રાજ્યસભા સાંસદ સ્વાતિ માલીવાલ સાથે મુખ્યમંત્રી આવાસમાં થયેલી મારપીટના મામલે આરોપી વિભવ કુમારને દિલ્હી પોલીસે મુખ્યમંત્રી અરવિંદ કેજરીવાલના ઘરેથી અટકાયત કરી લીધી છે. પોલીસ હવે વિભવને હોસ્પિટલ લઈ જશે. વિભવની ધરપકડ માટે દિલ્હી પોલીસ સતત તેની લોકેશન શોધી રહી હતી.
https://x.com/ANI/status/1791726401361715313
સીએમ હાઉસમાં રાજ્યસભા સાંસદ સ્વાતિ માલીવાલ પર હુમલાના કેસમાં આરોપી વિભવ કુમારને દિલ્હી પોલીસે અરવિંદ કેજરીવાલના સીએમ હાઉસમાંથી કસ્ટડીમાં લઈ લીધો છે અને હવે સિવિલ લાઈન્સ પોલીસ સ્ટેશન લઈ જવામાં આવ્યો છે. અહીંથી પોલીસ વિભવને હોસ્પિટલ લઈ જશે અને થોડીવારમાં તેની ધરપકડ કરવામાં આવશે તેવી આશા છે. દિલ્હી પોલીસને ઈનપુટ મળ્યા હતા કે વિભવ દિલ્હીની બહાર નથી પરંતુ તે મુખ્યમંત્રીના આવાસમાં જ હાજર છે.
પોલીસ શોધી રહી હતી લોકેશન
માહિતી અનુસાર, વિભવ કુમારે તેની ફરિયાદને લઈને દિલ્હી પોલીસને જે મેઈલ મોકલ્યો હતો તેનું આઈપી એડ્રેસ પણ પોલીસે ટ્રેક કર્યું હતું. ઘણી ટીમો સતત વિભવને શોધી રહી હતી અને અંતે વિભવને સીએમ આવાસ પાસેથી કસ્ટડીમાં લઈ લેવામાં આવ્યો
હકીકતમાં, 13 મેના રોજ સ્વાતિ માલીવાલ સાથે મારપીટની ઘટના સામે આવી હતી અને તેણે અરવિંદ કેજરીવાલના નજીકના વિભવ કુમાર પર ગંભીર આરોપ લગાવ્યા હતા. આ પછી તેણે એફઆઈઆર નોંધાવી અને શુક્રવારે કોર્ટ સમક્ષ પોતાનું નિવેદન નોંધ્યું જેમાં વિભવ પર ગંભીર આરોપો લગાવવામાં આવ્યા. કેસ નોંધ્યા પછી, દિલ્હી પોલીસ તેની ધરપકડ કરવા માટે વિભવની લોકેશનની શોધી રહી હતી.
સ્વાતિએ વિભવ પર લગાવ્યા ગંભીર આરોપ
સ્વાતિએ સીએમ કેજરીવાલના અંગત સચિવ વિભવ કુમાર પર ગંભીર આરોપ લગાવ્યા છે. ફરિયાદમાં માત્ર વિભવને જ આરોપી બનાવવામાં આવ્યો છે. સ્વાતિ કહે છે કે તેને લાત મારવામાં આવી છે. પેટ અને શરીર પર પણ હુમલો કરવામાં આવ્યો છે. સ્વાતિએ દિલ્હી પોલીસને ચાર દિવસ પહેલા કરેલા પીસીઆર કોલ વિશે પણ વિગતવાર માહિતી આપી છે.
જણાવી દઈએ કે 13 મેના રોજ સ્વાતિ માલીવાલ તેની પાર્ટીના નેતા અરવિંદ કેજરીવાલને મળવા માટે તેના ઘરે પહોંચી હતી. સ્વાતિએ ફરિયાદમાં દાવો કર્યો છે કે જ્યારે તે ડ્રોઈંગ રૂમમાં રાહ જોઈ રહી હતી ત્યારે વિભવે તેની સાથે ખરાબ વર્તન કર્યું હતું. આ હુમલો કોઈપણ ઉશ્કેરણી વગર થયો હતો, ત્યારબાદ સ્વાતિએ પીસીઆર કોલ કરીને પોલીસને જાણ કરી હતી.
