ભારતીય જનતા પાર્ટી દ્વારા ઉમરેઠ શહેર સંગઠન માટે હાર્દિક પ્રકાશભાઈ પટેલનું નામ જાહેર થતાની સાથે ઉમરેઠમાં ઠેર ઠેર અલગ અલગ મંડળો અને સંસ્થાઓ દ્વારા ઉત્સાહ સાથે હાર્દિકભાઈ પટેલનું અભિનંદન કરવામાં આવી રહ્યું છે. ગઈકાલે સાંજે ઉમરેઠ શહેરના પટેલ સમાજ દ્વારા હાર્દિકભાઈ પટેલને અભિનંદન પાઠવવા માટે એકડિયાની વાડી ખાતે કાર્યક્રમ યોજાયો. આ અભિનંદન કાર્યક્રમમાં શહેરના ડાકોર વગા, શિલિવગા, લાલ દરવાજા, વાંટા સ્ટ્રીટ, માતાની લીમડી એમ દરેક વિસ્તારના લોકોએ ભોજન સાથેનો કર્યક્રમ રાખ્યો હતો જેમા ખુબ મોટી સંખ્યમાં એકત્ર થયેલ પટેલ સમાજ દ્વારા હાર્દિકભાઈને ફુલહાર પહેરવીને અને માતાજીનો ફોટો આપીને અભિનંદન પાઠવ્યા હતા. ઉમરેઠના નગરજનો અને ખાસ કરીને યુવા ચહેરાઓ ઉત્સાહ ખુબ વધારે જણાઈ આવતો હતો.
