બુધવારના ઓપનિંગ પહેલાં ભારતીય શેરબજારનું વલણ મજબૂત નોંધાયું છે. સેન્સેક્સ 121.84 પોઈન્ટ એટલે કે 0.15 ટકાના વધારા સાથે 82,308.65 પર ટ્રેડ થઈ રહ્યો છે, જ્યારે નિફ્ટી 52 પોઈન્ટ એટલે કે 0.21 ટકાના વધારા સાથે 25,112.90ના સ્તરે પહોંચ્યો છે. શરૂઆતથી જ બજાર સ્થિર અને સંભાળ સાથે આગળ વધી રહ્યું છે, જે શેરધારકો માટે આશાસ્પદ છે.
આ વૃદ્ધિ પાછળ વૈશ્વિક સ્તરે થતી ઘટનાઓનો પણ મહત્વનો ફાળો છે. ચીન માટે ટેરિફની અંતિમ સમયમર્યાદા 1 ઓગસ્ટથી લંબાવીને હવે 12 ઓગસ્ટ કરી દેવાની શક્યતા છે, જેને લઇને વેપાર ડીલ માટેનો માર્ગ સ્પષ્ટ અને સહકારભર્યો બની રહ્યો છે. આગામી અઠવાડિયે સ્ટોકહોમમાં ચીની પ્રતિનિધિમંડળ સાથે મહત્વની બેઠક યોજાવાની સંભાવના છે.
આશિયાના બજારોએ પણ મજબૂત ટેકો આપ્યો છે. GIFT NIFTY 74.50 પોઈન્ટના ઉછાળે ટ્રેડ કરી રહ્યો છે. નિક્કીમાં 3.11 ટકાનો ભારે ઉછાળો જોવા મળ્યો છે, જે 41,053.44 સુધી પહોંચ્યો છે. તાઇવાન માર્કેટ પણ 1.07% વધીને 23,232.83 પર ટ્રેડ કરી રહી છે, જ્યારે હેંગ સેંગ 0.52% વધીને 25,274.37 પર છે. શાંઘાઈ કમ્પોઝિટ પણ 0.36% ઉછળીને 3,595.28 પર ટ્રેડ કરી રહ્યો છે. હાંલા કે KOSPIમાં 0.34%નો નકારાત્મક ફેરફાર જોવા મળ્યો છે.
ભારતીય બજાર માટે સંકેતો મિશ્ર છે. એક તરફ, વિદેશી સંસ્થાગત રોકાણકારો (FII) રોકડ અને વાયદા બંને વિભાગોમાં વેચાણની સ્થિતિમાં છે, જ્યારે બીજી તરફ વૈશ્વિક સંકેતો મજબૂત છે. અમેરિકન બજાર ગઈકાલે મિશ્ર રહ્યો હતો, પણ જાપાનના બજારમાં 2%થી વધુનો ઉછાળો આવ્યો છે.
કોમોડિટી માર્કેટ પણ ખૂબ જ સક્રિય બન્યું છે. ગઈકાલે MCX પર સોનાનો ભાવ એક લાખ રૂપિયાની ઉપર પહોંચી ગયો હતો. આંતરરાષ્ટ્રીય બજારમાં ચાંદી છેલ્લા 14 વર્ષમાં સૌથી ઊંચા સ્તરે પહોંચી છે, જ્યારે તાંબાનું મૂલ્ય પણ નવા રેકોર્ડ પર છે. સ્ટીલ સહિત અન્ય બેઝ મેટલ્સમાં પણ તેજીનો માહોલ જોવા મળ્યો છે.
આ તમામ સંકેતો દર્શાવે છે કે આજનો દિવસ બજાર માટે મજબૂત અને સકારાત્મક રહી શકે છે, ખાસ કરીને તે નિકાલજોગ ચીજોની કિંમતો અને વૈશ્વિક વેપાર સંબંધિત સુધારાવાદી ઘોષણાઓના પગલે.
