સોમવારના વેપાર દિવસની શરૂઆતમાં ભારતીય શેરબજારમાં નરમાશ જોવા મળી હતી. મિશ્ર વૈશ્વિક સંકેતોના કારણે બજાર ઘાટ સાથે ખુલ્યું, જ્યાં BSE સેન્સેક્સ 349.29 પોઈન્ટ અથવા 0.43% ઘટીને 81,097.42 પર ટ્રેડ થઇ રહ્યો હતો, અને NSE નિફ્ટી 86.60 પોઈન્ટ અથવા 0.36% ઘટીને 24,745.35 પર પહોંચ્યો હતો. પ્રી-ઓપનિંગ સત્ર દરમિયાન પણ બજાર ફ્લેટ રહ્યો હતો. વૈશ્વિક સ્તરે જોવાઈ રહેલા નબળા સંકેતો, ખાસ કરીને એશિયાઈ બજારમાં ઘટાડો અને FII દ્વારા રોકડ તથા ફ્યુચર્સ સેગમેન્ટમાં સતત વેચવાલી, ભારતીય બજાર પર દબાણનું કારણ બન્યા હતા. જોકે, યુએસમાં શુક્રવારે નાસ્ડેક અને S\&P ઇન્ડેક્સે રેકોર્ડ ઉચ્ચસ્તરે બંધ આપી હતી, અને યુએસ-યુરોપિયન યુનિયન વચ્ચે 15% ટેરિફ સોદો થવાથી થોડું સ્થિરતા જોવા મળી હતી.
બેંકિંગ સેક્ટરમાં સૌથી મોટું દબાણ કોટક મહિન્દ્રા બેંક પર જોવા મળ્યું. બેંકના પ્રથમ ત્રિમાસિક પરિણામો નબળા આવ્યા, જેમાં નફામાં 47% નો ઘટાડો નોંધાયો. તેના પરિણામોને પગલે કોટક બેંકના શેરો લગભગ 6% જેટલા તૂટી ગયા અને તે નિફ્ટી ટોચના લૂઝર બની. સાથે સાથે લોઢા ડેવલપર્સ, SBI કાર્ડ અને CDSL જેવા સ્ટોક્સ પણ નબળા ટ્રેડ થયા અને ફ્યુચર્સના ટોચના લૂઝર્સમાં સ્થાન મેળવ્યું.
મધ્યંતરે RADICO KHAITAN કંપનીએ લક્ઝરી વોડ્કાના સેગમેન્ટમાં પ્રવેશ કરી નવતર દિશામાં પગલાં લીધા છે. તેણે ‘The Spirit of Kashmir’ નામે નવો લક્ઝરી વોડ્કા બ્રાન્ડ લોન્ચ કર્યો છે, જે હાઈ-એન્ડ માર્કેટને ટાર્ગેટ કરશે.
રૂપિયાનું મૂલ્ય પણ આજે ઉછાળે શરૂ થયું છે. શુક્રવારે 86.52 ના બંધ ભાવની સામે, આજે રૂપિયો 85.47 પ્રતિ ડોલર ઉપર ખુલ્યો.
જાણકારીઓ અનુસાર ઓથમ ઇન્વેસ્ટમેન્ટ અને ઇન્ફ્રાસ્ટ્રક્ચરના પ્રમોટરે Mentor Capital દ્વારા 2,253.57 રૂપિયાના ભાવ પર 58 લાખ શેર વેચ્યા છે. બીજી બાજુ, Fidelity Blue Chip Growth Fund અને Goldman Sachs (Singapore) Private Limited દ્વારા કુલ 31.56 લાખ શેર ખરીદવામાં આવ્યા છે. શેરે અગાઉના સત્રમાં 2.44% ઘટીને 2,740.65 પર બંધ આપી હતી. શેરે અગાઉ 22 જુલાઈ 2025એ 2,897.95ના ઊંચા સ્તર અને 5 ઓગસ્ટ 2024એ 985.45ના નીચા સ્તરને સ્પર્શ્યો હતો. હાલમાં આ શેર તેના ટોચના સ્તરથી 5.43% નીચે છે, જ્યારે નીચલા સ્તરથી લગભગ 178% ઉપર ટ્રેડ કરી રહ્યો છે.
કુલ મળીને, મિશ્ર આંતરરાષ્ટ્રીય સંકેતો, નબળા કંપની પરિણામો અને પ્રવર્તમાન ભૌગોલિક-આર્થિક પરિબળોની વચ્ચે ભારતીય બજાર થોડું દબાણમાં દેખાઈ રહ્યું છે.
