બિહારના દરભંગામાં રાહુલ ગાંધીની ‘વોટ અધિકાર યાત્રા’ દરમિયાન બનેલી વિવાદાસ્પદ ઘટનાના થોડા જ દિવસોમાં કોંગ્રેસ ફરી એકવાર ઘોર વિવાદમાં સપડાઈ છે. ત્યારે મંચ પરથી રિઝવી ઉર્ફે રાજા નામના વ્યક્તિએ વડા પ્રધાન નરેન્દ્ર મોદીની માતા વિશે અપમાનજનક ભાષાનો ઉપયોગ કર્યો હતો, જેના કારણે દેશભરમાં ભારે નારાજગી ફેલાઈ અને પોલીસને આરોપીને ઝડપી લેવા પડ્યા. પરંતુ આ ઘટનાની અસર ઓછી પણ થઈ નથી કે હવે બિહાર કોંગ્રેસે પોતાની સત્તાવાર એક્સ હેન્ડલ પરથી વધુ એક વિવાદિત AI જનરેટેડ વિડીયો પોસ્ટ કર્યો છે. આ વિડીયોમાં વડા પ્રધાન નરેન્દ્ર મોદીને ટાર્ગેટ કરીને તેમની માતા અંગે અભદ્ર સંદેશો પ્રસારિત કરવામાં આવ્યા છે, જે રાજકીય નૈતિકતાના તમામ ધોરણોને તોડી નાખે છે.
साहब के सपनों में आईं "माँ"
देखिए रोचक संवाद 👇 pic.twitter.com/aA4mKGa67m
— Bihar Congress (@INCBihar) September 10, 2025
આ વિડીયોમાં મોદીનાં AI મોડેલને બોલાવતા બતાવવામાં આવ્યું છે કે, “આજની વોટ ચોરી ડન થઈ ગઈ, હવે જાઉં છું સૂવા માટે.” ત્યારબાદ તેમાં તેમની માતાનું પાત્ર દેખાડવામાં આવ્યું છે, જે સ્વપ્નમાં આવીને કહે છે કે, “અરે બેટા, પહેલાં નોટબંધી વખતે મને લાંબી લાઇનમાં ઊભું રાખ્યું, મારા પગ ધોવાની રીલ બનાવી અને હવે મારા નામે રાજનીતિ કરે છે. મારા અપમાનના બેનર-પોસ્ટર છપાવીને ફરી નાટક કરવાનું શરૂ કર્યું છે. રાજનીતિના નામે કેટલું નીચે ઉતરીશ?” આ પ્રકારની અસંવેદનશીલ અને ઘૃણાસ્પદ રજૂઆત સામે ભાજપે કડક પ્રતિક્રિયા આપી છે.
ભાજપના નેતા શહઝાદ પૂનાવાલાએ આ વિડીયોને લઈને કહ્યું કે કોંગ્રેસ હવે “ગાંધીની કોંગ્રેસ” નથી રહી, પરંતુ “ગાળો આપનારાઓની કોંગ્રેસ” બની ગઈ છે. તેમણે એક્સ પર સ્પષ્ટ લખ્યું કે વડા પ્રધાનની માતાને સતત નિશાન બનાવવું કોંગ્રેસની રાજનીતિનું નવું હથિયાર બની ગયું છે. પૂનાવાલાએ આક્ષેપ કર્યો કે કોંગ્રેસ માત્ર આરોપીઓનું જ બચાવ કરતી નથી, પરંતુ પોતાના નેતાઓની અભદ્ર ભાષાને પણ સમર્થન આપે છે.
