ભારત સરકારે સ્પષ્ટ કર્યું છે કે રાષ્ટ્રીય હિતને પ્રાથમિકતા આપતાં રશિયા પાસેથી ક્રૂડ ઓઇલની ખરીદી ચાલુ રાખવામાં આવશે, ભલે અમેરિકા તરફથી કોઈ દબાણ હોય કે ન હોય. આ નિવેદન ભારતની ઉર્જા સુરક્ષા અને સ્વતંત્ર નીતિ પર ભાર મૂકે છે.
પેટ્રોલિયમ મંત્રાલયની સંયુક્ત સચિવ સુજાતા શર્માએ 18 મેના રોજ પ્રેસ બ્રીફિંગમાં જણાવ્યું કે ભારત અગાઉ પણ રશિયા પાસેથી ઓઇલ ખરીદતું રહ્યું છે અને ભવિષ્યમાં પણ ખરીદી ચાલુ રહેશે. તેમણે સ્પષ્ટ કર્યું કે અમેરિકન વેવર હોય કે ન હોય, ભારતની નીતિ પર કોઈ અસર પડતી નથી.
ઓઇલ ખરીદી પર ભારતનો મજબૂત સ્ટેન્ડ
સરકારે જણાવ્યું કે દેશની ઓઇલ માર્કેટિંગ કંપનીઓ પોતાની જરૂરિયાત મુજબ ક્રૂડ ઓઇલ ખરીદે છે અને કોઈ બાહ્ય દબાણને આધારે નિર્ણય લેવામાં આવતો નથી. ભારત માટે પોતાની ઊર્જા જરૂરિયાતોને પૂર્ણ કરવી સૌથી મોટી પ્રાથમિકતા છે.
#WATCH | Delhi: Sujata Sharma, Joint Secretary (Marketing & Oil Refinery), Ministry of Petroleum & Natural Gas, says, "Regarding American waiver on Russia, I would like to emphasise that we have been purchasing from Russia before waiver also, during waiver, and now also. It is… pic.twitter.com/aFlZwNPJZn
— ANI (@ANI) May 18, 2026
અમેરિકાનો દબાણ અને વેવર મુદ્દો
અમેરિકાએ, ખાસ કરીને Donald Trump ના સમયમાં, ભારતને રશિયા પાસેથી ઓઇલ ખરીદી ઘટાડવા માટે વારંવાર અપીલ કરી હતી. તેનું મુખ્ય કારણ રશિયા-યુક્રેન યુદ્ધ દરમિયાન રશિયા પર આર્થિક દબાણ વધારવાનો હતો.
જોકે, ભારતે આ દબાણ છતાં પોતાની ખરીદી ચાલુ રાખી છે. અમેરિકાએ કેટલાક સમય માટે ભારતને વેવર આપ્યું હતું, પરંતુ ભારતે તેની પર નિર્ભર રહ્યા વગર પોતાનું વેપાર ચાલુ રાખ્યું.
વૈશ્વિક પરિસ્થિતિ અને ઓઇલ માર્કેટ
ફેબ્રુઆરીમાં યુનાઇટેડ સ્ટેટ્સ દ્વારા ઈરાન પર થયેલા હુમલા બાદ વૈશ્વિક ઓઇલ માર્કેટમાં અસ્થિરતા વધી છે. આ કારણે ક્રૂડ ઓઇલના ભાવોમાં તેજી અને પુરવઠામાં અનિશ્ચિતતા જોવા મળી રહી છે.
આ પરિસ્થિતિમાં ભારત માટે સ્થિર પુરવઠો જાળવવો મહત્વપૂર્ણ બની જાય છે, અને તે માટે રશિયન ઓઇલ મહત્વની ભૂમિકા ભજવી રહ્યું છે.
પુરવઠો પૂરતો, ગભરાવાની જરૂર નહીં
સરકારે નાગરિકોને વિશ્વાસ અપાવ્યો છે કે દેશમાં ક્રૂડ ઓઇલનો પૂરતો સ્ટોક ઉપલબ્ધ છે અને પુરવઠામાં કોઈ અછત નથી. આથી લોકોમાં ગભરાટ ફેલાવાની કોઈ જરૂર નથી.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
