કેન્દ્ર સરકારે દેશના ડિજિટલ પ્લેટફોર્મ પર ફેલાઈ રહેલા અશ્લીલ અને સોફ્ટ પોર્ન સામગ્રી સામે કડક વલણ દાખવ્યું છે. માહિતી અને પ્રસારણ મંત્રાલયે એલ્ટ બાલાજી (ALTT), ઉલ્લુ (Ullu), દેશીફ્લિક્સ (Desiflix), બિગ શોટ્સ (Big Shots) સહિત 14 એપ્લિકેશન્સ અને 26 વેબસાઇટ્સ પર તાત્કાલિક અસરથી પ્રતિબંધ લાદી દીધો છે. આ નિર્ણય ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલયના સંકલિત પ્રયાસનો ભાગ છે, જે હેઠળ દેશભરમાં પોહચી રહેલા અસલી અને પુખ્ત વયના માટેના કન્ટેન્ટ પર નિયમન લાદવા માટે કાર્યવાહી હાથ ધરવામાં આવી છે.
સરકારના આ નિર્ણયોનું મૂળ કારણ એ છે કે અગાઉથી આવી એપ્સ અને ઓટીટી પ્લેટફોર્મ્સ સામે ઘણી ફરિયાદો મળી રહી હતી કે તેઓ જુવાન પેઢીને લલચાવતી અશ્લીલ વેબસિરીઝ અને દ્રશ્યોની વિહંગમ પ્રસારણ કરી રહ્યા છે. આવા કન્ટેન્ટનો સામાજિક અને સાંસ્કૃતિક મૂલ્યો પર નકારાત્મક અસર થતી હોવા છતાં આવા પ્લેટફોર્મ્સ સતત નિયમોની અવગણના કરતા હતા. તેથી, ઈન્ટરનેટ સર્વિસ પ્રોવાઇડર્સને આ પ્રકારની વેબસાઇટ્સ અને એપ્લિકેશન્સને દેશભરમાં બ્લોક કરવા સત્તાવાર નિર્દેશ આપવામાં આવ્યો છે.
सूचना एवं प्रसारण मंत्रालय ने 24 ऐप्स और वेबसाइट्स को किया बैन, अश्लील और आपत्तिजनक कंटेंट पर कसा शिकंजा.
सूचना एवं प्रसारण मंत्रालय (MIB) ने ऑनलाइन प्लेटफॉर्म्स पर अश्लील, वयस्क और भद्दी सामग्री के प्रसार पर रोक लगाने के लिए बड़ा कदम उठाया है।
मंत्रालय ने 24 ऐप्स और वेबसाइट्स… pic.twitter.com/2DAkYMAmul
— One India News (@oneindianewscom) July 25, 2025
આદેશમાં ખાસ ઉલ્લેખ કરવામાં આવ્યો છે કે, ઈન્ફોર્મેશન ટેક્નોલોજી એક્ટ 2000 અને IT Rules 2021 અનુસાર મધ્યસ્થીઓ (intermediaries) – જેમ કે મોબાઇલ એપ સ્ટોર્સ, ઈન્ટરનેટ સર્વિસ પ્રોવાઇડર્સ અને હોસ્ટિંગ સર્વિસ પ્રોવાઇડર્સ – માટે અનૈતિક, ગેરકાયદે અને અશ્લીલ સામગ્રીને રોકવાનું દાયિત્વ ફરજિયાત છે. તેમાં ઉલ્લખિત એપ્સમાં Alt Balaji, Ullu, Desiflix, BoomX, Navarasa Lite, Gulab, Kangna, Jalwa, Bull, Wow Entertainment, Faneyo, ShowX, Soul Talkies, Adda TV, HotX VIP, Halchal, MoodX, NiyoX VIP, Phugi, Mojflix, Tryflix સહિતની એપ્લિકેશન્સ સામેલ છે.
આ પહેલા પણ માર્ચ 2025માં કેન્દ્ર સરકારે આવા ડિજિટલ પ્લેટફોર્મ્સ સામે મોટો આઘાત પહોંચાડ્યો હતો, જ્યારે 19 વેબસાઇટ્સ, 10 મોબાઇલ એપ્સ અને 18 ઓટીટી પ્લેટફોર્મ્સના કુલ 57 સોશિયલ મીડિયા હેન્ડલ્સ પર પ્રતિબંધ લાદ્યો હતો. સરકારે એ સમયે પણ સ્પષ્ટ સંદેશો આપ્યો હતો કે ભારતના ડિજિટલ ઈકોસિસ્ટમમાં નૈતિકતા અને જવાબદારી સઘન રહેશે.
આ પગલાંના પગલે હવે સ્પષ્ટ છે કે સરકાર આવનારા સમયમાં પણ અશ્લીલ અને અનૈતિક ડિજિટલ કન્ટેન્ટ સામે “શૂન્ય સહિષ્ણુતા”ની નીતિ અપનાવશે. સાથે સાથે, ભારતીય યુવાનોને અને કુટુંબોને સકારાત્મક, નૈતિક અને માહિતીસભર કન્ટેન્ટ પ્રદાન થાય તે દિશામાં વધુ નીતિગત કડકાઈ અપનાવવાની શક્યતા છે.
