ઊંઝામાં કડવા પાટીદારના કુળદેવી મા ઉમિયાનું ધામ, આદ્યશક્તિ સ્વરૂપે કરી હતી સૃષ્ટિની ઉત્પતિ

મહેસાણાના ઊંઝામાં ઉમિયા માતાજીનું મંદિર આવેલું છે. માતા સીતાજી પૃથ્વીમાં સમાઈ ગયા ત્યારે લવ અને કુશની જવાબદારી ઉમિયા માતાજીને સોંપી હતી. લવના વંશજ લેઉવા અને કુશના વંશજો કડવા કહેવાયા તે કડવા પાટીદાર સમાજના કુળદેવી એટલે ઊંઝામાં બિરાજમાન મા ઉમિયા. ઉમિયાધામ સમગ્ર વિશ્વમાં પ્રસિદ્ધ છે. અમદાવાદથી 80 કિલોમીટર અને મહેસાણાથી 20 કિલોમીટરના અંતરે જીરાના વહેપાર માટે જાણીતા ઊંઝા શહેરમાં કડવા પાટીદારની કુળદેવી મા ઉમિયાનું ભવ્ય મંદિર આવેલું છે.

ઉમિયા માતાજી મંદિરની વિશેષતાઓ:

• આધ્યાત્મિક મહત્ત્વ: ઉમિયા માતાજી પાટીદાર સમાજ માટે માતૃશક્તિનું પ્રતિક છે.

• સ્થળની લોકપ્રિયતા: ઉંઝા શહેર જીરાના સૌથી મોટા વેપાર માટે જાણીતું છે અને અહીં ગુજરાત તેમજ ભારતભરના ભક્તો ઉમિયા માતાના દર્શન કરવા આવે છે.

• વૈશ્વિક પ્રસાર: માત્ર ઉંઝા જ નહીં, પરંતુ દુનિયાભરમાં વસેલા પાટીદારો માટે ઉમિયાધામ એક પવિત્ર તીર્થસ્થાન છે.

• પરિવાર અને સંસ્કૃતિ: ઉમિયા માતાજી મંદિરે પાટીદાર સમાજને જોડવાની ભૂમિકા નિભાવેલી છે અને સામૂહિક લગ્ન, ધાર્મિક અને સાંસ્કૃતિક કાર્યક્રમોનું આયોજન થાય છે.

કડવા પાટીદારની કુળદેવી જગત જનની આદ્યશક્તિ મા ઉમિયાદેવીએ આદ્યશકિત સ્વરૂપે સૃષ્ટિની ઉત્પત્તિ કરી. પૌરાણિક કથા અનુસાર માતા સીતા ઉમિયા માતાજીના પરમ ભક્ત હતા અને જ્યારે તેઓ પૃથ્વીમાં સમાયા ત્યારે તેમણે લવ અને કુશની જવાબદારી ઉમીયા માતાજીને સોંપી હતી. લવના વંશજ લેઉઆ અને કુશના વંશજો કડવા કહેવાયા. કડવા પાટીદાર સમાજ મા ઉમિયાની ભક્તિ અને આરાધના કરે છે જેના ફળ સ્વરૂપે કરોડો રૂપિયાના ખર્ચે બનાવવામાં આવેલુ મા ઉમિયાનું ભવ્ય મંદિર ઉમિયાધામ સમગ્ર વિશ્વમાં પ્રસિધ્ધ બન્યું છે.