વડાપ્રધાન નરેન્દ્ર મોદીએ આજે મંગળવારે દિલ્હીમાં યોજાયેલા સેમિકોન ઈન્ડિયા 2025 કોન્ફરન્સમાં દેશની આર્થિક સિદ્ધિઓ અને ટેક્નોલોજીકલ પ્રગતિ અંગે મહત્વપૂર્ણ નિવેદનો આપ્યાં. પોતાના સંબોધનમાં તેમણે અમેરિકાના પ્રમુખ ડોનાલ્ડ ટ્રમ્પ દ્વારા તાજેતરમાં કરવામાં આવેલા ટેરિફ સંબંધિત ટિપ્પણીઓને લઈને પરોક્ષ કટાક્ષ પણ કર્યો. પીએમ મોદીએ જણાવ્યું કે, વિશ્વના અનેક અર્થતંત્રો હાલમાં કેટલાક દેશોના આર્થિક સ્વાર્થને કારણે પડકારોનો સામનો કરી રહ્યા છે. પરંતુ ભારતે આ પડકારો વચ્ચે પણ મજબૂત વિકાસદર હાંસલ કર્યો છે. તાજેતરમાં જાહેર કરાયેલા આંકડા અનુસાર, નાણાકીય વર્ષ 2025ના પ્રથમ ત્રિમાસિકમાં ભારતનો જીડીપી 7.8 ટકા સુધી પહોંચ્યો છે. આ આંકડો અગાઉના અંદાજ 6.5 ટકાથી વધારે છે, જ્યારે ગત વર્ષના સમાન સમયગાળાની તુલનાએ 1.3 ટકાનો વધારો નોંધાયો છે. છેલ્લા પાંચ ત્રિમાસિકમાં આ સૌથી વધુ વૃદ્ધિ દર છે, જે મેન્યુફેક્ચરિંગ, સર્વિસ, કૃષિ અને ઈન્ફ્રાસ્ટ્રક્ચર જેવા મુખ્ય સેક્ટર્સમાં નોંધપાત્ર પ્રગતિને આભારી છે. મોદીએ કહ્યું કે, આ વૃદ્ધિ ભારતને ઝડપથી વિશ્વની ત્રીજી સૌથી મોટી આર્થિક શક્તિ બનાવશે અને એ દિવસ દૂર નથી જ્યારે દુનિયા કહેશે—“Designed in India, Made in India, Trusted by the World.”
A defining chapter in India's semiconductor journey is unfolding, with innovation and investment driving a new wave of growth. Addressing Semicon India 2025 in Delhi. https://t.co/5jurEGuYnI
— Narendra Modi (@narendramodi) September 2, 2025
આર્થિક વિકાસની સાથે પીએમ મોદીએ ભારતની પહેલી મેક ઈન ઈન્ડિયા ચીપસેટ—‘વિક્રમ 32-બિટ પ્રો ચીપ’નું લોન્ચિંગ પણ કર્યું. ઈસરોના સેમિકન્ડક્ટર લેબોરેટરી (SCL) દ્વારા વિકસાવાયેલી આ ચીપ ભારત માટે મહત્વપૂર્ણ સિદ્ધિ છે, કારણ કે તે દેશને ટેક્નોલોજીકલ આત્મનિર્ભરતા તરફ એક મોટા પગથિયા પર લઈ જાય છે. આ ચીપને કોઈપણ ઇલેક્ટ્રોનિક ઉપકરણનું “મગજ” ગણવામાં આવે છે અને તેનો કોમર્શિયલ પ્રોડક્શન આ વર્ષથી શરૂ થશે. વડાપ્રધાને જણાવ્યું કે, ચીપ મેન્યુફેક્ચરિંગ ક્ષેત્રમાં ભારત હવે માત્ર ગ્રાહક નહીં, પરંતુ વૈશ્વિક સપ્લાયર તરીકે પણ આગળ વધી રહ્યું છે.
First ‘Made in India’ Chips!
A moment of pride for any nation. Today, Bharat has achieved it. 🇮🇳
This significant milestone was made possible by our Hon’ble PM @narendramodi Ji’s far-sighted vision, strong will and decisive action. pic.twitter.com/ao2YeoAkCv
— Ashwini Vaishnaw (@AshwiniVaishnaw) September 2, 2025
સેમિકોન ઈન્ડિયા કોન્ફરન્સની શરૂઆત 2022માં કરવામાં આવી હતી અને ત્યારથી દર વર્ષે અલગ-અલગ શહેરોમાં તેનું આયોજન કરવામાં આવે છે—2022માં બેંગલુરુ, 2023માં ગાંધીનગર, 2024માં નોઈડા બાદ આ વખતે કોન્ફરન્સ દિલ્હીમાં યોજાઈ રહી છે. કોન્ફરન્સનો મુખ્ય ઉદ્દેશ સેમીકન્ડક્ટર ફેબ્રિકેશન યુનિટ્સ, એડવાન્સ્ડ પેકેજિંગ ટેક્નોલોજી, આર્ટિફિશિયલ ઈન્ટેલિજન્સ (AI), સંશોધન અને રોકાણ જેવા મહત્વપૂર્ણ ક્ષેત્રો પર ફોકસ કરવાનો છે. મોદીએ ઉદ્યોગકારો, સંશોધકો અને વૈશ્વિક રોકાણકારોને ભારતને સેમિકન્ડક્ટર ઉત્પાદનનું હબ બનાવવા માટે સહભાગી થવા આમંત્રણ આપ્યું.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