Far from having remorse For abusing PM’s Mother
Congress not only justified
Defended the accused with lies
Tariq Anwar too defended
And now Bihar Congress crossed all limits with a disgusting video
This party has become GAALIWADI instead of Gandhiwadi
Mahila aur Maatru… https://t.co/i5lhmrw0F7 pic.twitter.com/HG8efjxQQd
— Shehzad Jai Hind (Modi Ka Parivar) (@Shehzad_Ind) September 11, 2025
ભાજપના રાષ્ટ્રીય પ્રવક્તા પ્રદીપ ભંડારીએ પણ કડક શબ્દોમાં પ્રતિક્રિયા આપતા કહ્યું કે કોંગ્રેસે એક વખત ફરી વડા પ્રધાનની દિવંગત માતાની મજાક ઉડાવી છે. તેમણે એક્સ પર લખ્યું કે, “કોંગ્રેસનો શાહી પરિવાર ભારતની માતાઓ અને બહેનોનું અપમાન કરી રહ્યો છે. આ માત્ર રાજકીય અણજાણ નથી, પરંતુ ગરીબો અને સામાન્ય જનતા પ્રત્યે કોંગ્રેસની નફરતનું ખુલ્લું પ્રદર્શન છે.” તેમણે ઉમેર્યું કે, કોંગ્રેસ મહિલા વિરોધી છે અને ગરીબોની ભાવનાઓનો મજાક બનાવવામાં તેને શરમ પણ નથી આવતી.
On the instruction of Rahul Gandhi, Congress party has mocked Honorable PM @narendramodi Ji's late mother.
Few days back Congress had abused PM Narendra Modi's late mother.
Congress's "Shahi Parivar* is insulting mothers and sisters of Bharat.
It's not just insensitive, it's… https://t.co/6Tebpthj0G pic.twitter.com/XFLDb70BXG
— Pradeep Bhandari(प्रदीप भंडारी)🇮🇳 (@pradip103) September 11, 2025
આ સમગ્ર મુદ્દે વડા પ્રધાન નરેન્દ્ર મોદીએ પોતે પણ દુખ વ્યક્ત કર્યું હતું. દરભંગાની ઘટનાના સંદર્ભમાં તેમણે કહ્યું હતું કે, “મારી માતા હવે આ દુનિયામાં નથી. તેમનો રાજનીતિ સાથે કોઈ લેવાદેવા ન હોવા છતાં કોંગ્રેસ-આરજેડીના મંચ પરથી તેમને ઘૃણાસ્પદ ગાળો આપવામાં આવી. આ અત્યંત પીડાદાયક અને વ્યથિત કરનારું છે.” પરંતુ વિરોધ છતાં કોંગ્રેસે પોતાની હરકતમાંથી કોઈ પાઠ શીખ્યો નથી અને હવે AI ટેકનોલોજીનો ઉપયોગ કરીને અપમાનજનક સામગ્રી પ્રસારી છે.
આવો વિડીયો માત્ર રાજકીય અણજાણ નહીં, પરંતુ ભારતીય સંસ્કૃતિ અને માતૃશક્તિના સન્માન પર સીધો આઘાત છે. દેશની પરંપરામાં માતાને પૂજ્ય સ્થાન આપવામાં આવે છે, ત્યારે એક રાષ્ટ્રીય પાર્ટી દ્વારા આવો અભદ્ર વિડીયો બનાવવો અને ફેલાવવો એ સમાજમાં ઘૃણા અને અસંતોષ ફેલાવવાનો જ પ્રયાસ ગણાય. નિષ્ણાતોનું માનવું છે કે આ કોંગ્રેસની રાજકીય હતાશા અને દેવાળિયાપણું દર્શાવે છે. રચનાત્મક મુદ્દાઓ પર ચર્ચા કરવાની જગ્યાએ જો પાર્ટી વડા પ્રધાનની દિવંગત માતાને નિશાન બનાવી રહી હોય, તો એ સાબિત કરે છે કે કોંગ્રેસ પાસે ના વિઝન છે, ના જનતાની સમસ્યાઓનો ઉકેલ આપવાની ક્ષમતા.
આ ઘટના એ પણ સાબિત કરે છે કે કોંગ્રેસ પોતાની ઓળખ ‘ગાંધીવાદી’ તરીકે નહીં, પરંતુ ‘ગાળોવાદી’ તરીકે મજબૂત કરી રહી છે. દેશની મહિલાઓ અને ગરીબ વર્ગ પ્રત્યે આટલી અસંવેદનશીલતા દર્શાવવી માત્ર નૈતિક પતન જ નહીં, પરંતુ ભારતીય લોકશાહી માટે પણ ચિંતાજનક છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
