શિવકુંજ આશ્રમ જાળિયામાં ચકલી પ્રેમી દાતા કાર્યકર્તાઓનું અભિવાદન કરાયું છે. ચકલી દિવસ પ્રસંગે વિશ્વાનંદ માતાજી દ્વારા આ સન્માન થયું છે.
પર્યાવરણવિદ્દ અને નિવૃત્ત શિક્ષક રમેશભાઈ પટેલનાં સંકલન સાથે દાતાઓનાં સહયોગ સાથે ભાવનગર તથા બોટાદ પંથકમાં ચકલી માળા વિતરણ અભિયાન ચાલી રહ્યું છે. આ દરમિયાન ઉમરાળા તાલુકાનાં જાળિયા શિવકુંજ આશ્રમમાં ચકલી પ્રેમી દાતા કાર્યકર્તાઓનું ચાદર વડે અભિવાદન કરાયું છે.
સ્વર્ગસ્થ જયેશભાઈ મોરડિયાનાં સ્મરણાર્થે આ માળાનાં દાતા ખીમજીભાઈ મોરડિયા તથા મંથનભાઈ મોરડિયા સાથે કાર્યકર્તાઓ રાજુભાઈ અણઘણ તથા રાજુભાઈ મોણપરાનું ચકલી દિવસ પ્રસંગેશ્રી અભિવાદન સન્માન કરવામાં આવ્યું.
શિવકુંજ આશ્રમ દ્વારા થતી વૃક્ષારોપણ, ચકલી માળા વિતરણ તેમજ અન્ય સામાજિક ધાર્મિક પ્રવૃત્તિઓથી સન્માનિત કાર્યકરો પ્રભાવિત થયાં હતાં.
