ભારતના બીજા ક્વાર્ટર (જુલાઈ–સપ્ટેમ્બર 2025) ના આર્થિક આંકડાઓએ દેશની વિકાસગતિને વધુ મજબૂત બનાવવાનો સંકેત આપ્યો છે. સરકારી આંકડા મુજબ, GDP વૃદ્ધિ દર 8.2 ટકા સુધી ઉછળ્યો છે, જ્યારે ગત નાણાકીય વર્ષના સમાન ક્વાર્ટરમાં આ દર માત્ર 5.6 ટકા હતો. આ વૃદ્ધિથી ઉત્પાદન, સેવાઓ અને રોકાણ પ્રવાહમાં થઈ રહેલા સુધારાઓ સ્પષ્ટ થાય છે. સાથે જ, મજબત માંગ, ઔદ્યોગિક ક્ષેત્રની સુધરતી કામગીરી અને ઈન્ફ્રાસ્ટ્રક્ચર પર વધતા ખર્ચે પણ GDP વૃદ્ધિમાં મહત્વપૂર્ણ યોગદાન આપ્યું છે.
PM Narendra Modi tweets, "The 8.2% GDP growth in Q2 of 2025-26 is very encouraging. It reflects the impact of our pro-growth policies and reforms. It also reflects the hard work and enterprise of our people. Our government will continue to advance reforms and strengthen Ease of… https://t.co/R2LaASPPNP pic.twitter.com/uXumqGAE5l
— ANI (@ANI) November 28, 2025
બીજી તરફ, નાણાકીય વ્યવસ્થાપનમાં સરકારને રાજકોષીય દબાણોનો સામનો કરવો પડી રહ્યો છે. એપ્રિલથી ઓક્ટોબર 2025 દરમ્યાન રાજકોષીય ખાધ 8.25 લાખ કરોડ રૂપિયા સુધી પહોંચી છે, જે વર્ષની અંદાજિત ખાધના 52.6 ટકા જેટલી છે. ગયા વર્ષના આ જ સમયગાળાની સરખામણીએ, ત્યારે આ આંકડો 46.5 ટકા હતો — એટલે કે આ વર્ષે રાજકોષીય ખાધ વધુ ઝડપથી વધી રહી છે. સરકારનું લક્ષ્ય આ નાણાકીય વર્ષમાં રાજકોષીય ખાધને GDP ના 4.4 ટકા સુધી ઘટાડવાનું છે, જે એક વર્ષ પહેલાં 4.8 ટકા હતું. વધતી ખાધ પાછળના મુખ્ય પરિબળોમાં ઈન્ફ્રાસ્ટ્રક્ચર અને સોશિયલ સેક્ટરમાં વધેલા ખર્ચ, તેમજ ટૂંકા ગાળામાં ટેક્સ વસૂલીમાં થોડી મંદી સામેલ છે.
Real GDP has been estimated to grow by 8.2% in Q2 of FY 2025-26 against the growth rate of 5.6% during Q2 of FY 2024-25: Govt of India pic.twitter.com/zOT2BUwTHt
— ANI (@ANI) November 28, 2025
ઉદ્યોગ ક્ષેત્રના આંકડાને લઈને પણ સરકારએ મહત્વપૂર્ણ જાહેરાત કરી છે. સામાન્ય રીતે દર મહિને 28મી તારીખે જાહેર થતો ઓલ ઈન્ડિયા ઇન્ડેક્સ ઓફ ઇન્ડસ્ટ્રિયલ પ્રોડક્શન (IIP) નું ઓક્ટોબર 2025 માટેનું પ્રકાશન 1 ડિસેમ્બર 2025 સુધી આગળ ધપાવવામાં આવ્યું છે. સરકારના જણાવ્યા મુજબ બીજા ક્વાર્ટરનાં GDP ના ત્રિમાસિક અંદાજ IIP ડેટા સાથે જ જાહેર થવાના હોવાથી આ નિર્ણય લેવાયો છે. નવી તારીખ મુજબ IIP ડેટા 1 ડિસેમ્બર 2025 ના રોજ સાંજે 4 વાગે જાહેર કરવામાં આવશે. IIP આંકડા ઔદ્યોગિક પ્રવૃત્તિઓના સ્વાસ્થ્યનું મહત્વનું પ્રતિબિંબ છે, અને તેમાંનો ફેરફાર અર્થતંત્રની ગતિ અંગે વધુ સ્પષ્ટ દૃશ્ય આપે છે.
આ સમગ્ર આર્થિક પરિસ્થિતિ દર્શાવે છે કે જ્યાં એક તરફ વૃદ્ધિ મજબૂત છે, ત્યાં રાજકોષીય શિસ્ત જાળવવાનું પડકારજનક બની રહ્યું છે. તેમ છતાં, સરકાર ઇન્ફ્રાસ્ટ્રક્ચર, ઉત્પાદન અને રોજગાર સર્જનને પ્રાથમિકતા આપતા સ્થિર અને ટકાઉ વિકાસના માર્ગે આગળ વધી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
