દિલ્હીની વિશેષ કોર્ટમાં બુધવારથી નેશનલ હેરાલ્ડ મની લોન્ડરિંગ કેસમાં દૈનિક સુનાવણી શરૂ થઈ ગઈ છે. આ ઉચ્ચપ્રોફાઇલ કેસમાં કેન્દ્રની એજન્સી ઇનફોર્સમેન્ટ ડિરેક્ટોરેટ (ઈડી) દ્વારા પૂર્વ કોંગ્રેસ અધ્યક્ષ સોનિયા ગાંધી અને વરિષ્ઠ નેતા રાહુલ ગાંધી વિરુદ્ધ ભારે આક્ષેપો કરવામાં આવ્યા છે. ઈડી તરફથી હાજર એડિશનલ સોલિસિટર જનરલ એસ.વી. રાજૂએ કોર્ટને જણાવ્યું કે બેને મળીને રૂ. 2,000 કરોડની સંપત્તિને ગેરકાયદે રીતે પોતાના નિયંત્રણ હેઠળ લાવવા માટે કાવતરું ઘડ્યું હતું.
તેઓએ દાવો કર્યો કે કોંગ્રેસ પાર્ટી દ્વારા પ્રકાશિત થતી એસોસિએટેડ જર્નલ્સ લિ. (AJL) નામની કંપનીની સંપત્તિ પર કબજો જમાવવાનો પ્રયાસ કર્યો હતો. પૂર્વ વડાપ્રધાન જવાહરલાલ નેહરુ દ્વારા સ્થાપિત AJL, નેશનલ હેરાલ્ડ અખબાર (છાપું અને વેબ પોર્ટલ)ની પ્રકાશક કંપની છે. જયારે યંગ ઈન્ડિયા પ્રા. લિ. નામની નવી કંપની, જેમાં સોનિયા અને રાહુલ ગાંધીના મળીને 76% શેર્સ છે, તે AJLની માલિક બની ગઈ — જેના પરિણામે કોંગ્રેસ પાર્ટી પાસેથી લીધેલા રૂ. 90 કરોડના દેવા સામે રૂ. 2,000 કરોડની મિલ્કત તેના કબ્જામાં આવી ગઈ.
दिल्ली की एक विशेष अदालत में नेशनल हेराल्ड से जुड़े मनी लॉन्ड्रिंग केस की आज से दैनिक सुनवाई शुरू हो गई है।
इस दौरान मामले की जांच कर रही एजेंसी प्रवर्तन निदेशालय (ED) की तरफ से पेश हुए अतिरिक्त सॉलिसिटर जनरल वी राजू ने दावा किया कि सोनिया गांधी और राहुल गांधी ने ही 2000 करोड़… pic.twitter.com/Su7CpGjnH3
— One India News (@oneindianewscom) July 3, 2025
ઈડીના વકીલ અનુસાર, આ સમગ્ર પ્રક્રિયામાં નાણાંનો દુરુપયોગ થયો છે અને બનાવટી કમ્પનીઓનો ઉપયોગ કરીને કમાણી બતાવવામાં આવી છે, જે મની લોન્ડરિંગ એક્ટ હેઠળ ગુનાહિત ક્રિયાઓ ગણાય છે. મહત્વનું છે કે પૂર્વમાં ઈડીએ દાવો કર્યો હતો કે ગાંધી પરિવારે ગેરકાયદે રૂ. 142 કરોડની આવક મેળવી હતી.
કેસની સુનાવણી સીબીઆઈના વિશેષ જજ વિશાલ ગોગની દ્વારા કરવામાં આવી રહી છે. ઈડી તરફથી જણાવવામાં આવ્યું છે કે કોંગ્રેસના વરિષ્ઠ નેતાઓના આદેશથી જાહેરખબરોના નાણાં પણ AJL સુધી પહોંચતા હતા — જે સંબંધિત રાજકીય પક્ષ અને મીડિયા હાઉસ વચ્ચેના ગેરકાયદે નાતાને દર્શાવે છે.
હાલ, સોનિયા ગાંધીને આરોપી નં. 1 અને રાહુલ ગાંધીને આરોપી નં. 2 તરીકે દાખલ કરવામાં આવ્યા છે. આ કેસને લઈને રાજકીય અને કાનૂની સ્તરે તીવ્ર ચર્ચાઓ શરૂ થઈ છે, અને આગામી દિવસોમાં દૈનિક સુનાવણીના કારણે ઘણા નવા ખુલાસાઓ થવાની શક્યતા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
