ભૂપેન્દ્ર સરકારનું કલ્યાણકારી બજેટ, એક ક્લિકમાં વાંચો બજેટની તમામ જાહેરાતોની ડિટેઇલ્સ

ગુજરાત રાજ્યના નાણામંત્રી કનુ દેસાઈએ વર્ષ 2025-26 માટે 3,70,250 કરોડ રૂપિયાનું બજેટ રજૂ કર્યું છે, જેમાં ઘર વિહોણા લોકો માટે મહત્વપૂર્ણ જાહેરાત કરવામાં આવી છે. આવાસ યોજનાની સહાયમાં 50,000 રૂપિયાનો વધારો કરીને, અગાઉની 1.20 લાખ રૂપિયાની સહાયને હવે 1.70 લાખ રૂપિયા કરવામાં આવી છે. આ વધારાની સહાયથી રાજ્યમાં 3 લાખ નવા આવાસોનું નિર્માણ કરવામાં આવશે, જે ગરીબ અને મધ્યમ વર્ગના પરિવારોને ઘરનું સ્વપ્ન સાકાર કરવામાં મદદરૂપ થશે.

બજેટમાં પોષણલક્ષી યોજનાઓ માટે 8,200 કરોડ રૂપિયાની જોગવાઈ કરવામાં આવી છે, જે રાજ્યના બાળકો અને માતાઓના પોષણ સ્તર સુધારવામાં મદદ કરશે. મુખ્યમંત્રી શ્રમિક બસેરા યોજના માટે 200 કરોડ રૂપિયાની ફાળવણી કરવામાં આવી છે, જે શ્રમિક વર્ગને સસ્તું અને સુવિધાજનક નિવાસ પ્રદાન કરશે. રાજ્યની ITI સંસ્થાઓને અપગ્રેડ કરવા માટે 450 કરોડ રૂપિયાની જોગવાઈ કરવામાં આવી છે, જે યુવાનોને આધુનિક કૌશલ્ય પ્રદાન કરીને રોજગારની તકો વધારશે.

આ બજેટમાં  8,000 નવી આંગણવાડી કેન્દ્રોના નિર્માણ માટે પણ જોગવાઈ કરવામાં આવી છે, જે પ્રાથમિક શિક્ષણ અને પોષણમાં સુધારો લાવશે. નમો સરસ્વતી યોજના હેઠળ, ધોરણ 9 અને 10ના વિદ્યાર્થીઓને વાર્ષિક 10,000 રૂપિયાની સહાય આપવામાં આવશે, જે તેમના શિક્ષણને પ્રોત્સાહન આપશે. સગર્ભા અને ધાત્રી મહિલાઓ માટે નમોશ્રી યોજનાની જાહેરાત કરવામાં આવી છે, જેમાં તેમને 12,000 રૂપિયાની સહાય આપવામાં આવશે. નમો લક્ષ્મી યોજના માટે 1,250 કરોડ રૂપિયાની જોગવાઈ કરવામાં આવી છે, જે મહિલાઓ અને બાળ વિકાસને પ્રોત્સાહન આપશે. આ તમામ યોજનાઓ રાજ્યના સમગ્ર વિકાસ અને નાગરિકોના જીવન સ્તરમાં સુધારો લાવવા માટે રચવામાં આવી છે.

જાણો બજેટમાં શું કરાઇ મોટી જાહેરાતો?

