છેલ્લા ઘણા દિવસથી બેટ દ્વારકા તેમજ આસપાસ ની જગ્યામાં મોટાપાયે થયેલ દબાણો દૂર કર્યા બાદ દાદાનું બુલડોઝર આજે જામનગર તરફ વર્યું છે ત્યારે આજે જામનગર મહાનગર પાલિકાના વિસ્તારમાં આજે તંત્રનુ મેગા ડિમોલીશની કાર્યવાહી હાથ ધરવમાં આવી હતી.
વિક્ટોરિયા પુલ પાસે આવેલ બચુનગર નદીના પટ્ટ વિસ્તારમાં સરકારી જગ્યામાં આવેલા ગેરકાયદેસર બાંધકામ દુર કરવાની કામગીરી ચાલુ કરવામાં આવી હતી.
વિક્ટોરિયા પુલ ફરતે રીવરફન્ટ પ્રોજેક્ટ માટે દબાણો દૂર કરવામાં આવ્યા હતા.
દબાણકારોને અગાઉ નિયમો અનુસાર નોટિસ પાઠવવામાં આવી હતી પરંતુ દબાણ દૂર ન કરતા સરકારી તંત્ર દ્વારા 4 જેસીબી મશીનની મદદથી દબાણ દુર કરવાની કામગીરી કરાઈ હતી.
જામનગર મહાનગર પાલિકા એસેટેટ અધિકારી એન આર દીક્ષિતની ટીમ, જિલ્લા પોલીસ વડા પ્રેમસુખ ડેલું, DYSP જયવીરસિંહ ઝાલા સહિત પોલીસના કાફલાના પૂરતા બંદોબસ્ત સાથે કામગીરી હાથ ધરાઈ હતી.
