તાજેતરમાં સોશિયલ મીડિયા પર પેટ્રોલ અને ડીઝલના ભાવમાં ₹25થી ₹28 સુધીના મોટા વધારાની ચર્ચાઓ ચાલી રહી હતી. જોકે, પેટ્રોલિયમ અને કુદરતી ગેસ મંત્રાલયએ આ તમામ અહેવાલોને સદંતર પાયાવિહોણા ગણાવીને સ્પષ્ટતા કરી છે કે હાલ ભાવવધારો કરવાનો કોઈ પ્રસ્તાવ સરકાર સમક્ષ નથી.
સરકારે જણાવ્યું છે કે આવા સમાચાર માત્ર નાગરિકોમાં ગભરાટ ફેલાવવાના હેતુથી ફેલાવવામાં આવી રહ્યા છે અને લોકો એમાંથી દૂર રહે.
અફવાઓ પાછળ રિપોર્ટ જવાબદાર
આ અટકળો પાછળ કોટક ઇન્સ્ટિટ્યૂશનલ ઇક્વિટીએસના એક રિપોર્ટને જવાબદાર માનવામાં આવે છે.
આ રિપોર્ટ મુજબ, આંતરરાષ્ટ્રીય બજારમાં ક્રૂડ ઓઈલની કિંમત $120 પ્રતિ બેરલ સુધી પહોંચી હોવા છતાં ભારતમાં ભાવ સ્થિર રાખવામાં આવ્યા છે, જેના કારણે ઓઈલ માર્કેટિંગ કંપનીઓને નુકસાન થઈ રહ્યું છે.
પરંતુ મંત્રાલયે સ્પષ્ટતા કરી છે કે આવી કોઈ ભાવવધારાની યોજના હાલ વિચારણા હેઠળ નથી.
FAKE NEWS
There are some news reports suggesting a price hike of petrol and diesel. It is hereby clarified that there is no such proposal under consideration by the Government.
Such news items are designed to create fear and panic amongst the citizens and are mischievous and… pic.twitter.com/yTAfJdah2o— Ministry of Petroleum and Natural Gas #MoPNG (@PetroleumMin) April 23, 2026
વૈશ્વિક તણાવનો પ્રભાવ, છતાં ભારતમાં સ્થિર ભાવ
વિશ્વભરમાં મધ્ય પૂર્વમાં અમેરિકા, ઇઝરાયેલ અને ઇરાન વચ્ચે વધતા તણાવને કારણે તેલ પુરવઠા પર અસર પડી રહી છે.
આ પરિસ્થિતિમાં ભારતનો આયાત ખર્ચ દૈનિક અંદાજે 190-210 મિલિયન ડોલર જેટલો વધી રહ્યો છે. છતાં, સરકારે દાવો કર્યો છે કે છેલ્લા ચાર વર્ષમાં ભારતમાં ઈંધણના ભાવમાં મોટો વધારો થયો નથી.
સરકારનો ભાર: નાગરિકોને રાહત
સરકારે અગાઉ આંતરરાષ્ટ્રીય ભાવવધારા સામે સામાન્ય નાગરિકોને બચાવવા માટે એક્સાઇઝ ડ્યુટીમાં ₹10 પ્રતિ લિટરનો ઘટાડો કર્યો હતો અને વધારાનો ભાર પોતે સહન કર્યો હતો.
હાલ પણ સરકાર ભાવ સ્થિર રાખવા માટે પ્રયત્નશીલ હોવાનું મંત્રાલયે જણાવ્યું છે.
હાલના ભાવ અને સ્ટોક સ્થિતિ
હાલની સ્થિતિ મુજબ દિલ્હીમાં પેટ્રોલ ₹94.77 અને ડીઝલ ₹87.67 પ્રતિ લિટર છે.
મંત્રાલયે ખાતરી આપી છે કે દેશની તમામ રિફાઇનરીઓ સંપૂર્ણ ક્ષમતાથી કાર્યરત છે અને ઈંધણનો પૂરતો જથ્થો ઉપલબ્ધ છે.
નાગરિકોને અપીલ
સરકારે નાગરિકોને અપીલ કરી છે કે સોશિયલ મીડિયા પર ફેલાતી ગેરમાર્ગે દોરનારી માહિતીથી દૂર રહે અને કોઈ પણ પ્રકારના ગભરાટમાં ન આવે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
