જૂનાગઢમાં સોશિયલ મીડિયા ઈન્ફ્લુએન્સર કીર્તિ પટેલ અને તેની ટોળકી દ્વારા યુટ્યુબર અબજલ સીડા પર ધમકી અને ખંડણીનો કિસ્સો સામે આવ્યો છે. મળતી માહિતી અનુસાર, યુ-ટ્યુબર અબજલ સીડાએ કીર્તિ પટેલના વિવાદાસ્પદ શિવરાત્રી મેળા વિડીયોને સોશિયલ મીડિયા પર લાઈવ પ્રસારણ કરીને વિરોધ કર્યો હતો. આ ઘટનાથી કીર્તિ પટેલના ફોલોઅર્સ ઘટી ગયા અને તેને ખાર રાખીને કીર્તિ પટેલ અને તેની ટોળકી દ્વારા અબજલને 20 લાખ રૂપિયા ખંડણીની માગણી અને ખોટા દુષ્કર્મના કેસમાં ફિટ કરવાની ધમકી આપવામાં આવી.
યુ-ટ્યુબર બે વખત આપઘાતનો પ્રયાસ કર્યો
આ ત્રાસથી કંટાળી યુવાને બે વાર ફિનાઈલ પીીને આપઘાત કરવાનો પ્રયાસ કર્યો. પ્રથમ વખત તેણે પોતાના ઘરે ફિનાઈલ પીધી અને બીજી વખત જેતપુર નવાગઢ નજીક ભાદરના પુલ પાસે ફરી આપઘાત કરવાનો પ્રયાસ કર્યો. હાલ અબજલ સીડા સારવાર હેઠળ છે અને તેની સ્થિતિ પર પોલીસ અને હોસ્પિટલ સ્ટાફ કડક નજર રાખી રહ્યા છે.
કીર્તિ પટેલ પર ગુનો નોંધાયો
ઉદ્યોગનગર પોલીસ મથકે કીર્તિ પટેલ, દિવ્યા સાવલાણી, જશપાલસિંહ, હનુ ચાવડા અને વિરમ મેવાડા સામે ગુનો નોંધાયો છે. પોલીસ દોષિતો સામે ખંડણી, ધમકી, અને આત્મહત્યાની દુષ્પ્રેરણા હેઠળ તપાસ કરી રહી છે. કીર્તિ પટેલની વિવાદિત પ્રવૃત્તિઓ અને તેના ફોલોઅર્સની વધતી ઘટતી સંખ્યા બાદ પોલીસ કડક કાર્યવાહી માટે સજ્જ છે.
મળતી માહિતી અનુસાર, જૂનાગઢ ખાતે યોજાયેલા મહા શિવરાત્રી મેળા દરમિયાન કીર્તિ પટેલે મૃગી કુંડમાં સ્નાન કરતા વિવાદ સર્જાયો હતો. આ ઘટનાના વીડિયોનો વિરોધ કરવા જૂનાગઢના યુ-ટ્યુબર અબજલ સીડાએ સોશિયલ મીડિયા પર લાઈવ કર્યું હતું. અબજલના આ વીડિયો બાદ કીર્તિ પટેલના ફોલોઅર્સ ઘટવા લાગ્યા હતા, જેનો ખાર રાખી કીર્તિ અને તેની ટોળકીએ અબજલને નિશાન બનાવ્યો હતો.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
