મોરારિબાપુએ જૈન તીર્થ સમવેત શિખરમાં ચાલતી રામકથા દરમિયાન વ્યાસપીઠ પરથી રશિયા યુક્રેન વચ્ચેનું યુદ્ધ બંધ કરાવવા વિશ્વભરના મહાનુભાવોને એક થવા આહ્વાન કર્યું અને પોતાની ભાવ લાગણી વ્યક્ત કરી છે.
રામચરિત માનસના ઉપદેશોનો વિશ્વભરમાં પ્રસાર કરવામાં જીવન સમર્પિત કરનાર મોરારિબાપુએ વિશ્વભરમાં શાંતિ સ્થાપિત કરવાનું આહ્વાન કરતાં કહ્યું કે, યુદ્ધમાં ઘણાં લોકોએ જીવ ગુમાવ્યાં છે, નાના બાળકો તુટેલા પાત્રોમાં રોટલી માગી રહ્યાં છે ત્યારે હવે યુદ્ધ બંધ થવા જોઇએ. આપણે બધાને એકસૂત્રમાં બાંધવાની જરૂર છે.
જૈન તીર્થ સમવેત શિખરમાં ચાલતી રામકથા દરમિયાન વ્યાસપીઠ પરથી ભાવલાગણી વ્યક્ત કરી મોરારિબાપુએ કહ્યું કે હું તો શાંતિ માટે યુક્રેન રશિયા સીમા ઉપર કથા કરવા તૈયાર છે વિશ્વભરના મહાનુભાવો ભેગા થાય અને સર્વસંમતિથી પ્રસ્તાવ પસાર કરીને યુદ્ધ બંધ કરાવે તેવી મારી ઇચ્છા છે. મારા હ્રદયની વાત મહાદેવ સાંભળશે, અહિંસાના પૂજારી પાર્શ્વનાથ સાંભળશે તેવો મને વિશ્વાસ છે, તેમ તેઓએ ભાવ સાથે જણાવ્યું.
