દક્ષિણ એટલાન્ટિક મહાસાગરમાં સફર કરી રહેલા ક્રૂઝ શિપ MV Hondiusમાં જીવલેણ હેન્ટાવાઇરસના આઉટબ્રેક બાદ વૈશ્વિક આરોગ્ય એજન્સીઓમાં ચિંતાનો માહોલ સર્જાયો છે. અત્યાર સુધીમાં આ ચેપથી 3 મુસાફરોના મોત થયા છે, જ્યારે 29 મુસાફરો જહાજ છોડીને અલગ-અલગ દેશોમાં પરત ફર્યા છે.
આ મુસાફરો 12 વિવિધ દેશોના હોવાનું જાણવા મળ્યું છે અને હવે તેમને ટ્રેસ કરવા માટે આંતરરાષ્ટ્રીય સ્તરે પ્રયાસો તેજ કરવામાં આવ્યા છે.
આઉટબ્રેક કેવી રીતે શરૂ થયો?
આ ઘટનાની શરૂઆત 24 એપ્રિલે થઈ જ્યારે જહાજ સેન્ટ હેલેના ટાપુ પર રોકાયું હતું. ત્યાં સુધી એક મુસાફરનું મોત થઈ ચૂક્યું હતું, જેને શરૂઆતમાં કુદરતી માનવામાં આવ્યું હતું.
પછી 4 મેે પ્રથમ સત્તાવાર કેસની પુષ્ટિ થઈ અને ત્યારથી સ્થિતિ ગંભીર બની ગઈ.
WHO અને વૈશ્વિક પ્રતિભાવ:
World Health Organization (WHO) એ સ્પષ્ટ કર્યું છે કે આ કોવિડ જેવી વૈશ્વિક મહામારી નથી, પરંતુ સતર્ક રહેવાની જરૂર છે.
WHO અધિકારી ડૉ. મારિયા વાન કેરખોવે જણાવ્યું કે આ વાયરસનો ઇન્ક્યુબેશન પિરિયડ 6 અઠવાડિયા સુધીનો હોઈ શકે છે, જેના કારણે નવા કેસો સામે આવી શકે છે.
અલગ-અલગ દેશોમાં સ્થિતિ:
નેધરલૅન્ડ
- 3 દર્દીઓ સારવાર હેઠળ
- એક ડૉક્ટર અને બ્રિટિશ ગાઇડ પણ સંક્રમિત
સ્વિટ્ઝર્લૅન્ડ
- એક દર્દી ઝ્યુરિચ હોસ્પિટલમાં સારવાર હેઠળ
અમેરિકા
- Centers for Disease Control and Prevention (CDC) દ્વારા જ્યોર્જિયા, કેલિફોર્નિયા અને એરિઝોનામાં મુસાફરો પર દેખરેખ
બ્રિટન
- મુસાફરોને 45 દિવસ સેલ્ફ-આઇસોલેશન સૂચના
સ્પેન
- જહાજ ટેનરીફ તરફ
- સ્પેનિશ મુસાફરોને લશ્કરી હોસ્પિટલમાં ખસેડવાની તૈયારી
વાયરસનો સ્ત્રોત ક્યાંથી?
નિષ્ણાતોના પ્રાથમિક અનુમાન મુજબ, આ ચેપ આર્જેન્ટિનાના ઉશુઆિયા વિસ્તારમાંથી શરૂ થયો હોઈ શકે છે.
એક ડચ દંપતી, જે પક્ષી નિરીક્ષણ માટે ત્યાં ગયું હતું, તે જહાજ પર ચેપ લાવ્યા હોવાની આશંકા છે.
આર્જેન્ટિનામાં હાલમાં 101 કેસ નોંધાયા છે, જે અગાઉના વર્ષ કરતાં બમણા છે.
મુસાફરોને ટ્રેસ કરવાની વૈશ્વિક કવાયત:
જહાજ છોડીને 29 મુસાફરો અલગ-અલગ દેશોમાં પરત ફર્યા છે. હવે:
- આંતરરાષ્ટ્રીય આરોગ્ય એજન્સીઓ એલર્ટ પર
- મુસાફરોની લોકેશન ટ્રેકિંગ શરૂ
- સંક્રમણ ફેલાવાની શક્યતા અટકાવવા પગલાં
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
