કપડવંજ રૂરલ પોલીસ સ્ટેશનના પોલીસો કપડવંજ-મોડાસા રોડ ઉપર આવેલ રેલિયા ચેકપોસ્ટ ઉપર પોલીસે ગાડીનું ચેકીંગ કરતાં બિસ્કિટના બોક્ષની આડમાં રૂ.૭.૫૫ લાખનો વિદેશી દારૂના જથ્થા સાથે રૂ.૪૨.૪૬ લાખના મુદ્દામાલ સાથે બે ઈસમોની અટકાયત કરી હતી જ્યારે એક ઈસમ વોન્ટેડ છે.
પ્રાપ્ત વિગતો અનુસાર કપડવંજ-મોડાસા રોડ ઉપર રેલિયા ચેકપોસ્ટ ખાતે રૂરલ પોલીસ સ્ટેશનના પી.આઈ.એ.આર.ચૌધરીની સુચનાનુસાર અ.પો.કો. વિપુલકુમાર, નરેશકુમાર, હસમુખભાઈ,રાજેશભાઈ વગેરેનાઓ રેલિયા ચેકપોસ્ટ ઉપર વાહન ચેકીંગમાં હતાં.દરમિયાન વિપુલકુમારને બાતમી મળી હતી કે એક આયસર ગાડી નં.એચ આર ૩૮ એઈ ૩૩૨૭ની મોડાસા તરફથી બાયડ થઈને કપડવંજ તરફ આવી રહી છે.જેમાં આયસરના પાછળના ભાગે બિસ્કીટના બોક્ષની આડમાં વિદેશી દારૂની પેટીઓ ભરેલી છે. જેથી પોલીસ વાહન ચેકીંગ હતી તે દરમિયાન બાતમીવાળી આયસર આવતા તેને રોકવામાં આવી હતી.અને વાહનનું ચેકીંગ કરતા આયસરના પાછળના ભાગે બિસ્કીટના બોક્ષની આડમાં વગર પાસ પરમીટનો વિદેશી દારૂની બોટલ તેમજ ક્વાર્ટર નંગ- ૩૫૭૬ જેની કિ.રૂ.૭,૫૫,૦૪૦, આયસર ગાડી કિ.રૂ.૯,૦૦,૦૦૦ તથા ડાર્ક ફેન્સી ચોકો બિસ્કીટ બોક્ષ નંગ-૩૫૦ જેની કિંમત રૂ.૨૫,૮૧,૨૦૧ મળી વિદેશી દારૂના જથ્થા સાથે કુલ રૂ.૪૨,૪૬, ૨૪૧ના મુદ્દામાલ સાથે બે ઇસમો ઈકલાસ સમ્મુખાન રહે.સિલોરી, રાજસ્થાન તથા સૈકુલ ઉસ્માનખાન રહે.નિમ્બાહેડી, રાજસ્થાનની અટકાયત કરી છે. તથા વોન્ટેડ ઈસમમાં આસીક કાસમખાન રહે.બગોલ, હરીયાણા સામે ગુનો નોંધ્યો છે.
