પ્રભાસની મોસ્ટ અવેઈટેડ ફિલ્મ Kalki 2898 AD રિલીઝ થતાની સાથે જ બોક્સ ઓફિસ પર છપ્પરફાડ કમાણી કરી રહી છે. પહેલા દિવસે શાનદાર કલેક્શન કર્યા બાદ ફિલ્મે બીજા દિવસે પણ ઘણી કમાણી કરી છે. કલ્કિ 2898 એડી પર તેની રિલીઝના બીજા દિવસે પણ પૈસાનો વરસાદ થયો, જેનો પુરાવો ફિલ્મના બીજા દિવસના બોક્સ ઓફિસ કલેક્શનના આંકડા છે. પ્રભાસની ફિલ્મની બીજા દિવસની કમાણીના આંકડાઓ દર્શાવે છે કે કલ્કિ 2898 એડી પૂરપાટ ઝડપે ચાલી રહી છે અને આ સાથે માત્ર બે દિવસમાં તે જાદુઈ આંકડાની નજીક પહોંચી ગઈ છે, જેની નજીક પહોંચતા ઘણી ફિલ્મોને આખું અઠવાડિયું લાગી જાય છે.
કલ્કિ 2898 એડી બીજા દિવસે કેટલી કમાણી કરી?
માહિતી અનુસાર, Kalki 2898 AD એ બીજા દિવસે સ્થાનિક બોક્સ ઓફિસ પર લગભગ 54 કરોડ રૂપિયાનું કલેક્શન કર્યું છે. જો જોવામાં આવે તો માત્ર બે દિવસમાં જ ફિલ્મ 150 કરોડ રૂપિયાના જાદુઈ આંકડા સુધી પહોંચી ગઈ છે. પ્રભાસ, અમિતાભ બચ્ચન, દીપિકા પાદુકોણ અને કમલ હાસન સ્ટારર કલ્કિ 2898 એડી નોન-હોલિડે રિલીઝ થયા પછી પણ બીજા દિવસે સારું પ્રદર્શન કરવામાં સફળ રહી છે.
નાગ અશ્વિન નિર્દેશિત ફિલ્મે તેની રિલીઝના બીજા દિવસે એટલે કે શુક્રવારે સફળતાપૂર્વક 50 કરોડનો આંકડો પાર કરી લીધો. કલ્કિ 2898 એડી તમામ ભાષાઓમાં ભારતમાં અંદાજિત 54 કરોડ રૂપિયાનું નેટ કલેક્શન કર્યું. પહેલા જ દિવસે, ફિલ્મે બોક્સ ઓફિસ પર 95 કરોડ રૂપિયાથી વધુની કમાણી કરી અને વિશ્વભરમાં લગભગ 191 કરોડ રૂપિયાની કમાણી કરીને બોક્સ ઓફિસ પર ઇતિહાસ રચી દીધો. આ ફિલ્મ ભારતીય સિનેમાની ત્રીજી સૌથી મોટી ઓપનર બની ગઈ.
આરઆરઆર અને બાહુબલી 2થી પાછળ છે Kalki 2898 AD
રિલીઝના પહેલા દિવસના આ અદ્ભુત કલેક્શન સાથે, કલ્કિ 2898 એડીએ સુપરસ્ટાર યશની KGF 2 (રૂ. 159 કરોડ), પ્રભાસની સલાર (રૂ. 158 કરોડ), થાલાપતિ વિજયની લીઓ (રૂ. 142.75 કરોડ), સાહો (રૂ. 130 કરોડ) અને શાહરૂખ ખાનની જવાન (રૂ. 129 કરોડ)નો વર્લ્ડવાઇડ ઓપનિંગનો રેકોર્ડ પાછળ છોડી દીધો છે. પરંતુ, જુનિયર એનટીઆર અને રામ ચરણની આરઆરઆર હજુ પણ 223 કરોડ રૂપિયાના કલેક્શન સાથે ભારતની સૌથી મોટી ઓપનર છે, ત્યારબાદ પ્રભાસની બાહુબલી 2 એ તેના શરૂઆતના દિવસે 217 કરોડ રૂપિયાની કમાણી કરી હતી.
