વડા પ્રધાન નરેન્દ્ર મોદીએ જાપાનની મુલાકાતના પ્રથમ દિવસે ટોક્યોના હાનેડા એરપોર્ટ પર ઉતર્યા બાદ ભારત-જાપાન ભાગીદારીને વધુ મજબૂત બનાવવા માટે સ્પષ્ટ સંદેશ આપ્યો. તેમણે જણાવ્યું કે જાપાન એક “ટેક પાવર હાઉસ” છે જ્યારે ભારત “ટેલેન્ટ પાવર હાઉસ” છે, અને આ બંને શક્તિઓ સાથે મળીને ટેક્નોલોજી અને ઈનોવેશન ક્ષેત્રે વિશ્વનું નેતૃત્વ કરી શકે છે. મોદીએ જાપાની ઉદ્યોગકારોને ‘મેક ઈન ઈન્ડિયા ફોર ધ વર્લ્ડ’ અભિયાન હેઠળ ભારતમાં ઉત્પાદન યુનિટ સ્થાપવાની અપીલ કરી અને કહ્યું કે આજના સમયમાં વૈશ્વિક નેતૃત્વ માટે માત્ર ટેક્નોલોજી અને માનવસંપદા જ સાચા આધાર બની શકે છે.
#WATCH | "India and Japan’s partnership is strategic and smart. Powered by economic logic, we have turned shared interests into shared prosperity. India is the springboard for Japanese business to the Global South. Together, we will shape the Asian century for stability, growth… pic.twitter.com/0Xx6Rs7GTh
— ANI (@ANI) August 29, 2025
ટોક્યોમાં આયોજિત ભારત-જાપાન ઈકોનોમિક ફોરમને સંબોધિત કરતાં પીએમ મોદીએ રોકાણકારોને આકર્ષતાં જણાવ્યું કે ભારત હાલમાં વિશ્વનું સૌથી પ્રોમિસિંગ રોકાણ સ્થાન છે. તેમના જણાવ્યા મુજબ, 80 ટકા કંપનીઓ ભારતમાં પોતાનું વિસ્તરણ કરવા માગે છે, જેમાંથી 75 ટકા કંપનીઓ પહેલેથી જ નફામાં ચાલી રહી છે. તેમણે ભારપૂર્વક કહ્યું કે ભારતની અર્થવ્યવસ્થા ઝડપથી આગળ વધી રહી છે અને મૂડી રોકાણ અનેકગણી વધી રહ્યું છે. આજે ભારત વિશ્વનું સૌથી ઝડપી વિકસતું અર્થતંત્ર છે અને ટૂંક સમયમાં વિશ્વની ત્રીજી સૌથી મોટી અર્થવ્યવસ્થા બનવાનું છે.
#WATCH | "India has taken bold and ambitious initiatives in AI, semiconductor, quantum computing, biotech, and space. The technology of Japan and the talent of India can together lead the tech revolution of this century….India-Japan have signed an agreement on Joint Credit… pic.twitter.com/syN2JT6WkW
— ANI (@ANI) August 29, 2025
મોદીએ ભારત-જાપાનના આર્થિક સંબંધોને ઐતિહાસિક અને વિશ્વાસના સ્તંભ તરીકે વર્ણવ્યા. તેમણે જણાવ્યું કે મેટ્રો પ્રોજેક્ટથી લઈને મેન્યુફેક્ચરિંગ, સેમીકંડક્ટરથી લઈને સ્ટાર્ટઅપ્સ સુધી, જાપાન હંમેશા ભારતના વિકાસયાત્રામાં સહભાગી રહ્યું છે. અત્યાર સુધી જાપાનીઝ કંપનીઓએ ભારતમાં 40 અબજ ડોલરથી વધુનું રોકાણ કર્યું છે, જે બંને દેશો વચ્ચેની ભાગીદારીની ઊંડાણ દર્શાવે છે. મોદીએ સ્પષ્ટ કર્યું કે આજે ભારત રાજકીય સ્થિરતા, આર્થિક મજબૂતી, નીતિઓમાં પારદર્શકતા અને પૂર્વાનુમાનશીલતા ધરાવતું દેશ છે, જે વૈશ્વિક રોકાણકારો માટે સૌથી અનુકૂળ ગંતવ્ય છે.
#WATCH | Addressing the India-Japan Economic Forum in Tokyo, PM Modi says, "Japan has always been an important partner in India's development journey. From metro rail to manufacturing, semiconductors to startups…Japanese companies have invested over $ 40 billion in India…"… pic.twitter.com/8aW5E5BF8E
— ANI (@ANI) August 29, 2025
તેમણે આગળ કહ્યું કે ભારત અને જાપાનની ભાગીદારી માત્ર આર્થિક નથી, પણ વ્યૂહાત્મક દૃષ્ટિએ પણ અત્યંત મહત્વપૂર્ણ છે. બંને દેશોએ પોતાના સંયુક્ત હિતોને સંયુક્ત સમૃદ્ધિમાં પરિવર્તિત કર્યા છે. મોદીએ ભારપૂર્વક જણાવ્યું કે “ભારત ગ્લોબલ સાઉથમાં જાપાનીઝ બિઝનેસ માટે સ્પ્રિંગબોર્ડ છે,” એટલે કે ભારત મારફતે જાપાન દક્ષિણ વિશ્વના બજારોમાં પોતાની પહોંચ વધારી શકે છે. આ સાથે તેમણે વિશ્વાસ વ્યક્ત કર્યો કે ભારત અને જાપાન મળીને 21મી સદીના એશિયન યુગને સ્થિરતા, વિકાસ અને સમૃદ્ધિ તરફ દોરી જશે.
#WATCH | "Today, India has political stability, economic stability, transparency in policy, and predictability. Today, India is the fastest-growing major economy in the world. And, very soon, it is going to become the third largest economy in the world," says PM Modi at the… pic.twitter.com/jPKrhNHrLe
— ANI (@ANI) August 29, 2025
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
