ઉત્તર પ્રદેશના નોઈડામાં સ્થિત ફેઝ-2 વિસ્તારમાં આજે કર્મચારીઓના ઉગ્ર પ્રદર્શનને કારણે તણાવપૂર્ણ સ્થિતિ સર્જાઈ હતી. પગાર વધારાની માંગ સાથે એક ખાનગી કંપનીના હજારો કર્મચારીઓ રસ્તા પર ઉતરી આવ્યા હતા, જેના કારણે સમગ્ર વિસ્તારમાં અફરાતફરીનો માહોલ છવાઈ ગયો હતો.
માહિતી મુજબ, મધરસન ગ્રુપ સાથે સંકળાયેલા કર્મચારીઓ લાંબા સમયથી પગાર વધારાની માંગ કરી રહ્યા હતા. સોમવારે સવારે મોટી સંખ્યામાં કર્મચારીઓ કંપનીના ગેટ પાસે એકત્ર થયા હતા. શરૂઆતમાં શાંતિપૂર્ણ પ્રદર્શન તરીકે શરૂ થયેલું આ આંદોલન અચાનક હિંસક બની ગયું હતું.
#WATCH | Uttar Pradesh: Vehicles and properties vandalised and stones pelted in Phase 2 of Noida where a large number of employees of a company gathered in protest over their demands for a salary increment. Heavy Police deployment made here to bring the situation under control.… pic.twitter.com/1B0axJZSBN
— ANI (@ANI) April 13, 2026
ઉશ્કેરાયેલા પ્રદર્શનકારીઓએ કંપનીની આસપાસ પાર્ક કરેલા અનેક વાહનોમાં તોડફોડ કરી હતી અને કેટલાક વાહનોને આગના હવાલે કરી દીધા હતા. આ હિંસક ઘટનાથી વિસ્તારમાં ભય અને અશાંતિ ફેલાઈ ગઈ હતી.
પરિસ્થિતિ કાબૂમાં લેવા માટે મોટી સંખ્યામાં પોલીસ દળ તૈનાત કરવામાં આવ્યો હતો. જોકે, પ્રદર્શનકારીઓએ પોલીસ પર પણ પથ્થરમારો શરૂ કર્યો હતો. ત્યારબાદ પોલીસે કડક કાર્યવાહી કરતાં લાઠીચાર્જ કર્યો અને ટીયર ગેસના ગોળા છોડ્યા હતા, જેથી ભીડને વિખેરી શકાય.
#WATCH | Uttar Pradesh: A large number of employees of a company gather in protest over their demands for a salary increment, in Phase 2 of Noida. Vehicles and properties were damaged, and stone pelting also occurred during the protest. Heavy Police deployment has been made here… pic.twitter.com/YXByyBMWQr
— ANI (@ANI) April 13, 2026
હાલમાં વિસ્તારમાં ચુસ્ત પોલીસ બંદોબસ્ત ગોઠવવામાં આવ્યો છે અને પરિસ્થિતિ નિયંત્રણમાં હોવાનું અધિકારીઓએ જણાવ્યું છે. આ ઘટનાએ ફરી એકવાર ઔદ્યોગિક વિસ્તારોમાં કર્મચારી અસંતોષ અને મજૂર મુદ્દાઓને ઉજાગર કર્યા છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