-પોષણલક્ષી યોજના માટે 8,200 કરોડ રૂપિયાની ફાળવણી

-મુખ્યમંત્રી શ્રમિક બસેરા યોજના માટે 200 કરોડની ફાળવણી

-ITIને અપગ્રેડ કરવા માટે 450 કરોડની જોગવાઈ

-આંગણવાડી યોજના માટે 274 કરોડ રૂપિયા

-શ્રમિક બસેરા યોજના માટે 200 કરોડ રૂપિયા

-ચાર રીજીયનમાં I-HUB સ્થાપવાનું આયોજન

-રાજ્યની 6 એન્જિનિયરીંગ કોલેજમાં AI લેબની સ્થાપના

-SC-ST-OBCને અભ્યાસ માટે 6 ટકા વ્યાજે લોન

-એલડી સહિત 6 કોલેજોમાં AI લેબ સ્થપાશે

-મહાનગરોમાં વર્કિંગ વુમન હોસ્ટેલ

-રાજ્યમાં બે નવા એક્સપ્રેસ-વેની જાહેરાત

-અંબાજીના વિકાસ માટે 180 કરોડ રૂપિયા

-ઉદ્યોગ અને ખાણ માટે 8,958 કરોડ રૂપિયા

-કૃષિ,ખેડૂત કલ્યાણ અને સહકાર વિભાગ માટે 22,498 કરોડ રૂપિયા

-સામાન્ય વહિવટ વિભાગ માટે 1,999 કરોડ રૂપિયા

-મહેસુલ વિભાગ માટે 5,427 કરોડ રૂપિયા

-ગૃહ વિભાગ માટે 12,659 કરોડ રૂપિયા

-કાયદા વિભાગ માટે 2,654 કરોડ રૂપિયા

-માહિતી અને પ્રસારણ વિભાગ માટે 362 કરોડ રૂપિયા

-ઉર્જા અન પેટ્રોકેમિકલ્સ વિભાગ માટે 6,751 કરોડ રૂપિયા

-વન અને પર્યાવણ વિભાગ માટે 3,140 કરોડ રૂપિયા

-કલાઈમેન્ટ ચેન્જ માટે 429 કરોડ રૂપિયા

-પંચાયત, ગ્રામગૃહ નિર્માણ માટે 13,772 કરોડ રૂપિયા

-બંદરો અને વાહન વિભાગ માટે 4,283 કરોડ રૂપિયા

-વિદ્યા અને પ્રોધ્યોગીકી વિભાગ માટે 2,535 કરોડ રૂપિયા

-ઉઘોગ અને ખાણ વિભાગ માટે 11,706 કરોડ રૂપિયા

-પ્રવાસન યાત્રાઘામ માટે 2,748 કરોડ રૂપિયા

-મધ્યાહન ભોજન માટે 72 તાલુકામાં સેન્ટ્રલાઇઝ્ડ કિચન

-મુખ્યમંત્રી શ્રમિક બસેરા યોજના માટે 200 કરોડની ફાળવણી

-ખેડૂતોને વીજ સહાય માટે 10 હજાર 613 કરોડની જોગવાઈ

-ટ્રેક્ટર ખરીદી સહાય માટે 800 કરોડની જોગવાઈ

-ઓજારોની ખરીદીમાં સહાય આપવા 590 કરોડની જોગવાઈ

-ડ્રોન અને સીડ રિપ્લેસમેન્ટ રેટ યોજના માટે 82 કરોડની જોગવાઈ

-નેનો ખાતર વપરાશ વધારવા 73 કરોડની જોગવાઈ

-ડિજિટલ ક્રોપ સર્વેની નવી યોજના અંતર્ગત 40 કરોડની જોગવાઈ

-ખેડૂત સુવિધા રથ માટે 19 કરોડની જોગવાઈ

-13 એગ્રી એક્સપોર્ટ ઝોનનો પ્રી-ફિઝીબિલિટી રીપોર્ટ તૈયાર કરવા આયોજન

-કચ્છ, અમદાવાદ, જુનાગઢ, વડોદરા, હાલોલમાં મેગા ફૂટ પાર્ક નિર્માણ કરાશે

-બાગાયત ખાતાની યોજના માટે 605 કરોડની ફાળવણી

