હવે વિચારથી ચાલશે કોમ્પ્યુટર-મોબાઈલ!, Elon Muskની કંપનીએ માનવ મસ્તિષ્કમાં લગાવી બ્રેઈન ચિપ

મસ્કે કહ્યું, “જો પરિણામ અપેક્ષા મુજબ રહેશે તો આ ચિપ દ્વારા માનવ મસ્તિષ્ક કોમ્પ્યુટર અને મોબાઈલને ઓપરેટ કરશે. અંધ લોકો જોઈ શકશે. માનવ મસ્તિષ્ક તે તમામ કામ કરી શકશે, જે હાથ અને પગ દ્વારા કરવામાં આવે છે. મસ્તિષ્ક સમગ્ર શરીરને નિયંત્રિત કરી શકશે. મસ્કે વધુમાં જણાવ્યું કે, “માનવ મસ્તિષ્કમાં સર્જિકલ રીતે ચિપ લગાવવામાં આવી હતી. ચિપ તે જગ્યાએ ઇમ્પ્લાન્ટ કરવામાં આવી છે જ્યાંથી મસ્તિષ્ક હલન-ચલનને નિયંત્રિત કરે છે. આ સર્જરી રોબોટની મદદથી કરવામાં આવી હતી. ચિપને એક યુઝર એપથી નિયંત્રિત કરવામાં આવશે.

https://twitter.com/Iam_StephenMusk/status/1752143905678618744

સિક્કાના કદ જેટલું છે ઉપકરણ

ઈલોન મસ્કે વધુમાં જણાવ્યું કે, “ન્યુરાલિંકે સિક્કાના કદ જેટલું ઉપકરણ બનાવ્યું છે, જે કોમ્પ્યુટર, મોબાઈલ અથવા મસ્તિષ્કની ગતિવિધિઓને નિયંત્રિત કરી શકે છે. માનવ મસ્તિષ્કમાં ઇમ્પ્લાન્ટ કરાયેલા આ ઉપકરણથી, લકવાગ્રસ્ત વ્યક્તિ પણ કોમ્પ્યુટર અને ફોનનો ઉપયોગ કરી શકશે. આ ઉપકરણ એક પ્રકારનો થ્રેડ છે, જે એટલો ઝીણો છે કે તેને હાથથી પકડી શકાતો નથી, તેથી તેને માનવ મસ્તિષ્કમાં ઇમ્પ્લાન્ટ કરવા માટે, રોબોટની મદદ લેવામાં આવી હતી.”