વડાપ્રધાન નરેન્દ્ર મોદીએ તાજેતરમાં શરૂ કરેલા પાંચ દેશોના વિદેશ પ્રવાસના અંતર્ગત હવે બ્રાઝિલની યાત્રા કરીને ઐતિહાસિક સિદ્ધિ હાંસલ કરી છે. તેઓ છેલ્લા 60 વર્ષમાં બ્રાઝિલની મુલાકાત લેનારા પ્રથમ ભારતીય વડાપ્રધાન બન્યા છે. 8 જુલાઈ, 2025ના રોજ તેઓ બ્રાઝિલની રાજધાની બ્રાઝિલિયા પહોંચ્યા હતા, જ્યાં બ્રાઝિલના રક્ષા મંત્રી જોસ મુસિયો મોન્ટેરો ફિલ્હોએ તેમનું ભવ્ય સ્વાગત કર્યું હતું. ત્યારબાદ વડાપ્રધાન અલ્વોરાડો પેલેસ પહોંચ્યા, જ્યાં રાષ્ટ્રપતિ લુઇસ ઈનાસિયો લુલા દા સિલ્વાએ તેમને હાર્દિક આવકાર આપ્યો અને ઉન્નત ઔપચારિકતા સાથે 114 ઘોડાવાળાની ગાર્ડ ઓફ ઑનરથી PM મોદીને સન્માનિત કરવામાં આવ્યા. સ્વાગત સમારોહ દરમિયાન ભારતીય શાસ્ત્રીય સંગીતના સુંદર આયોજનથી ભારતની સાંસ્કૃતિક છબી પણ પ્રતિબિંબિત થઈ.
Highlights from the programmes in Brasilia.
May India-Brazil friendship keep getting stronger and stronger! pic.twitter.com/NL1WAwAhW8
— Narendra Modi (@narendramodi) July 9, 2025
બ્રાઝિલે વડાપ્રધાન નરેન્દ્ર મોદીને પોતાનું સર્વોચ્ચ નાગરિક સન્માન ‘Grand Collar of the National Order of the Southern Cross’થી નવાજ્યું, જે માત્ર વિદેશી રાજ્યપ્રમુખો અને વડાઓને અપાતું બહુમાન છે. આ એ પુરસ્કાર છે જે વડાપ્રધાન મોદીને ભારત અને બ્રાઝિલ વચ્ચે દ્વિપક્ષીય સંબંધો મજબૂત કરવા, તથા વૈશ્વિક મંચો પર બંને દેશોની ભાગીદારીને નવી ઊંચાઈઓ સુધી પહોંચાડવા માટેના યોગદાન બદલ અપાયો છે. આ સન્માન માત્ર વૈશ્વિક મંચ પર ભારતની મજબૂતતા દર્શાવતું નથી, પણ ભારતની વધતી કૂટનીતિક અસરનું પણ પ્રતિક છે.
સન્માન સ્વીકારતાં વડાપ્રધાન મોદીએ ભાવુકપણે જણાવ્યું હતું કે, “આજરોજ બ્રાઝિલના રાષ્ટ્રપતિ દ્વારા એનાયત કરાયેલો બ્રાઝિલનો સર્વોચ્ચ નાગરિક પુરસ્કાર માત્ર મારા માટે જ નહીં પરંતુ 140 કરોડ દેશવાસીઓ માટે ગૌરવની ક્ષણ છે. આ ભારતના વિકાસ, વિશ્વમાં તેની માન્યતા અને લોકશાહી મૂલ્યોની ઊંચી છબીનું પ્રતિબિંબ છે.”
Agradeço ao meu bom amigo, o Presidente Lula, ao Governo e ao maravilhoso povo brasileiro pela gentileza desta visita. Nos últimos dias, participei da Cúpula do BRICS no Rio de Janeiro e mantive conversas bilaterais com o Presidente Lula em Brasília.@LulaOficial pic.twitter.com/5z7Sp51tpa
— Narendra Modi (@narendramodi) July 8, 2025
વિશેષ વાત એ છે કે, બ્રાઝિલ પહેલાં પણ વડાપ્રધાન મોદીને ત્રિનિદાદ અને ટોબેગો તથા ઘાના દ્વારા પણ તેમના સર્વોચ્ચ નાગરિક સન્માનોથી નવાજવામાં આવ્યા હતા. માત્ર ચાર દિવસના અંદર વડાપ્રધાન મોદીને ત્રણ અલગ અલગ દેશોના સર્વોચ્ચ સન્માનો મળવાનું એક દુર્લભ પ્રસંગ બની રહ્યો છે, જે વડાપ્રધાન તરીકે તેમની વૈશ્વિક લોકપ્રિયતા અને ભારતની આંતરરાષ્ટ્રીય સ્તરે ઊભી થયેલી મજબૂત છબીનો સાક્ષાત પુરાવો છે.
