દિલ્હી લીકર કૌભાંડ કેસમાં મનીષ સિસોદિયાને સુપ્રીમ કોર્ટ તરફથી મોટો ઝટકો લાગ્યો છે. તેને હાલમાં વચગાળાના જામીન મળ્યા નથી અને કોર્ટે આ મામલો 4 સપ્ટેમ્બર સુધી મુલતવી રાખ્યો છે. સુપ્રીમ કોર્ટે કહ્યું કે તેઓ અરજી ફગાવી રહ્યા નથી. દિલ્હીના પૂર્વ ડેપ્યુટી સીએમ મનીષ સિસોદિયાની ED અને CBI બંને કેસમાં જામીન પર સુપ્રીમ કોર્ટમાં સુનાવણી થઈ હતી. જસ્ટિસ સંજીવ ખન્નાની અધ્યક્ષતાવાળી બેન્ચે સુનાવણી હાથ ધરી હતી. દિલ્હીના પૂર્વ ડેપ્યુટી સીએમ મનીષ સિસોદિયાએ પત્નીની બીમારીને ટાંકીને વચગાળાના જામીનની માંગણી કરી હતી.
Supreme Court adjourns hearing on the bail plea of AAP leader and former Delhi deputy CM, Manish Sisodia till September, in connection with liquor policy irregularities case
The court grants more time to Enforcement Directorate to file a reply on Sisodia's bail plea.
(file… pic.twitter.com/WeTg1Zlw5P
— ANI (@ANI) August 4, 2023
સુપ્રીમ કોર્ટે જામીન અરજી પર CBI અને EDનો જવાબ માંગ્યો હતો
જસ્ટિસ સંજીવ ખન્ના અને એસવીએન ભટ્ટીની ખંડપીઠે સિસોદિયાની પત્નીના મેડિકલ રેકોર્ડ્સનો અભ્યાસ કર્યો અને કહ્યું કે તે ‘સ્થિર’ છે. આવા કિસ્સાઓમાં નિયમિત જામીન અરજીઓ સાથે તે પૂર્વ ડેપ્યુટી સીએમની વચગાળાની જામીન અરજી પર પણ વિચાર કરશે. આ પહેલા સુપ્રીમ કોર્ટે 14 જુલાઈએ સિસોદિયાની વચગાળાની જામીન અરજી પર CBI અને EDનો જવાબ માંગ્યો હતો.
સિસોદિયાએ હાઈકોર્ટના નિર્ણયને સુપ્રીમ કોર્ટમાં પડકાર્યો હતો
આ પહેલા દિલ્હી હાઈકોર્ટે સિસોદિયાને જામીન આપવાનો ઈન્કાર કરી દીધો હતો. સિસોદિયાએ હાઈકોર્ટના નિર્ણયને સુપ્રીમ કોર્ટમાં પડકાર્યો હતો. કોર્ટે 14 જુલાઈએ સિસોદિયાની વચગાળાની જામીન અરજી પર નોટિસ જારી કરી અને કહ્યું કે તે 4 ઓગસ્ટે તેની સુનાવણી કરશે. સુપ્રીમ કોર્ટ હવે મનીષ સિસોદિયાની વચગાળાની જામીન અરજી પર 4 સપ્ટેમ્બરે દિલ્હી એક્સાઈઝ પોલિસી સંબંધિત બે કેસમાં સુનાવણી કરશે. આ કેસોની તપાસ CBI અને ED દ્વારા કરવામાં આવી રહી છે.
સિસોદિયાની ધરપકડ 26 ફેબ્રુઆરીએ કરવામાં આવી હતી
દિલ્હીના ડેપ્યુટી સીએમ રહી ચૂકેલા સિસોદિયા પાસે ઘણા મહત્વપૂર્ણ મંત્રાલયોની જવાબદારી હતી. જેમાં એક્સાઇઝ વિભાગ પણ હતો. કૌભાંડમાં તેમની કથિત ભૂમિકા બદલ CBI દ્વારા 26 ફેબ્રુઆરીએ તેમની ધરપકડ કરવામાં આવી હતી. ત્યારથી તે તિહાર જેલમાં બંધ છે. આ બાદ EDએ તિહાર જેલમાં તેમની પૂછપરછ કર્યા પછી CBIની FIR સંબંધિત મની લોન્ડરિંગ કેસમાં 9 માર્ચે તેમની ધરપકડ કરી હતી. તેમણે 28 ફેબ્રુઆરીએ દિલ્હી કેબિનેટમાંથી રાજીનામું આપ્યું હતું.
