની દોરીને ફેંકી દેવાને બદલે તેને કલાત્મક સ્વરૂપ આપવામાં આવ્યું છે, જે ખેલ જગતના મહાકુંભનો પ્રતીક બની છે. લોગો તૈયાર થયા બાદ વધેલી દોરીને AMCના ‘વેસ્ટ ટુ એનર્જી‘ પ્લાન્ટમાં મોકલી ઇંધણ તરીકે વીજળી ઉત્પાદન માટે ઉપયોગ કરવામાં આવશે.
કરુણા અભિયાન-2026ની સફળતા
ઉત્તરાયણ પર્વ દરમિયાન AMC દ્વારા વિશેષ ‘કરુણા અભિયાન‘ ચલાવવામાં આવ્યું હતું. શહેરના 7 ઝોન અને 48 વોર્ડમાં 150થી વધુ લિટર પીકઅપ વાહનો અને વિશેષ ટીમો દ્વારા માર્ગો પરથી દોરી એકત્રિત કરવામાં આવી. આ અભિયાનમાં રાંદલ માતા સમિતિ, ધી ઇક્વલ સોસાયટી, પક્ષી બચાવો-પારેવડા ગ્રુપ અને ખોખરા યુથ ફેડરેશન જેવી સંસ્થાઓએ સહયોગ આપ્યો હતો.
પર્યાવરણ સુરક્ષા અને પક્ષી રક્ષણ
AMCની આ પહેલથી શહેરના રસ્તાઓ સાફ થયા છે, જ્યારે લટકતી દોરીઓથી પક્ષીઓ અને ટુ-વ્હીલર ચાલકો પર પડતી જોખમ ઘટી છે. કચરાનું યોગ્ય વ્યવસ્થિત નિકાલ અને તેમાંથી કલાત્મક ઉપયોગ શહેરભરમાં પ્રશંસાનું કારણ બન્યું છે. AMCનું ઉદ્દેશ્ય છે કે જોખમી કચરાને રિસાયકલ કરી તેનો સર્જનાત્મક અને પર્યાવરણપ્રેમી ઉપયોગ કરવો.
AMCના અધિકારીઓએ જણાવ્યું કે આ લોગો માત્ર રમતગમત પ્રત્યેના પ્રેમનો પ્રતીક નથી, પણ પર્યાવરણ અને પર્યાવરણ સંરક્ષણ પ્રત્યેની જવાબદારીનું સંદેશ પણ આપે છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
