‘પ્લેઝર સ્ક્વોડ’ની છોકરી ૨૦ વર્ષની થાય પછી રિટાયર કરી દેવાય છે. તેમને અધિકારીઓને ખુશ રાખવા મોકલાય છે કે કિમના બોડીગાર્ડ્સ સાથે લગ્ન કરી દેવાય છે પણ ફિઝીકલી ફિટ છોકરીઓને ઉનના વિરોધીઓને સાફ કરવાનાં મિશન સોંપાય છે.
ભારતમાં ભાજપના સાથી જેડીએસના સાંસદ પ્રજ્વલ રેવન્નાના સેક્સ કાંડે ચકચાર જગાવી છે ત્યારે આંતરરાષ્ટ્રીય સ્તરે ઉત્તર કોરીયાના સરમુખત્યાર કિમ જોંગ ઉનની અય્યાશીઓ અને હવસખોરીની ચર્ચા છે.
ઉત્તર કોરીયાથી ભાગીને અત્યારે અમેરિકામાં રહેતી યુ-ટયુબર યોનમી પાર્કે ધડાકો કર્યો છે કે, કિમ જોંગ ઉન દર વર્ષે ૨૫ ટીનેજર વર્જિન સ્કૂલ ગર્લ્સની પસંદગી કરીને તેમની સાથે સેક્સ સંબંધ બાંધે છે.
કિમ જોંગ ઉન માટે ખાસ ‘પ્લેઝર સ્ક્વોડ’ છે કે જેમાં ૧૩ વર્ષથી શરૂ કરીને ૨૦ વર્ષ સુધીની ૫૦૦ છોકરીઓ છે. તેમનું કામ કિમ સાથે સેક્સ માણીને તેને ખુશ રાખવાનું છે. અય્યાશ કિમ જોંગ ઉનને ઈચ્છા થાય ત્યારે ‘પ્લેઝર સ્ક્વોડ’ની છોકરીને બોલાવીને રંગરેલિયાં મનાવે છે. કિમ સામાન્ય રીતે દિવસમાં ત્રણેક છોકરીઓ સાથે સંબંધ બાંધે છે પણ ક્યારેક વધારે છોકરીઓને પણ મોકલાય છે તો ક્યારેક ગુ્રપમાં પણ છોકરીઓને મોકલાય છે. ‘પ્લેઝર સ્ક્વોડ’માં મસાજ કરનારી, ડાન્સ-મ્યુઝિક દ્વારા મનોરંજન અને શરીર સંબંધ બાંધનારી એમ ત્રણ કેટેગરીની છોકરીઓ છે પણ કિમને ઈચ્છા થાય તેની સાથે અય્યાશીઓ કરે છે.
પાર્કનો દાવો છે કે, પોતે સ્કૂલમાં ભણતી ત્યારે પોતાની પણ બે વાર ઉનની ‘પ્લેઝર સ્ક્વોડ’ માટે પસંદગી થઈ હતી પણ પોતાના પરિવારની ઉન તરફની સંપૂર્ણ વફાદારીના મજબૂત પુરાવા ના મળતાં તેને પસંદ નહોતી કરાઈ. એ પછી તેના પર નજર રખાતી હતી તેથી પાર્ક ૨૦૦૭માં ૧૬ વર્ષની ઉંમરે ઉત્તર કોરિયાથી ભાગીને ચીન ગઈ, ચીનથી દક્ષિણ કોરિયા ગઈ અને અંતે અમેરિકામાં સ્થાયી થઈ.
પાર્કના દાવા પ્રમાણે, કિમ જોંગ ઉન માટે વર્જિન ટીનેજર સ્કૂલ ગર્લની શોધ માટે આખી ટીમ છે.
આ ટીમ સ્કોમાં જઈને ૧૩-૧૪ વર્ષની રૂપાળી છોકરીઓનું લિસ્ટ બનાવે છે. પછી તેમની ફિઝિકલ તપાસ કરાય છે. કિમને સ્પોટલેસ અને વેસ્ટર્ન ટાઈપની છોકરીઓ ગમે છે. છોકરીના શરીર પર નાનો તલ પણ હોય તેને રીજેક્ટ કરી દેવાય છે. એ પછી છોકરીનું ફેમિલી બેકગ્રાઉન્ડ તપાસાય છે. સામ્યવાદી પાર્ટીને વફાદાર પરિવારની છોકરીઓને જ પસંદ કરાય છે કે જેથી કિમના જીવ પર જોખમ ના ઉભું થાય. આ કસોટીમાંથી પાર ઉતરે પછી મેડિકલ ટેસ્ટ કરીને છોકરી વર્જિન છે કે નહીં એ તપાસાય છે. પહેલાં શરીર સંબંધ ના બાંધ્યા હોય એવી છોકરીઓને કોઈ રોગ તો નથી ને તેના ટેસ્ટ કરીને છેવટે ઉત્તર કોરીયાની રાજધાની પ્યોંગયાંગ મોકલાય છે. પ્યોંગયોંગમાં અલગ અલગ વિસ્તારોમાં તેમને રખાય છે અને કિમની અય્યાશીઓ સંતોષવા તેમનો ઉપયોગ થાય છે.
