ભારતને આર્ટિફિશિયલ ઇન્ટેલિજન્સ (AI) અને ડિજિટલ ટેકનોલોજીમાં વૈશ્વિક સ્તરે અગ્રેસર બનાવવા તરફ Gujarat સરકારે મહત્વપૂર્ણ પગલું ભર્યું છે. 20 ફેબ્રુઆરી 2026ના રોજ નવી દિલ્હીમાં યોજાયેલા India AI Impact Summit દરમિયાન ગુજરાતના વિજ્ઞાન અને ટેકનોલોજી વિભાગ અને L&T Vyoma વચ્ચે ₹25,000 કરોડના અંદાજિત રોકાણ સાથે ઐતિહાસિક MoU પર હસ્તાક્ષર થયા છે.
ધોલેરા SIRમાં 250 મેગાવોટ ક્ષમતાવાળું ગ્રીન AI ડેટા સેન્ટર
આ MoU હેઠળ Dholera Special Investment Region (SIR) ખાતે 250 મેગાવોટ ક્ષમતા ધરાવતું ‘ગ્રીન AI-રેડી’ હાઇપરસ્કેલ ડેટા સેન્ટર કેમ્પસ સ્થાપવાની યોજના છે. પ્રોજેક્ટ તબક્કાવાર અમલમાં મૂકવામાં આવશે અને 2028 સુધીમાં કાર્યરત થવાની ધારણા છે.
આ કેમ્પસને દેશનું સૌથી મોટું ગ્રીન AI-રેડી હાઇપરસ્કેલ ડેટા સેન્ટર ગણવામાં આવી રહ્યું છે, જે પર્યાવરણમૈત્રી, ઊર્જા કાર્યક્ષમ અને સસ્ટેનેબલ ટેકનોલોજી આધારિત ઇન્ફ્રાસ્ટ્રક્ચર સાથે વિકસાવવામાં આવશે.
A Historic MoU Has Been Signed Between The Department of Science and Technology, Government of Gujarat and L&T Vyoma for Setting Up a 250 MW Green AI-ready Data Center Campus at Dholera SIR.
This Initiative is a Strong Step Towards Positioning Gujarat as a National Hub for AI… pic.twitter.com/0kCHIMsptH
— Arjun Modhwadia (@arjunmodhwadia) February 20, 2026
AI ટ્રેનિંગથી ક્લાઉડ કમ્પ્યુટિંગ સુધી સંપૂર્ણ સુવિધા
આ ડેટા સેન્ટર માત્ર ડેટા સ્ટોરેજ પૂરતું સીમિત નહીં રહે, પરંતુ AI ટ્રેનિંગ, એડવાન્સ્ડ એનાલિટિક્સ, ક્લાઉડ કમ્પ્યુટિંગ અને હાઇ-પરફોર્મન્સ વર્કલોડ્સ માટે સંપૂર્ણપણે સજ્જ રહેશે. ગુજરાતને AI ઇન્ફ્રાસ્ટ્રક્ચર અને હાઇપરસ્કેલ ડિજિટલ ક્ષમતાઓ માટે રાષ્ટ્રીય હબ તરીકે સ્થાપિત કરવાનો આ મજબૂત પ્રયાસ છે.
ફિઝિબિલિટી અસેસમેન્ટ અને ફેઝવાઇઝ રોલઆઉટ
MoU અનુસાર L&T વ્યોમા દ્વારા જમીનની યોગ્યતા, ઇન્ફ્રાસ્ટ્રક્ચરની તૈયારી, એવેલેબિલિટી ઝોન અને સસ્ટેનેબિલિટી પેરામીટર્સનું વિગતવાર ફિઝિબિલિટી અસેસમેન્ટ કરવામાં આવશે. તેના આધારે અંતિમ ડિપ્લોયમેન્ટ આર્કિટેક્ચર અને ફેઝવાઇઝ રોલઆઉટ પ્લાન તૈયાર થશે.
ગુજરાત સરકાર પ્રોજેક્ટને સરળ બનાવવા માટે જરૂરી ઇન્ફ્રાસ્ટ્રક્ચર, પોલિસી સપોર્ટ અને રેગ્યુલેટરી ફ્રેમવર્ક ઉપલબ્ધ કરાવશે.
IT/ITeS પોલિસી 2022-27 સાથે સુસંગત
આ પહેલ રાજ્યની IT/ITeS પોલિસી 2022-27 સાથે સંપૂર્ણ સુસંગત છે. પ્રોજેક્ટ દ્વારા હાઇ-ઇમ્પેક્ટ ઇન્વેસ્ટમેન્ટને પ્રોત્સાહન, ઇનોવેશન આધારિત વૃદ્ધિ અને ડિજિટલ ઇકોસિસ્ટમને મજબૂતી મળશે.
બાંધકામ, કમિશનિંગ અને લોંગ-ટર્મ ઑપરેશન્સ દરમિયાન હજારો ડાયરેક્ટ અને ઇન્ડાયરેક્ટ રોજગારી તકો સર્જાવાની અપેક્ષા છે. ઇજનેરી, IT, ક્લાઉડ સર્વિસીસ અને ડિજિટલ સર્વિસીસ ક્ષેત્રમાં વિશાળ રોજગારી ઊભી થશે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
