ખેડા જિલ્લાના ગળતેશ્વરમાં મહિસાગર નદીમાં મજા માણવા નહાવા પડેલા ચાર મિત્રો પૈકી ત્રણ મિત્રોના ડૂબી જવાથી મોત થતાં પરિવારજનો શોકમાં ગરકાવ થયો છે.
પ્રાપ્ત માહિતી અનુસાર, ગળતેશ્વરમાં મહિસાગર નદીમાં અમદાવાદના 9 મિત્રો નહાવા માટે આવ્યા હતા, જો કે નહાવા પડેલા આ ચારેય મિત્રો અચાનક જ પાણીમાં ડૂબવા લાગ્યા હતા. તેમણે બચાવો બચાવોની બુમો પાડતાં સ્થાનિક લોકો એકત્ર થઇ ગયા હતા પણ ત્રણ યુવક ડુબી ગયા હતા જ્યારે તરવૈયાઓએ એક યુવકને બચાવી લીધો હતો. ત્રણેય યુવકના મૃતદેહને સ્થાનિક તરવૈયાઓએ બહાર કાઢ્યો હતો.
મૃતકોમાં અમદાવાદના વટવામાં રહેતો સુનિલ કુશવાહા અને ખોખરામાં રહેતા હિતેશ ચાવડા હોવાનું તપાસમાં બહાર આવ્યું છે જ્યારે ત્રીજા યુવકની ઓળખ થઇ રહી છે.
