નડિયાદ મોટા મહાદેવ પાસે એક મહિલા ને પડોશી મહિલાએ ઉછીના આપેલ પૈસા પરત આપવા માટે બોલાવી એસિડ એટેક કરી ઘાયલ કરી મહિલા એ કાન માં પહેરેલ સોનાની નવ બુટ્ટી લૂંટી લીધા નો બનાવ નડિયાદ શહેર પોલીસ મથકે નોંધાતા નગરમાં ભારે ચકચાર મચી ગઈ છે.
પ્રાપ્ત માહિતી અનુસાર, નડિયાદમાં મહિલાએ અન્ય મહિલા પર એસિડ ફેંક્યાની ઘટના બની છે. ઉછીના લીધેલા નાણાં પરત આપવાના બહાને મહિલાને બોલાવી વધુ નાણાં માંગતા મહિલાએ ન આપતા ખુન્નસમા આવેલી મહિલાએ અન્ય મહિલાને ધુંગામાં લઈ જઈ એસિડ ફેક્યાની ઘટના બની છે. આટલેથી વાત ન અટકતા ગંભીર રીતે શરીરે દાજી ગયેલી મહિલાના કાનમાંથી સોનાની કડીઓની લૂંટ આ એસિડ ફેકનાર મહિલાએ ચલાવી છે. આ બનાવ મામલે નડિયાદ ટાઉન પોલીસ મથકે પીડીત મહિલાએ કાવતરું આચરનાર એસિડ એટેક કરનાર મહિલા સામે ફરિયાદ નોંધાવી છે. પોલીસે ગુનો નોંધી કાયદેસરની કાર્યવાહી હાથ ધરી છે.
