સરદારધામ યુવા સંગઠન આયોજિત મિશન -2026 અંતર્ગત યુવાશક્તિના સર્વાંગી વિકાસ માટે થતી પ્રવૃત્તિઓની માહિતી સમાજના છેવાડાના લોકો સુધી પહોંચી શકે તેમજ યુવાનોને જાગૃત કરીને શૈક્ષણિક, વ્યાપારી ક્ષેત્રે ઉપયોગી થઈ શકે તેવા ઉમદા ઉદ્દેશ સાથે નડિયાદ શ્રી સ્વામિનારાયણ મંદિર, યોગી ફાર્મ ખાતે સરદારધામ પ્રમુખ સેવક ગગજી સુતરીયાજીની પ્રેરક ઉપસ્થિતિમાં યુવા સંવાદ કાર્યક્રમનું આયોજન કરવામાં આવ્યું હતું. આ કાર્યક્રમ ખાતે નડિયાદ ધારાસભ્ય પંકજભાઈ દેસાઈની સ્થાપક ટ્રસ્ટી તરીકે નિમણુંક કરવામાં આવી હતી.
આ કાર્યક્રમ ખાતે સરદારધામ પ્રમુખ સેવક ગગજીભાઈ સુતરીયાજી, મોટીવેશનલ સ્પીકર શૈલેષ સગપરિયા, સરદાર ધામના ટ્રસ્ટીઓ તથા ટીમ અને ખેડા જિલ્લાના સૌ પાટીદારના અગ્રણીઓ અને મોટી સંખ્યામાં ભાઈઓ બહેનો ઉપસ્થિત રહ્યા હતા.
