પશ્ચિમ બંગાળમાં વિધાનસભા ચૂંટણીના પરિણામો બાદ રાજકીય હિંસા સતત વધી રહી છે. તાજેતરમાં ભાજપ નેતા શુભેન્દુ અધિકારીના PA ચંદ્રનાથ રથની હત્યા બાદ હવે નવી હિંસક ઘટના સામે આવી છે.
પાનીહાટીમાં બૉમ્બ હુમલો
પાનીહાટી વિસ્તારમાં ભાજપ કાર્યકર્તાઓ પર ક્રૂડ બૉમ્બ ફેંકવામાં આવ્યા હતા. માહિતી મુજબ, હુમલાખોરો મોટરસાયકલ પર આવ્યા હતા અને ભાજપ કાર્યકર્તાઓ પર એક પછી એક ત્રણ બૉમ્બ ફેંકીને ફરાર થઈ ગયા હતા.
આ હુમલામાં પાંચ ભાજપ કાર્યકર્તાઓ ઈજાગ્રસ્ત થયા હતા.
#Breaking: Blast near RG Kar Victim’s Mother Ratna Debnath’s Residence
Five BJP supporters have been injured allegedly in a bomb blast in Panihati in West Bengal's North 24 Parganas district in Wednesday late night. The incident took place in Raja Basti area under Ward No. 2 of… pic.twitter.com/LBrIt1DDFn
— Prem Sen (@senprem2001) May 7, 2026
રત્ના દેવનાથના નિવાસ પાસે હુમલો
આ ઘટના ભાજપ ઉમેદવાર રત્ના દેવનાથના નિવાસસ્થાનની નજીક બની હતી. રત્ના દેવનાથ RG કર મેડિકલ કોલેજ કેસની પીડિતાના માતા છે અને તાજેતરમાં ચૂંટણીમાં વિજેતા બન્યાં છે.
ઘટના સમયે ભાજપ કાર્યકર્તાઓ સ્થાનિક લોકો સાથે ચર્ચા કરી રહ્યા હતા, ત્યારે અચાનક હુમલો થયો હતો.
ઘાયલોની સારવાર ચાલુ
ઈજાગ્રસ્ત કાર્યકર્તાઓને તરત જ આરજી કર મેડિકલ કોલેજ અને હોસ્પિટલમાં ખસેડવામાં આવ્યા હતા, જ્યાં તેમની સારવાર ચાલી રહી છે.
પોલીસે શરૂ કરી તપાસ, CRPF પેટ્રોલિંગ
ઘટના બાદ સ્થાનિક પોલીસે તપાસ હાથ ધરી છે. આસપાસના CCTV કેમેરાના ફૂટેજ ચકાસવામાં આવી રહ્યા છે.
વિસ્તારમાં તણાવપૂર્ણ પરિસ્થિતિને ધ્યાનમાં રાખીને CRPFની ટીમોને પેટ્રોલિંગ માટે તૈનાત કરવામાં આવી છે.
પરિણામો બાદ સતત હિંસા
4 મેના રોજ જાહેર થયેલા ચૂંટણી પરિણામો બાદ રાજ્યના અનેક વિસ્તારોમાંથી હિંસા અને ઘર્ષણના અહેવાલો સામે આવી રહ્યા છે.
પોલીસે જણાવ્યું છે કે કાયદો હાથમાં લેનારાઓ સામે કડક કાર્યવાહી કરવામાં આવશે અને પરિસ્થિતિને કાબૂમાં લેવા માટે તમામ જરૂરી પગલાં લેવામાં આવી રહ્યા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
