નડિયાદ શહેરના બારકોસિયા રોડ પર એક યુવક પર તેના જ કૌટુંબિક ભાઈઓએ હુમલો કરી અને ચપ્પાના ઘા ઝીંકી દેતા મામલો પોલીસ સ્ટેશને પહોંચ્યો હતો, આ અંગે નડિયાદ ટાઉન મથકે ફરીયાદ નોંધી છે, આ સાથે ઈજાગ્રસ્ત યુવકને સારવાર માટે કરમસદની એક હોસ્પિટલમાં ખસેડાયો હતો.
પ્રાપ્ત વિગતો અનુસાર, નડિયાદના બારકોસિયા રોડ પર સંસ્કાર વિદ્યાલય પાસે ફેઝ પાર્ક-૨માં રહેતો ૩૨ વષય ઈરફાન કમાલુદ્દીન બંજારા પોતાના ઘરની બહાર મોબાઈલ પર વાતચીત કરતો હતો. આ દરમિયાન તેના કૌટુંબિક ત્રણ ભાઈઓ અચાનક ત્યાં આવી પહોંચ્યા હતા અને આ ઈરફાન પર હિંસક હુમલો કર્યો હતો. જેમાં ઈરફાન પર ચપ્પાના ઘા વીંઝતા લગભગ ૨ જગ્યાએ ચપ્પાના ઘા વાગ્યા છે. આ બાદ ઈરફાન ઘાયલ થતા આસપાસના લોકોએ આવી તેને હોસ્પિટલ રીફર કર્યો છે અને હાલ કરમસદ હોસ્પિટલમાં દાખલ કરાયો છે, આ મામલે નડિયાદ ટાઉન પોલીસ દ્વારા તપાસ હાથ ધરી અને ફરીયાદ નોંધવાની તજવીજ હાથ ધરાઈ છે.
