12 ડિસેમ્બર, 2025 ના રોજ, સાંજે 6;38 વાગ્યે, ફિલિપાઇન્સની રાજધાની મનીલાના મંડલુયોંગ શહેરમાં એક ગીચ વસ્તીવાળા રહેણાંક વિસ્તારમાં ભીષણ આગ ફાટી નીકળી હતી. આગ બ્લોક 5, નુએવા ડી ફેબ્રેરો, બારંગે પ્લેઝન્ટ હિલ્સમાં શરૂ થઈ હતી અને ઘરોમાં વૂડનનો વધુ ઉપયોગ થયો હોવાથી આગે પળવારમાં વિકરાળ સ્વરૂપ ધારણ કર્યું હતું.
જ્વાળાઓ ઉંચી ઉંચી પહોંચી ગઇ હતી અને કાળો ધુમાડો માઈલો સુધી દેખાતો હતો, જેના કારણે સાંજનું આકાશ પણ કાળું ડિબાંગ થઈ ગયું હતું અને આ વિસ્તારની વિઝિબિલિટી પણ ડાઉન થઇ ગઇ હતી. 7:19 વાગ્યા સુધીમાં, આગ મોટા વિસ્તારમાં મોટાપાયે ફેલાઈ ચૂકી હતી.
20 થી વધુ ફાયર એન્જિનોએ આગ બુઝાવી
ફાયર વિભાગે 20 થી વધુ ફાયર ટ્રક અને આસપાસના વિસ્તારોમાંથી ટીમો તૈનાત કરી હતી. મધ્યરાત્રિ સુધીમાં આગ પર કાબૂ મેળવી લેવામાં આવ્યો હતો, પરંતુ નુકસાનનું મૂલ્યાંકન હજુ પણ ચાલુ છે. આગને કારણે આશરે 500 પરિવારો બેઘર થઈ ગયા હતા અને તેમના ઘરો સંપૂર્ણપણે નાશ પામ્યા હતા. સદનસીબે, આ ઘટનામાં કોઈ ઈજા કે મૃત્યુના અહેવાલ નથી.
मंडलुयोंग में आवासीय क्षेत्र में आग लगी
प्लेज़ेंट हिल्स, मंडलुयोंग में एक आवासीय क्षेत्र को भयंकर आग ने घेर लिया।
अधिकारियों का कहना है कि आग पाँचवीं अलार्म तक पहुँच गई है।#MandaluyongFire #PleasantHills #Sunog #FirePH #Philippines
[ Mandaluyong, Fire, PleasantHills, Sunog… pic.twitter.com/0leffrwcBn
— One India News (@oneindianewscom) December 13, 2025
ગરીબ વસાહતોમાં આગની ઘટના પર કાબૂ મેળવવો એક પડકાર
મેટ્રો મનીલાના ગરીબ વિસ્તારોમાં આગ વારંવાર લાગે છે કારણ કે, ઘરો એકબીજાની ખૂબ નજીક છે. વિસ્તાર ખુબ જ ગીચ છે જેથી રેસ્ક્યુ ઓપરેશન અને આગ ઓલવવાનું કામ પણ કપરૂ બને છે આગ માટે અહીં ખરાબ ઇલેક્ટ્રિકલ વાયરિંગ પણ જવાબદાર છે. શેરીઓ સાંકડી છે, જેના કારણે ફાયર એન્જિનો સુધી પહોંચવામાં મુશ્કેલી પડે છે. આ ઘટના ફરી એકવાર આગની સુરક્ષાની સમસ્યાને ઉજાગર કરે છે.
મનીલા વિસ્તારમાં આગની આ કોઇ પહેલી ઘટના નથી
અગાઉ, 6 ઓગસ્ટ, 2025 ના રોજ, ટોન્ડોના હેપ્પીલેન્ડ એરોમા વિસ્તારમાં મોટી આગ લાગી હતી, જેના કારણે સેંકડો પરિવારો પ્રભાવિત થયા હતા.
સપ્ટેમ્બર 2025 માં, ટોન્ડોમાં બે અલગ અલગ જગ્યાએ આગ લાગી હતી: 13 સપ્ટેમ્બરના રોજ હેપ્પીલેન્ડમાં એક, જેમાં આશરે 1,100 પરિવારો પ્રભાવિત થયા હતા, અને બીજા દિવસે બીજી આગ લાગી હતી જેમાં અનેક ઘરો ખાક થઇ ગયા હતા.
નવેમ્બર 2024 માં, ટોન્ડોના ઇસ્લા પુટિંગ બાટો વિસ્તારમાં એક ભીષણ આગ ફાટી નીકળી હતી, જેમાં આશરે 1,000 ઘરો બળીને ખાખ થઈ ગયા હતા અને 8,000 થી વધુ લોકો બેઘર થઈ ગયા હતા. આગ આઠ કલાક સુધી સળગી રહી હતી, અને હેલિકોપ્ટરથી પાણી રેડવામાં આવ્યું હતું.
માર્ચ 2024 માં, ટોન્ડોના હેપ્પીલેન્ડમાં આગ લાગી હતી, જેમાં ફાયરની ટીમ પર હુમલો પણ થયો હતો.
ડિસેમ્બર 2023માં હેપ્પીલેન્ડમાં આગ લાગવાથી 1,500થી વધુ લોકો બેઘર થયા હતા.
2017 માં, એક ઝૂંપડપટ્ટી વિસ્તારમાં આગ લાગવાથી 15,૦૦૦ લોકો બેઘર થયા હતા.
અમારી યુટ્યુબ ચેનલને લાઈક કરો, શેર કરો અને સબ્સ્ક્રાઇબ કરો
Like, Share and Subscribe our YouTube channel
