હિમાચલ પ્રદેશની રાજધાની શિમલામાં છેલ્લા 24 કલાકથી પડતું વરસાદ સમગ્ર શહેરમાં તબાહી મચાવી રહ્યો છે. ભારે વરસાદના કારણે આજે સવારે ભટ્ટાકુફર વિસ્તારમાં આવેલી માથુ કોલોનીમાં એક પાંચ માળની ઈમારત પત્તાના મહેલની જેમ ધરાશાયી થઈ ગઈ. સદભાગ્યે, ઈમારત ગઈકાલે જ ખાલી કરાવી લેવામાં આવી હતી કારણ કે તેમાં તિરાડો જોવા મળી રહી હતી. આ કારણે કોઈપણ જાનહાનિ થઈ નથી. મિડિયા રિપોર્ટ્સ અનુસાર, આ તિરાડો ફોરલેન નિર્માણના કારણે પડી હતી, જેના કારણે ઇમારતના પાયા કમજોર થઈ ગયા હતા. જો કે, ઈમારત ધરાશાયી થતાં તેની આસપાસની અન્ય ઈમારતો પણ જોખમ હેઠળ આવી ગઈ છે. અનેક રહેવાસીઓને તાત્કાલિક ઘર ખાલી કરાવી સલામત સ્થળે ખસેડવામાં આવ્યા છે, પરંતુ લોકોમાં ભારે ભયનો માહોલ છે.
સ્થાનિક નાગરિકોએ પ્રશાસન સામે ગંભીર આરોપો મૂક્યા છે કે, ફોરલેનના બાંધકામ દરમ્યાન ન તો યોગ્ય સુરક્ષા સાધનો અપનાવાયા અને ન તો જમીનની સ્થિરતા અંગે યોગ્ય સર્વે કરવામાં આવ્યો. પરિણામે, લોકોના જીવને જોખમમાં મૂકી દેવામાં આવ્યા છે. હજી સુધી કોઈ વરિષ્ઠ અધિકારી ઘટનાસ્થળે પહોંચ્યો નથી, જેને કારણે સ્થાનિકોમાં રોષ વ્યાપી ગયો છે. લોકોનું કહેવું છે કે જો સમયસર નિરીક્ષણ અને પગલાં લેવાય હોત, તો આવી ઘટનાની પુનરાવૃતિ થાતી નહીં.
हिमाचल प्रदेश के शिमला में 5 मंजिला इमारत गिरी, भारी बारिश से भट्टाकुफर इलाके में हादसा#Shimla | #BuildingCollapse |#HeavyRain | #Bhattakufar |#HimachalPradesh | pic.twitter.com/GAzDyBfztC
— One India News (@oneindianewscom) June 30, 2025
ભારે વરસાદે શિમલામાં અન્યત્ર પણ તબાહી મચાવી છે. જાલોગ નજીક એક વાહન ભારે વરસાદ અને ખિસકોળના કારણે દુર્ઘટનાગ્રસ્ત બન્યું, જેમાં ત્રણ લોકોના ઘટનાસ્થળે જ મોત નીપજ્યા. શિમલા આપત્તિ નિવારણ વિભાગ અનુસાર, શહેરમાં ગઈકાલે મોડી રાત્રે ‘ક્લાઉડબર્સ્ટ’ જેવી સ્થિતિ સર્જાઈ હતી, જેને કારણે અનેક વિસ્તારોમાં વીજ પુરવઠો ખોરવાઈ ગયો છે અને રસ્તાઓ અવરોધિત થઈ ગયા છે. ચિમિયાન સ્થિત સુપર સ્પેશિયાલિટી હોસ્પિટલ નજીક પણ એક અન્ય ઈમારત ધરાશાયી થઈ હતી. તે ઈમારત પણ ખાલી કરાવવામાં આવી હોવાથી જાનહાનિ ટળી છે, પરંતુ તેને લઈ તંત્રની કામગીરી સામે અનેક પ્રશ્નો ઊભા થયા છે.
હવામાન વિભાગે આગામી 24-48 કલાક માટે પણ હિમાચલ પ્રદેશમાં ઓરેન્જ એલર્ટ જારી કર્યો છે. ભારે વરસાદ, ભૂસ્ખલન અને કાટમારૂ તોફાનની સંભાવનાને ધ્યાનમાં લઈ રાજ્ય સરકારે લોકોને ઘરોમાં રહેવા અને અનાવશ્યક પ્રવાસ ટાળવા માટે સૂચના આપી છે. હાલની સ્થિતિમાં શિમલા સહિતના પર્વતીય વિસ્તારોમાં રાહત અને બચાવ કામગીરી જોરશોરથી ચાલી રહી છે, પણ વરસાદ થમતો ન હોવાથી તંત્રના પ્રયત્નોને પણ અડચણ આવી રહી છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
