અમદાવાદમાં રાજ્ય વેરા ખાતા (સ્ટેટ GST)ની મોબાઇલ સ્કોડ ટીમે અત્યાર સુધીની સૌથી મોટી કાર્યવાહી કરતાં કરોડો રૂપિયાના કિંમતી માલસામાનને ઝડપી પાડ્યો છે. ખાસ ચકાસણી દરમિયાન ટીમે દસ્તાવેજો વિના પરિવહન કરવામાં આવી રહેલા સોનું, ચાંદી અને કિંમતી પથ્થરોનો જથ્થો કબ્જે કર્યો હતો.
અધિકારીઓ પાસેથી મળતી માહિતી અનુસાર, કાર્યવાહી દરમિયાન અંદાજે 120 કિલો ચાંદી, 700 ગ્રામ સોનું અને લગભગ 3 કિલો જેટલા કિંમતી પથ્થરો જપ્ત કરવામાં આવ્યા છે. પ્રાથમિક તપાસમાં આ માલસામાનના પરિવહન માટે જરૂરી કાયદેસર દસ્તાવેજો ઉપલબ્ધ ન હોવાનું સામે આવ્યું છે.
ઝડપાયેલા માલસામાનની કુલ અંદાજિત કિંમત આશરે ₹4.25 કરોડ હોવાનું જણાવાયું છે. રાજ્ય વેરા વિભાગના ઇતિહાસમાં આ કાર્યવાહી સૌથી મોટી ગણાઈ રહી છે, જેના કારણે વેપાર વર્તુળોમાં ભારે ચર્ચા શરૂ થઈ છે.
રાજ્ય GST વિભાગે માલસામાન જપ્ત કરી વધુ તપાસ હાથ ધરી છે. અધિકારીઓ હવે માલના સ્ત્રોત, ગંતવ્ય સ્થળ અને સંભવિત કરચોરીના એંગલથી તપાસ કરી રહ્યા છે.
વિભાગના અધિકારીઓએ સ્પષ્ટ કર્યું છે કે કરચોરી અને ગેરકાયદેસર માલ પરિવહન સામે આવી કાર્યવાહી આગામી સમયમાં વધુ કડક બનાવવામાં આવશે.
અમારી યુટ્યુબ ચેનલને લાઈક કરો, શેર કરો અને સબસ્ક્રાઈબ કરો
Like, Share and Subscribe our YouTube channel
