આજે શેર માર્કેટની શરૂઆત લીલા નિશાન સાથે થઈ છે. બીએસઈના 30 શેરોવાળા બેન્ચમાર્ક ઈન્ડેક્સ સેન્સેક્સ 65 પોઈન્ટના નજીવા વધારા સાથે 76528 ના સ્તર પર ખુલ્યો છે. જ્યારે નેશનલ સ્ટોક એક્સચેન્જ એટલે કે NSEના 50 શેરનો મુખ્ય સંવેદનશીલ સૂચકાંક નિફ્ટી 6.40 પોઈન્ટ વધીને 23169ના સ્તરે ખૂલવામાં સફળ રહ્યો હતો.
યુએસ ફેડરલ રિઝર્વની મોનેટરી
પોલિસી બાદ વૈશ્વિક બજારમાં નબળો ટ્રેન્ડ જોવા મળ્યો હતો. ગુરુવારે સ્થાનિક શેરબજાર બેન્ચમાર્ક સૂચકાંકો સેન્સેકસ અને નિફ્ટી 50 માં ઘટાડા સાથે ખુલવાની ધારણા છે. યુએસ ફેડરલ રિઝર્વના વ્યાજ દરના નિર્ણય અને માઇક્રોસોફ્ટ, ટેસ્લા અને મેટાના ત્રિમાસિક પરિણામો પર રોકાણકારોની પ્રતિક્રિયાના કારણે એશિયન બજારો ઘટ્યા હતા, જ્યારે યુએસ શેરબજારો પણ રાતોરાત નુકસાન સાથે બંધ થયા હતા. યુએસ ફેડરલ રિઝર્વે બેન્ચમાર્ક વ્યાજ દરોમાં કોઈ ફેરફાર કર્યો નથી. યુએસ ફેડરલ રિઝર્વે બેન્ચમાર્ક વ્યાજ દરોને 4.25% – 4.50% પર યથાવત રાખ્યા છે.
એશિયન બજાર અને ગીફ્ટ નિફ્ટી
જાપાનનો નિક્કી 225 0.17% અને ટોપિકસ 0.21% ઘટ્યો. ઓસ્ટ્રેલિયન બજારો S&P/ASX 200 સાથે 0.37% વધ્યા. ચીન, તાઈવાન, દક્ષિણ કોરિયા અને હોંગકોંગના બજારો નવા વર્ષની રજા માટે બંધ છે. GIFT નિફ્ટી 23, 150ના સ્તરની આસપાસ ટ્રેડ થઈ રહ્યો હતો, જે નિફ્ટી ફ્યુચર્સના અગાઉના બંધથી લગભગ 2 પોઈન્ટનું પ્રીમિયમ છે, જે ભારતીય શેરબજારની નીરસ શરૂઆત સૂચવે છે.
વોલ સ્ટ્રીટમાં બુધવારે ઘટાડો જોવા મળ્યો કારણ કે યુએસ ફેડ દ્વારા વ્યાજદર સ્થિર રાખવામાં આવ્યા હતા, જે બજારની અપેક્ષા મુજબ હતું. તેમ છતાં, રોકાણકારોમાં મિશ્ર પ્રતિસાદ રહ્યો, જેના કારણે મુખ્ય સૂચકાંકો નીચે ગયા.
- ડાઉ જોન્સ ઈન્ડસ્ટ્રીયલ એવરેજ 140.04 પોઈન્ટ (-0.31%) ઘટીને 44,710.31 પર બંધ થયો.
- S&P 500 29.03 પોઈન્ટ ઘટીને 6,038.67 પર પહોંચ્યો.
- Nasdaq Composite 106.08 પોઈન્ટ ઘટીને 19,627.51 ના સ્તરે બંધ રહ્યો.