કિમ જોંગ ઉનને તેના પિતા કિમ જોંગ ઈલ પાસેથી કોરીયાની સત્તા મળી અને અય્યાશી પણ વારસામાં મળી. ઈલ માનતા કે, ટીનેજર વર્જિન છોકરીઓ સાથે શારીરિક સંબંધ બાંધવાથી તેમનું આયુષ્ય વધી જશે તેથી કિમ જોંગ ઈલે ૧૯૮૦ના દાયકામાં ગામડાની સુંદર છોકરીઓને લાવીને પ્લેઝર સ્ક્વોડ બનાવી હતી.
ઈલ આ અય્યાશીઓ છતાં લાંબું નહોતા જીવ્યા અને ૨૦૧૧માં ૭૦ વર્ષની ઉંમરમાં હાર્ટ એટેકના કારણે ગુજરી ગયા પછી કિમ જોંગ ઉનના હાથમાં સત્તા આવી. બાપ એવા બેટા એ હિસાબે ઉન પણ બાપના રસ્તે ચાલી રહ્યા છે.
ઉનની પ્લેઝર સ્ક્વોડની છોકરીએ ૨૦ વર્ષની થાય પછી રિટાયર કરી દેવાય છે. સામાન્ય રીતે તેમને અધિકારીઓ પાસે મોકલાય છે કે કિમના બોડીગાર્ડ્સ સાથે લગ્ન કરી દેવાય છે પણ ફિઝીકલી ફિટ છોકરીઓને ઉનની પ્રાઈવેટ ફોર્સમાં પણ ભરતી કરાય છે. આ છોકરીઓને ઉનના વિરોધીઓને ખતમ કરી નાંખવાનાં મિશન સોંપાય છે. આ રીતે વિદેશ જઈને ઉનના વિરોધીઓને સાફ કરાયા હોય એવી ઘણી ઘટનાઓ બની છે. તેમા સૌથી જાણીતી ઘટના ઉનના સાવકા ભાઈ કિમ જોંગ નામની હત્યા છે.
કિમ જોંગ નામની માતા સોંગ હાય-રીમ જાણીતી એક્ટ્રેસ અને કિમ જોંગ ઉનના પિતા કિમ જોંગ ઈલની રખાત હતી. ઈલે પરણિત હોવા છતાં સોંગ સાથે સંબંધ બાંધ્યા પણ પિતાથી છૂપાવીને રાખેલા.
આ સંબંધથી ૧૯૭૧માં નામ જન્મ્યો. સોંગ ઈલને પરણવા દબાણ કરતી પણ સરમુખત્યાર પિતાના ડરથી ઈલ પરણવા તૈયાર ન થતાં સોંગ તેનાથી દૂર થવા માંડેલી. સોંગ અમેરિકાની જાસૂસ બની ગઈ હોવાની ઈલને શંકા હતી તેથી તેને કાબૂમાં રાખવા ઈલે નામને પોતાની પાસે રાખ્યો. ઈલે સોંગને પણ રશિયા મોકલી દીધી કે જેથી તેના પર નજર રહે. ૧૯૯૪માં ઈલ સરમુખત્યાર બન્યા પછી જાહેરમાં ઈલે નામનો પુત્ર તરીકે સ્વીકાર કરેલો.
સોંગ ૨૦૦૨માં ગુજરી ગઈ એ પહેલાં નામ ઈલનો ફેવરીટ હતો પણ પછી તેનાં કરતૂતોના કારણે નજરમાંથી ઉતરવા માંડયો. ૨૦૦૩માં ઈલે પોતાના સૌથી નાના પુત્ર ઉનને પોતાનો વારસ બનાવવાનું નક્કી કર્યું પછી નામને ઈલે ઉત્તર કોરીયાથી તગેડી મૂક્યો હતો.
નામ એ પછી મકાઉમાં રહેતો હતો. ઉન સરમુખત્યાર બન્યો પછી તેણે નામને ખતમ કરવાનાં મિશન હાથ ધર્યા. ૨૦૧૭માં કુઆલાલમ્પુરના ઈન્ટરનેશનલ એરપોર્ટ પર બે બ્યુટીફુલ છોકરીઓએ નામને આકર્ષ્યો ન પછી નર્વ એજન્ટ વીએક્સ આપીને મારી નાંખ્યો. આ બંને છોકરીઓ ઉનની પ્લેઝર સ્ક્વોડની હતી.
ઉત્તર કોરીયા પર 75 વર્ષથી ઉનના પરિવારનું એકચક્રી શાસન
બીજા વિશ્વયુધ્ધ વખતે કોરીયા એક હતું. કોરીયા પર જાપાનનું શાસન હતું. વિશ્વયુધ્ધમાં જાપાનની હાર થતાં ૧૫ ઓગસ્ટ, ૧૯૪૫ના રોજ કોરીયા આઝાદ થયું અને કોરીયાના બે ભાગ થયા. ઉત્તર ભાગ પર સામ્યવાદી સોવિયેત રશિયાનો કબજો થયો જ્યારે દક્ષિણ કોરીયા પર અમેરિકાનો કબજો થયો.
