બાબડા ગામે બિરાજમાન ગાત્રાળ માતાજીના કરો દર્શન, મંદિરનો ઇતિહાસ રોચક, મામાદેવનું મહત્વ

ગાત્રાળ માતાજીના મંદિરનો ઇતિહાસ રોચક છે. એક સમયે સૌરાષ્ટ્ર પંથકમાં બહારવટીયાઓની હાક વાગતી હતી. માણેક, મુળુ માણેક, અને મયો માણેક બહારવટું ખેડી પાછા ફરતાં હતા ત્યારે રસ્તામાં પડેલું સેલુ અને ચુંદડી મુળુ માણેકે લઈ લીધા, થોડેક આગળ પહોંચ્યા ત્યાં રસ્તામાં ચંદ્રમાના કિરણો સમાન ઉજ્જવળ રૂપાળી બાઇએ હસીને કહ્યું કે તું મને ક્યાં લઇ જઇશ, ત્યારે મુળુ માણેકે વિવેકથી જવાબ વાળ્યો. હું તમને આદર પૂર્વક મારા કૂળદેવી તરીકે પૂજીશ. જ્યા માતાજી બિરાજમાન થયા અને ગાંડી ગાત્રાળ નામ પડયું ત્યાં મૂળુ માણેક માતાજીને પગે લાગી સવા ગજ સેલુ લઈ ઘેર આવ્યો અને ગાત્રાળ મા ને માટે પથ્થરનું ઘોલકું બનાવી ત્યાં સેલું રાખ્યું. તે ઘોલકાવાળી ગાત્રાળ મા તરીકે પ્રચલિત થયા. ગાત્રાળ માતાજીને અઢારેય વર્ણના લોકો પૂજે છે. મા ગાત્રાળની લીલા અદભૂત છે. નિસંતાન દંપતિ સાચી શ્રધ્ધા રાખી માતાજી સમક્ષ તેમની મનોકામના વ્યક્ત કરે છે ત્યારે માતાજી પણ તેમને આશીર્વાદ આપે છે અને તે દંપતિના ઘરે પારણું બંધાય છે. માતાના પારે મેળો ભરવાનું વિશેષ મહત્વ છે. ઘણા પરિવારમાં પ્રથમ પુત્રનો જન્મ થાય ત્યારે તે પરિવાર અચૂક મેળો ભરે છે અને પારણું ચઢાવે છે.