મધ્યપ્રદેશની રાજધાની ભોપાલમાં બનાવેલ 90 ડિગ્રીના ખૂણાવાળા પુલથી ખૂબ ચર્ચા થઈ હતી. જો કે હવે હવે મધ્યપ્રદેશના ઇન્દોરથી વધુ એક આવો જ કિસ્સો સામે આવ્યો છે. જયાં Z શેપમાં બે 90 ડિગ્રીના ખૂણાવાળા બ્રિજ બનાવવામાં આવ્યા છે.
ઈન્દોર શહેરના પોલો ગ્રાઉન્ડ પર બની રહેલો રેલ્વે ઓવરબ્રિજ, જે અંગ્રેજી અક્ષર ‘Z’ ના આકારનો છે, તે હવે સોશિયલ મીડિયાથી લઈને રસ્તાઓ સુધી ચર્ચાનો વિષય બન્યો છે. આ પુલમાં બે 90 ડિગ્રીના ખૂણા છે. એટલે કે ઇન્દોર આ બાબતમાં ભોપાલથી બે પગલાં આગળ વધી ગયું છે.
એન્જિનિયરિંગનું નવું ઉદાહરણ કે ટ્રાફિક પઝલ?
ઇન્દોરના પોલો ગ્રાઉન્ડ પર બની રહેલો આ રેલ્વે ઓવરબ્રિજ તેની અનોખી ડિઝાઇન માટે હેડલાઇન્સમાં છે. આ પુલમાં 90 ડિગ્રીના બે તીક્ષ્ણ વળાંક છે, જે તેને ‘Z’ આકારનો બનાવે છે. આ ડિઝાઇન જોઈને, કેટલાક તેને એન્જિનિયરિંગનો ચમત્કાર કહી રહ્યા છે તો કેટલાક તેને ટ્રાફિક રોલર કોસ્ટર કહી રહ્યા છે. બે તીક્ષ્ણ વળાંકોને કારણે, અહી અકસ્માતો ભી રહેલો છે.
ભોપાલને પાછળ છોડ્યું
ભોપાલનો ઐશબાગ 90 ડિગ્રી પુલ પહેલાથી જ સોશિયલ મીડિયા પર વાયરલ થઈ ગયો હતો, પરંતુ ઇન્દોરે બે ડગલાં આગળ વધીને ‘Z’ આકારનો પુલ બનાવીને બધાને આશ્ચર્યચકિત કરી દીધા. આ પુલ જાહેર બાંધકામ વિભાગ (PWD) ની દેખરેખ હેઠળ બનાવવામાં આવી રહ્યો છે, અને તેની ડિઝાઇને ‘અજબ મધ્ય પ્રદેશ’ ના નકશા પર ઇન્દોરને વધુ હાઇલાઇટ કર્યું છે. આ અનોખો પુલ ચર્ચામાં આવતાની સાથે જ પીડબ્લ્યુડીએ સ્પષ્ટતા કરી કે ડિઝાઇનમાં ફેરફાર કરવાનો વિચાર કરવામાં આવી રહ્યો છે. વિભાગનું કહેવું છે કે આ પુલ રેલ્વે લાઇન પાર કરવા માટે બનાવવામાં આવી રહ્યો છે, અને જગ્યાના અભાવે આવી ડિઝાઇન બનાવવામાં આવી છે.
સોશિયલ મીડિયા પર મીમ્સનો પૂર
આ ‘ઝેડ’ આકારના પુલે સોશિયલ મીડિયા પર ધૂમ મચાવી છે. કેટલાક તેને ‘મધ્યપ્રદેશની ઝિગ-ઝેગ અજાયબી’ કહી રહ્યા છે, જ્યારે કેટલાક તેને ‘ડ્રાઇવિંગ સ્કૂલનો ટેસ્ટ ટ્રેક’ કહી રહ્યા છે. એક યુઝરે મજાકમાં તો લખ્યું, “હવે તમારે ઇન્દોરમાં ડ્રાઇવિંગ લાઇસન્સ મેળવવા માટે Z ટેસ્ટ આપવો પડશે.” આ રમુજી મીમ્સે આ પુલને વધુ લોકપ્રિય બનાવ્યો છે.
