ભારતીય રેલવેએ શેર કર્યો દેશની પ્રથમ હાઈ-સ્પીડ રેલ ટ્રેકનો વીડિયો, જુઓ અદભુત ડ્રોન નજારો

રેલવે દ્વારા શેર કરેલ વિડીયોમાં દર્શાવવામાં આવ્યું છે કે બુલેટ ટ્રેનના ટ્રેકને બિછાવવા માટે નવી ટેકનિકનો ઉપયોગ કરવામાં આવી રહ્યો છે. તેમજ પ્રોજેક્ટને સમયસર પૂરો કરવા માટે દિવસ-રાત કડક મહેનત કરવામાં આવી રહી છે. નોંધનીય છે કે, દેશમાં પ્રથમ હાઈ-સ્પીડ રેલ લાઇન શરૂ થવાથી દેશના બે મોટા શહેરો અમદાવાદ અને મુંબઈ વચ્ચેની સફર થોડા જ કલાકોમાં પૂર્ણ થશે અને ભારતના પરિવહન ક્ષેત્રમાં ક્રાંતિ આવી જશે.

મુંબઈ-અમદાવાદ હાઈ-સ્પીડ રેલ કોરિડોર

મુંબઈ-અમદાવાદ હાઈ સ્પીડ રેલ કોરિડોર (MAHSE) એક અંડર-કન્સ્ટ્રક્શન હાઈ-સ્પીડ રેલ લાઇન છે, જે દેશની આર્થિક રાજધાનીને ગુજરાતની રાજધાની અમદાવાદ સાથે જોડશે. એપ્રિલ 2020થી આ પ્રોજેક્ટ પર કામ શરૂ થયું હતું અને 2027 સુધીમાં 352 કિલોમીટરનો આ કોરિડોર શરૂ થવાની આશા છે.

તમને જણાવીએ કે સુરતથી બિલિમોરા વચ્ચેના 50 કિલોમીટરના વિસ્તારને ઓગસ્ટ 2026 સુધીમાં શરૂ કરવામાં આવવાની આશા છે, જ્યારે મુંબઈ સુધીનો બાકીનો વિસ્તાર 2028ના અંત સુધીમાં પૂરો થવાની સંભાવના છે.