પશ્ચિમ બંગાળમાં પ્રથમ ચરણના મતદાન દરમિયાન રાજકીય માહોલ ગરમાયો છે. સવારે 7 વાગ્યાથી મતદાન શરૂ થતાં જ ઉત્તર બંગાળના દાર્જિલિંગ અને જલપાઈગુડીથી લઈને દક્ષિણના મુર્શિદાબાદ, નાદિયા, બીરભૂમ અને હુગલી જિલ્લામાં મતદારોની લાંબી કતારો જોવા મળી હતી.
પરંતુ મતદાનની સાથે જ કેટલાક વિસ્તારોમાં હિંસા, મારામારી અને દેશી બોમ્બ ફેંકાવાની ઘટનાઓ સામે આવતા મતદારોમાં ભય અને ચિંતા ફેલાઈ ગઈ છે.
મુર્શિદાબાદમાં તણાવ: TMC કાર્યકરો અને હુમાયુ કબીર વચ્ચે અથડામણ
મુર્શિદાબાદ જિલ્લાના નૌદા વિસ્તારમાં તણાવની સ્થિતિ સર્જાઈ છે. અહીં તૃણમૂલ કોંગ્રેસ (TMC)ના કાર્યકરો અને નેતા હુમાયુ કબીર વચ્ચે અથડામણ થઈ હોવાની માહિતી મળી છે.
આ વિવાદ વધીને મારામારી સુધી પહોંચી ગયો હતો. હુમાયુ કબીર સ્થળ છોડવાનો પ્રયાસ કરી રહ્યા હતા, પરંતુ તેમને અટકાવવામાં આવ્યા હોવાના આરોપો સામે આવ્યા છે. આ ઘટનાના વીડિયો સોશિયલ મીડિયા પર વાયરલ થઈ રહ્યા છે.
મુર્શિદાબાદમાં ટીએમસી કાર્યકરો અને હુમાયુ કબીર વચ્ચે અથડામણ, વીડિયો વાયરલ થયો#WestBengal #Election #murshidabad pic.twitter.com/5iN8BHEeYY
— Vimal Prajapati GJ (@mgvimal_12) April 23, 2026
દેશી બોમ્બ ફેંકાવાની ઘટના, અનેક લોકો ઘાયલ
મુર્શિદાબાદના નૌદા વિસ્તારમાં મતદાન પહેલા ભારતીય જનતા પાર્ટી (BJP) અને TMC કાર્યકરો વચ્ચે અથડામણ થઈ હતી.
આ દરમિયાન કેટલાક અજાણ્યા તત્વોએ દેશી બોમ્બ ફેંક્યા હોવાનું સામે આવ્યું છે. આ ઘટનામાં અનેક લોકો ઘાયલ થયા હોવાનું સૂત્રો દ્વારા જાણવા મળ્યું છે, જેના કારણે વિસ્તારમાં અરાજકતા ફેલાઈ ગઈ હતી.
પશ્ચિમ બંગાળમાં ચૂંટણીમાં માહોલ ગરમાયો
મતદાન પહેલા મુર્શિદાબાદ જિલ્લાના નાઓડામાં ભાજપ અને ટીએમસીના કાર્યકરો વચ્ચે અથડામણ થઈ
દેશી બોમ્બ ફેંકવામાં આવ્યા, જેમાં ઘણા લોકો ઘાયલ થયા#WestBengal #Election #murshidabad pic.twitter.com/yiNbPevYbT
— Vimal Prajapati GJ (@mgvimal_12) April 23, 2026
કૂચ બિહારમાં રસ્તો રોકાયો, પોલીસે કાર્યવાહી કરી
ઉત્તર બંગાળના કૂચ બિહાર જિલ્લામાં પણ મતદાન દરમિયાન હોબાળો થયો હતો.
તુફાનગંજ-2 બ્લોકના માનસાઈ વિસ્તારમાં TMC કાર્યકરો દ્વારા બૂથ નંબર 237 અને 238 પાસે રસ્તો બ્લોક કરવામાં આવ્યો હોવાનો આરોપ છે. ફરિયાદ મળતાં પોલીસે તાત્કાલિક કાર્યવાહી કરી અને કાર્યકરોને વિખેરી નાખ્યા હતા.
કાયદો-વ્યવસ્થા પર સવાલ
મતદાન દરમિયાન આવી હિંસક ઘટનાઓ સામે આવતા કાયદો-વ્યવસ્થા પર સવાલો ઊભા થયા છે. મતદારોમાં ભયનો માહોલ સર્જાતા નિષ્પક્ષ અને શાંતિપૂર્ણ મતદાન અંગે ચિંતાઓ વ્યક્ત થઈ રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
