ઉત્તર પ્રદેશના બહરાઇચ જિલ્લામાં મહારાજા સુહેલદેવ ઓટોનોમસ સ્ટેટ મેડિકલ કોલેજના કેમ્પસમાં 10 ગેરકાયદે મજારો પર બુલડોઝર ચલાવીને તમામ બાંધકામો હટાવવાની કાર્યવાહી 19 જાન્યુઆરી 2026ના રોજ પૂર્ણ કરી દેવામાં આવી છે. આ કામગીરી ભારે પોલીસ બળની હાજરીમાં શાંતિપૂર્ણ રીતે કરવામાં આવી, જે લાંબો સમયથી ચાલી રહેલા કાયદાકીય વિવાદનો અંત દર્શાવે છે. મમલાનો આરંભ 2002માં થયો હતો, જ્યારે આ જગ્યાએ વક્ફ બોર્ડમાં માત્ર બે મજારો નોંધાયેલા હતા, પરંતુ સમય જતાં 10 વધારાના ગેરકાયદે મજારા ઉભા કરી દેવામાં આવ્યા હતા. 2002માં તત્કાલીન સિટી મેજિસ્ટ્રેટે આ વધારાના બાંધકામોને ગેરકાયદે જાહેર કર્યાં હતાં. 2004માં આ આદેશને પડકારવામાં આવ્યો હતો, પરંતુ તે કાયદેસર રીતે રદ ન થયો.
મામલો આગળ વધતાં દેવીપાટણ આયુક્ત સુધી પહોંચ્યો હતો, જ્યાં વર્ષ 2019માં કમિશનરે ગેરકાયદે બાંધકામોને હટાવવાનો આદેશ યથાવત્ રાખ્યો હતો. તે સમયે મેડિકલ કોલેજ શરૂ થઈ ચુકી હતી, પરંતુ કોલેજના કેમ્પસમાં અન્ય વધારાના મજારા ઉભા કરી દેવામાં આવ્યા. 2023માં કોલેજના પ્રિન્સિપાલે જિલ્લા મેજિસ્ટ્રેટને પત્ર લખીને આ ગેરકાયદે બાંધકામોને દૂર કરવાની વિનંતી કરી હતી.
આ કાર્યવાહી પહેલાં 10 જાન્યુઆરી 2026ના રોજ સંબંધિત પક્ષોને નોટિસ પણ જારી કરવામાં આવી હતી, જેમાં 17 જાન્યુઆરી સુધીમાં સ્વેચ્છાએ ગેરકાયદે બાંધકામો હટાવવાનું કહેવામાં આવ્યું હતું. નોટિસની મુદત પૂરી થયા બાદ પણ કોઈ કાર્યવાહી ન થતાં જિલ્લા મેજિસ્ટ્રેટ અક્ષય ત્રિપાઠીના નિર્દેશ પર 19 જાન્યુઆરીએ બુલડોઝર ચલાવીને આ બાંધકામોને હટાવવામાં આવ્યા. સિટી મેજિસ્ટ્રેટ રાજેશ પ્રસાદે જણાવ્યું કે 2002 અને 2004ના આદેશો અને 2019માં કમિશનર દ્વારા યથાવત્ રાખેલા આદેશ મુજબ આ બાંધકામો સ્પષ્ટ રીતે ગેરકાયદે હતા અને વારંવાર નોટિસ આપ્યા હોવા છતાં હટાવવામાં નહીં આવ્યા હતા.
સુરક્ષા વ્યવસ્થાનો પૂરતો વ્યવસ્થા રાખી, કાર્યવાહી દરમિયાન કોઈ અશાંતિ કે ઘર્ષણ નોંધાયું ન હતું. સિટી મેજિસ્ટ્રેટે જણાવ્યું કે આ પગલાં લાંબા સમયથી ચાલી રહેલા કાયદાકીય આદેશો અને યોગ્ય પ્રક્રિયાને આધારે લેવામાં આવ્યા છે, અને વક્ફમાં નોંધાયેલી મૂળ મજારો પર કોઈ કાર્યવાહી કરવામાં આવી નથી. આ કામગીરીથી મહારાજા સુહેલદેવ મેડિકલ કોલેજના કેમ્પસમાં ગેરકાયદે બાંધકામો દૂર થઈને કાયદા અને વ્યવસ્થાનું પાલન સુનિશ્ચિત થયું છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