અમેરિકાએ દક્ષિણ કોરીયાને ૯ સપ્ટેમ્બર ૧૯૪૮ના રોજ આઝાદ જાહેર કરીને લોકશાહીની સ્થાપના કરાવી. બીજી તરફ ઉત્તર કોરીયામાં સામ્યવાદી ઘૂસી ગયા તેથી કદી લોકશાહી ના સ્થપાઈ.
ઉત્તર કોરીયામાં શરૂઆતમાં સામ્યવાદી પક્ષના વડા તરીકે કિમ ઈલ સંગ ૧૯૪૯થી જ હતા તેથી ૧૯૪૯થી જ ઉત્તર કોરીયા પર તેમનું શાસન છે.
કિમ ઈલ સંગે ૧૯૭૨માં લશ્કરની મદદથી કબજો કરીને પ્રમુખ બન્યા પછી રાજાશાહી જેવું થઈ ગયું. કિમ ઈલલ સંગ ૧૯૯૪ સુધી પ્રમુખ રહ્યા. એ પછી કિમના પિતા કિમ જોંગ ઈલે ૧૯૯૪થી ૨૦૧૧ સુધી રાજ કર્યું. હવે તેમનો દીકરો કિમ ઉન જોંગ સરમુખ્ત્યાર છે. આમ કિમ ખાનદાનનું ઉત્તર કોરીયા પર છેલ્લાં ૭૫ વર્ષથી રાજ છે.
કિમને બહેન કિમ યો જોંગ કિમની સલાહકાર છે. ઉન ૪૦ વર્ષનો છે અને જોંગ ૩૫ વર્ષની છે. કિમની પત્ની રી-સોલ જુને રાજકારણમાં ખબર પડતી નથી. ઉનને કિમ યોંગ-ચુલ નામે નાનો ભાઈ પણ છે પણ એ રાજકારણમાં સક્રિય નથી. યોંગે કિમના વફાદાર ચો રયોંગ-હોના દીકરા ચો સોંગ સાથે લગ્ન કર્યાં છે.
કિમની વર્કર્સ પાર્ટી ઓફ કોરીયામાં પાર્ટીના નેતાઓ માટે વિદેશી હૂંડિયામણ રાખવા રૂમ ૩૯ છે. સોંગ તેનો વડો છે. કિમની સુરક્ષા માટેના મિલિટરી યુનિટની જવાબદારી પણ સોંગના માથે છે.
કિમની 7 વર્ષ મોટી પોપ સિંગર ગર્લફ્રેન્ડ હ્યો સ્કૂલ ગર્લ્સ પસંદ કરે છે
કિમ ઉન જોંગની પ્લેઝર ક્લબની હેડ પોપ સ્ટાર હ્યો સોંહ-વોલ હોવાનું કહેવાય છે. કિમથી ૭ વર્ષ મોટી હ્યો કિમની પહેલી ગર્લફ્રેન્ડ મનાય છે. પોર્ન ફિલ્મમાં કામ કરવા બદલે કિમે તેને ફાંસી આપી હોવાની વાત વહેતી થયેલી પણ હ્યો છેલ્લા કેટલાક સમયથી ફરી કિમ સાથે દેખાય છે.
કિમ ૧૪ વર્ષનો અને હ્યો ૨૧ વર્ષની હતી ત્યારે જ એક પાર્ટીમાં બંને મળ્યાં અને બંને વચ્ચે સંબંધ બંધાયેલા એવું કહેવાય છે. હ્યો ત્યારે બહુ જાણીતી નહોતી પણ કિમના કારણે તેના પિતાએ હ્યોને સરકારની પ્રસંશા કરતાં ગીતો બનાવવાનું કામ આપ્યું. હ્યોએ કોરીયાની કાપડની મિલોમાં કામ કરતા કામદારો સાથે મળીને બનાવેલું ગીત ૨૦૦૫માં જબરદસ્ત હિટ થયું અને હ્યો સુપરસ્ટાર બની ગઈ.
હ્યોના પોતાના તો કિમ સાથે સંબંધો હતા જ પણ ગ્લેમર વર્લ્ડની બીજી યુવાન છોકરીઓને પણ તે કિમ પાસે લઈ આવતી. ઉત્તર કોરીયાની કોઈ એક્ટ્રેસ, સિંગર, મોડલ કે બીજી રૂપાળી છોકરીને કિમે છોડી નથી એવું કહેવાય છે.
હ્યોએ પછી કિમને ટીનેજર વર્જિન સ્કૂલ ગર્લ્સ મોકલવા માંડી. હ્યોએ કિમને ટીનેજર છોકરીઓનો ચસકો લગાડયો પછી કિમે હ્યોને જ પોતાના માટે છોકરીઓ પસંદ કરવાનું કામ સોંપી દીધું. હ્યો તેમને કિમને કઈ રીતે ખુશ રાખવો તેની ટ્રેનિંગ આપે છે.
