Skip to content
રવિવાર, નવેમ્બર 22, 2026 Ahmedabad 29°C

દિલ્હી હાઈકોર્ટ : યુનિવર્સલ સિવિલ કોડ (UCC) વર્તમાન સમયની જરૂરિયાત છે

દિલ્હી હાઈકોર્ટ : યુનિવર્સલ સિવિલ કોડ (UCC) વર્તમાન સમયની જરૂરિયાત છે

દિલ્હી હાઈકોર્ટે શુક્રવારે દેશમાં ‘સમાન નાગરિક સંહિતા’ અથવા ‘યુનિફોર્મ સિવિલ કોડ’ (UCC) લાગુ કરવાની દિશામાં સહમતિ વ્યક્ત કરી છે અને હાઈકોર્ટે સ્પષ્ટ જણાવ્યું કે વર્તમાન સમયમાં યુનિફોર્મ સિવિલ કોડ અમલમાં લાવવા અનિવાર્ય છે. કોર્ટે જણાવ્યું કે હાલના કાયદા, જેમ કે પર્સનલ લૉ, બાળલગ્નને મંજૂરી આપે છે, જ્યારે પોક્સો એક્ટ, બીએનએસ વગેરે કાયદાઓ આવા પ્રકરણોમાં ગુનાઓ જાહેર કરે છે. આ કાયદાઓ વચ્ચે સતત થતી ટકરાવ અને ગેરસંમત સ્થિતિને જોતા, એક કાનૂની રીતે સ્પષ્ટ વ્યાખ્યા નક્કી કરવી જરૂરી છે, જેથી સમાજના હિતમાં અને કાનૂની નિષ્ઠા સાથે કેસોની સુનાવણી થઈ શકે.

હાઈકોર્ટના જસ્ટિસ અરુણ મોંગાએ એક કેસની સુનાવણી દરમ્યાન ઉલ્લેખ કર્યો કે શું સમાજને પર્સનલ લૉના નિયમોનું પાલન કરવા માટે ગુનેગાર બનાવવું યોગ્ય છે, જ્યારે કાયદાની દિશામાં એક રાષ્ટ્રીય સ્તર પર સમજૂતી જરૂરી છે. કોર્ટે કેહ્યું કે હવે યુનિફોર્મ સિવિલ કોડ તરફ આગળ વધવાનો સમય આવી ગયો છે, જેથી એક માળખું બને અને પર્સનલ લૉ જેવા કાયદાઓ રાષ્ટ્રીય કાયદા પર પ્રભાવી ન બની શકે.

આ ટિપ્પણી હાઈકોર્ટ દ્વારા હામિદ રજાની જામીન અરજી સંબંધિત કેસમાં કરવામાં આવી હતી, જેમાં હામિદ પર સગીરા સાથે લગ્ન કરવાનો આરોપ છે. આ કેસમાં આરોપ છે કે હામિદ પર આઈપીસી કલમ 376 અને પોક્સો એક્ટ હેઠળ કેસ નોંધાયો છે. ફરિયાદ સગીરાના પિતાએ દાખલ કરી હતી, પરંતુ કોર્ટે નોંધ્યું કે હામિદની ધરપકડ પહેલા સગીરા તેના સાથે રહી રહી હતી અને પિતા પોતાની ગુનો છુપાવવા માટે એફઆઈઆર નોંધાવવી.

હાઈકોર્ટે સુનાવણી દરમિયાન આ કેસમાં લગ્નની કાયદેસરતા પર કોઈ ચુકાદો આપવાનું ટાળ્યું, કારણ કે કેસમાં અનેક વિવાદિત મુદ્દા છે. એફઆઈઆરમાં કેટલીક ખામીઓ જોવા મળી હતી—જ્યારે એફઆઈઆર સગીરાની માતાએ નોંધાવ્યું, ત્યારે તેના હસ્તાક્ષર પિતાના હતા. ઉપરાંત, પિતાને કિશોરીના શોષણ અને તેના પ્રથમ બાળકના પિતા હોવાનો કેસ ચાલી રહ્યો છે, જે આ મામલાને વધુ જટિલ બનાવે છે.

કોર્ટે નોંધ્યું કે સગીરાની જન્મતારીખ 2010-2011ની વચ્ચે છે, જ્યારે હોસ્પિટલના રેકોર્ડ અનુસાર પ્રથમ ડિલીવરીના સમયે તે 17 વર્ષની હતી. સગીરાએ પોતાના એફિડેવિટમાં પોતાની ઉંમર 23 વર્ષ બતાવી છે. કોર્ટે જણાવ્યું કે હામિદ રજાની ધરપકડ બંધારણના નિયમોનું ભંગ કરે છે અને કેસ નોંધવામાં મોડું થતાં આરોપીનો તાત્કાલિક સુનાવણીનો અધિકાર ભંગ થાય છે. આ પરિસ્થિતિ દર્શાવે છે કે વર્તમાન કાયદાકીય માળખામાં અસંગતતાઓ અને ખામીઓ છે, જેના કારણે યુનિફોર્મ સિવિલ કોડ લાગુ કરવાનો મુદ્દો વધુ પ્રાસંગિક બની ગયો છે.

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Gujarat

Share this story

Latest News

View all
All latest news

Explore Districts

News from every corner of Gujarat.