Skip to content
રવિવાર, નવેમ્બર 22, 2026 Ahmedabad 29°C

ટ્રમ્પે શેર કર્યો અમેરિકાનો ‘નવો નકશો’, ગ્રીનલેન્ડ-કેનેડા-વેનેઝુએલાને બતાવ્યા યુએસનો ભાગ

ટ્રમ્પે શેર કર્યો અમેરિકાનો ‘નવો નકશો’, ગ્રીનલેન્ડ-કેનેડા-વેનેઝુએલાને બતાવ્યા યુએસનો ભાગ

અમેરિકી રાષ્ટ્રપતિ ડોનાલ્ડ ટ્રમ્પે તાજેતરમાં એક વિવાદાસ્પદ નવો નકશો શેર કરીને આંતરરાષ્ટ્રીય રાજકારણમાં ફરી હલચલ મચાવી છે. ટ્રમ્પે આ નકશો પોતાના સોશિયલ મીડિયા પ્લેટફોર્મ ‘ટ્રુથ સોશિયલ’ પર પોસ્ટ કર્યો છે, જેમાં કેનેડા, ગ્રીનલેન્ડ અને વેનેઝુએલાને અમેરિકાના ભાગ તરીકે દર્શાવવામાં આવ્યા છે. આ નકશો AI દ્વારા જનરેટેડ હોવાનું કહેવાય છે.

તસવીરમાં ટ્રમ્પ યુરોપના અનેક મોટા નેતાઓ સાથે બેઠક કરતા જોવા મળે છે, જેમાં બ્રિટનના વડાપ્રધાન કીર સ્ટારમર, ઇટાલીના વડાપ્રધાન જ્યોર્જિયા મેલોની, યુરોપિયન યુનિયનના પ્રમુખ ઉર્સુલા વોન ડેર લેયન, ફ્રાન્સના રાષ્ટ્રપતિ ઇમાન્યુઅલ મેક્રોન અને જર્મનીના ચાન્સેલર ફ્રેડરિક મર્ઝનો સમાવેશ થાય છે. આ બેઠકના બેકગ્રાઉન્ડમાં દેખાતો અમેરિકાનો નકશો ખાસ ચર્ચાનો વિષય બન્યો છે, કારણ કે તેમાં કેનેડા, ગ્રીનલેન્ડ અને વેનેઝુએલાને સીધા અમેરિકી પ્રદેશ તરીકે બતાવવામાં આવ્યા છે.

આ પોસ્ટ કર્યા પછી થોડા જ સમયમાં ટ્રમ્પે બીજી એક AI જનરેટેડ તસવીર પણ શેર કરી હતી, જેમાં તેઓ વાઇસ પ્રેસિડન્ટ જેડી વેન્સ અને સેક્રેટરી ઑફ સ્ટેટ માર્કો રુબિયો સાથે ગ્રીનલેન્ડમાં અમેરિકન ધ્વજ લહેરાવતા નજરે પડે છે. આ તસવીર પર સ્પષ્ટ શબ્દોમાં લખેલું છે – ‘Greenland US Territory Est 2026’, એટલે કે ગ્રીનલેન્ડને 2026માં અમેરિકી પ્રદેશ તરીકે સ્થાપિત બતાવવામાં આવ્યો છે. આ ઘટના ટ્રમ્પના ગ્રીનલેન્ડને અમેરિકામાં સામેલ કરવાની લાંબા સમયથી ચાલતી વાતોને વધુ હવામાં લાવે છે. ટ્રમ્પ અનેક વખત કહી ચૂક્યા છે કે ગ્રીનલેન્ડ અમેરિકાની રાષ્ટ્રીય સુરક્ષા માટે અત્યંત મહત્વનું છે, કારણ કે ત્યાં ખનિજ સંસાધનોનો વિશાળ ભંડાર છે અને ભૌગોલિક રીતે તે વ્યૂહાત્મક સ્થાન ધરાવે છે.

કેનેડાને લઈને પણ ટ્રમ્પ અગાઉ વિવાદાસ્પદ નિવેદન આપી ચૂક્યા છે. તેમણે કેનેડાને અમેરિકાનું 51મું રાજ્ય બનાવવાનો પ્રસ્તાવ મૂક્યો હતો, જેને કેનેડાની સરકારે સ્પષ્ટપણે નકારી કાઢ્યો હતો. આ મુદ્દે બંને દેશો વચ્ચે તણાવ વધ્યો અને વેપાર યુદ્ધ જેવી સ્થિતિ પણ સર્જાઈ હતી. બીજી તરફ, વેનેઝુએલા મામલે ટ્રમ્પે તાજેતરમાં વધુ આક્રમક વલણ અપનાવ્યું છે.

આ મહિને અમેરિકી સ્પેશિયલ ફોર્સિસે કેરાકાસમાંથી વેનેઝુએલાના પૂર્વ રાષ્ટ્રપતિ નિકોલસ માદુરો અને તેમની પત્નીની ધરપકડ કરીને તેમને ન્યૂયોર્ક લઈ જઈ ડ્રગ્સ સંબંધિત આરોપોમાં કેસ ચલાવ્યો હતો. આ કાર્યવાહી બાદ ટ્રમ્પે ખુલ્લેઆમ કહ્યું હતું કે અમેરિકા હવે વેનેઝુએલાને ‘ચલાવશે’ અને તેના વિશ્વના સૌથી મોટા તેલ ભંડાર પર અમેરિકી કંપનીઓનો કાબૂ રહેશે. આ પહેલી વખત છે જ્યારે ટ્રમ્પે વેનેઝુએલા પર આટલો સીધો અને સ્પષ્ટ દાવો કર્યો છે, જેને લઈને વૈશ્વિક સ્તરે ભારે ચર્ચા અને ચિંતા જોવા મળી રહી છે.

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Gujarat

Share this story

Latest News

View all
All latest news

Explore Districts

News from every corner of Gujarat.