અમદાવાદ સ્થિત સરદાર વલ્લભભાઈ પટેલ આંતરરાષ્ટ્રીય એરપોર્ટ (SVPIA) પર કસ્ટમ્સ વિભાગે સોનાની દાણચોરીના વધુ એક મોટા પ્રયાસને નિષ્ફળ બનાવ્યો છે. દુબઈથી અમદાવાદ આવેલી ઈન્ડિગો એરલાઈન્સની ફ્લાઈટમાંથી અધિકારીઓએ અંદાજે ₹4.26 કરોડની કિંમતનું 2.8 કિલો વિદેશી મૂળનું સોનું જપ્ત કર્યું છે.
પ્રાથમિક તપાસમાં સામે આવ્યું છે કે દાણચોરોએ કસ્ટમ્સની નજરથી બચવા માટે સોનાને વિમાનના ટોઇલેટમાં આવેલા સ્પીકર બોક્સની અંદર અત્યંત શાતિર રીતે છુપાવ્યું હતું. હાલ કસ્ટમ્સ વિભાગ સમગ્ર સ્મગલિંગ નેટવર્કની તપાસમાં લાગી ગયો છે.
गुजरात : प्लेन के टॉयलेट स्पीकर से 4 करोड़ का सोना जब्त किया गया
दो थैलियों में 24 सोने के बिस्कुट मिले
दुबई से अहमदाबाद पहुंची थी फ्लाइट#GoldSeizure #GujaratSmuggling #DubaiAhmedabad #PlaneToiletGold #24GoldBiscuits
[ Gold Smuggling, Gujarat Airport, Dubai Flight, Toilet… pic.twitter.com/7YVNWdrEDL
— One India News (@oneindianewscom) June 13, 2026
સ્પીકર બોક્સની અંદરથી મળી આવી સોનાની પોટલીઓ
કસ્ટમ્સ અધિકારીઓના જણાવ્યા અનુસાર, દુબઈથી આવેલી ઈન્ડિગો એરલાઈન્સની ફ્લાઈટ 6E-1478 અમદાવાદ એરપોર્ટ પર ઉતર્યા બાદ નિયમિત તપાસ હાથ ધરવામાં આવી હતી.
એરક્રાફ્ટ એન્જિનિયરોની મદદથી વિમાનના આગળના ભાગમાં આવેલા શૌચાલય (Lavatory)નું સર્ચ ઓપરેશન કરવામાં આવ્યું હતું. તપાસ દરમિયાન સ્પીકર બોક્સની અંદર કાળી પ્લાસ્ટિક ટેપથી વીંટાળેલી બે શંકાસ્પદ પોટલીઓ મળી આવી હતી.
પોટલીઓ ખોલતા તેમાં 24 કેરેટ શુદ્ધતા ધરાવતા 24 વિદેશી સોનાના બિસ્કિટ મળી આવ્યા હતા. જપ્ત કરાયેલા સોનાનું કુલ વજન 2,799.3 ગ્રામ (લગભગ 2.8 કિલો) હોવાનું બહાર આવ્યું છે.
Gujarat | During the search conducted on IndiGo Flight No. 6E-1478 arriving from Dubai at SVPI Airport, Ahmedabad on 12.06.2026, Customs officials, with the help of Aircraft Engineers, seized two pouches wrapped in black plastic tape inside the speaker box located in the front… pic.twitter.com/rcn5s6KsSh
— ANI (@ANI) June 13, 2026
₹4.26 કરોડથી વધુ કિંમતનું સોનું જપ્ત
કસ્ટમ્સ વિભાગના અંદાજ મુજબ જપ્ત કરાયેલા સોનાની બજાર કિંમત ₹4,26,89,325 જેટલી છે.
સોનું વિદેશી મૂળનું હોવાનું જાણવા મળ્યું છે અને તેને કસ્ટમ્સ એક્ટ, 1962ના નિયમોનું ઉલ્લંઘન કરીને ભારતમાં લાવવાનો પ્રયાસ કરવામાં આવ્યો હતો.
કોઈ દાવેદાર ન મળતા ‘બિનવારસી’ જાહેર
તપાસ દરમિયાન વિમાનમાં મુસાફરી કરનારા કોઈપણ મુસાફરે આ સોના પર પોતાનો દાવો કર્યો નહોતો.
આથી કસ્ટમ્સ વિભાગે સમગ્ર જથ્થાને ‘બિનવારસી’ (Unclaimed Gold) જાહેર કરીને જપ્ત કરી લીધો છે. હવે અધિકારીઓ સોનાને વિમાનમાં છુપાવનાર વ્યક્તિ અથવા ગેંગ સુધી પહોંચવા માટે સીસીટીવી, મુસાફરોની વિગતો અને અન્ય ટેક્નિકલ પુરાવાઓની તપાસ કરી રહ્યા છે.
Gujarat | During the search conducted on IndiGo Flight No. 6E-1478 arriving from Dubai at SVPI Airport, Ahmedabad on 12.06.2026, Customs officials, with the help of Aircraft Engineers, seized two pouches wrapped in black plastic tape inside the speaker box located in the front… pic.twitter.com/vUoWIBIhxF
— ANI (@ANI) June 13, 2026
ગલ્ફ દેશોથી સોનાની દાણચોરીના કેસોમાં વધારો
તાજેતરના મહિનાઓમાં અમદાવાદ એરપોર્ટ પર ગલ્ફ દેશોમાંથી સોનાની દાણચોરીના અનેક કેસો સામે આવ્યા છે. દાણચોરો કસ્ટમ્સને ચકમો આપવા માટે નવી-નવી પદ્ધતિઓ અપનાવી રહ્યા છે.
કસ્ટમ્સ વિભાગે તાજેતરમાં નોંધાયેલા કેટલાક મહત્વના કેસોમાં દુબઈ અને જેદ્દાહથી આવેલા મુસાફરો પાસેથી કરોડો રૂપિયાનું સોનું જપ્ત કર્યું હતું.
અગાઉ પણ સામે આવ્યા હતા ચોંકાવનારા કેસ
ફેબ્રુઆરી 2026
- દુબઈથી આવેલા મુસાફર પાસેથી
- અંડરવેરમાં પેસ્ટ સ્વરૂપે છુપાવેલું સોનું
- 601.9 ગ્રામ સોનું જપ્ત
- અંદાજિત કિંમત ₹96.06 લાખ
ફેબ્રુઆરી 2026
- જેદ્દાહથી આવેલી 4 મહિલાઓ પાસેથી
- રોડિયમ કોટેડ ચેઈન અને બંગડી સ્વરૂપે સોનું
- 945.57 ગ્રામ જ્વેલરી જપ્ત
- અંદાજિત કિંમત ₹1.52 કરોડ
અમદાવાદ એરપોર્ટ પર વધતી સતર્કતા
કસ્ટમ્સ અધિકારીઓનું કહેવું છે કે ગલ્ફ રૂટ પરથી સોનાની હેરાફેરીના પ્રયાસોમાં વધારો થયો છે. જોકે, એરપોર્ટ પર કડક ચેકિંગ, આધુનિક સ્કેનિંગ સિસ્ટમ અને ગુપ્ત બાતમીદારોના નેટવર્કના કારણે આવા મોટાભાગના પ્રયાસો નિષ્ફળ બનાવવામાં આવી રહ્યા છે.
તપાસ એજન્સીઓ હવે આ કેસમાં આંતરરાષ્ટ્રીય સ્મગલિંગ નેટવર્ક સાથેના સંભવિત સંબંધોની પણ તપાસ કરી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