-જામનગરમાં નવી કૃષિ કોલેજ અને થરાદમાં કૃષિ ઈજનેરી કોલેજની સ્થાપના થશે

-કૃષિ યુનિવર્સિટીઓ માટે 1 હજાર કરોડની જોગવાઈ

-પ્રાકૃતિક કૃષિની પ્રવૃતિઓ માટે 316 કરોડની જોગવાઈ

-નેશનલ મિશન ઓન નેચરલ ફાર્મિંગ માટે 90 કરોડની જોગવાઈ

-મુખ્યમંત્રી ગૌ માતા પોષણ યોજના માટે 475 કરોડની જોગવાઈ

-મુખ્યમંત્રી નિશુલ્ક પશુ સારવાર યોજના હેઠળ 45 કરોડની જોગવાઈ

-નવા 250 સ્થાયી પશુ દવાખાના અને નવા 150 ફરતા પશુ દવાખાના માટે 34 કરોડની જોગવાઈ

-ગીર ગાયના સંરક્ષણ માટે પોરબંદરના ધરમપુરમાં સુવિધા માટે 23 કરોડની જોગવાઈ

-60 ટકાથી વધુ દિવ્યાંગતા ધરાવનારને વાર્ષિક 12 હજારની સહાય

-આદિજાતિના સર્વાંગ વિકાસ માટે ન્યૂ ગુજરાત પેટર્ન યોજના

-આંગણવાડી યોજના માટે રૂ. 274 કરોડની ફાળવણી

-પઢાઈ ભી પોષણ ભી યોજના માટે 617 કરોડની જોગવાઈ

-પોષણલક્ષી યોજના માટે રૂ. 8200 કરોડની ફાળવણી

-ઘરનું ઘર સ્વપન સાકાર કરવા 3 લાખ આવાસ પૂરા પાડવાનું આયોજન

-નવા ઘરની ખરીદી પર રૂ. 1.70 લાખની સબસિડી

-પેન્સનરોની ઘર આંગણે જ હયાતીની ખરાઈ કરી શકાશે

-એલડી સહિત 6 કોલેજોમાં AI લેબ સ્થપાશે

-41 લાખ વિદ્યાર્થીઓને મુખ્યમંત્રી પોષ્ટિક અલ્પાહાર યોજનાનો લાભ

-મુખ્યમંત્રી પોષ્ટિક અલ્પાહાર યોજના માટે 617 કરોડ રૂપિયાની જોગવાઈ

-શિક્ષણ વિભાગ માટે 59 હજાર 999 કરોડની જોગવાઈ

-શ્રમ-કૌશલ્ય અને રોજગાર વિભાગ માટે 2,782 કરોડની જોગવાઈ

-આરોગ્ય અને પરિવહન-કલ્યાણ વિભાગ માટે 23,385 કરોડની જોગવાઈ

-સામાજિક ન્યાય, અધિકારીતા વિભાગ માટે 6,807 કરોડની જોગવાઈ

-મહિલા અને બાળ  વિકાસ વિભાગ માટે 7,668 કરોડની જોગવાઈ

-અન્ન-નાગરિક અને ગ્રાહકોની બાબતોના વિભાગ માટે 2,712 કરોડની જોગવાઈ

-રમત-ગમત, યુવા-સાંસ્કૃતિક પ્રવૃતિના વિભાગ માટે 1,093 કરોડની જોગવાઈ

-માર્ગ-મકાન વિભાગ માટે 24,705 કરોડ રૂપિયાની જોગવાઈ

-આદિજાતિ વિકાસ માટે 5,120 કરોડ રૂપિયાની જોગવાઈ

-શહેરી-ગૃહ નિર્માણ વિભાગ માટે 30,325 કરોડ રૂપિયાની જોગવાઈ

-પંચાયત-ગ્રામ ગૃહ નિર્માણ અને ગ્રામ વિકાસ વિભાગ માટે 13,772 કરોડ રૂપિયા

-નર્મદા, જળસંપતિ, પાણી પૂરવઠા અને કલ્પસર વિભાગ માટે 25,642 કરોડ રૂપિયા

-ભાડભૂત બેરેજ યોજના માટે 876 કરોડ રૂપિયાની જોગવાઈ

-1450 ડિલક્સ અને 450 મીડી બસ એમ કુલ 1850 નવી બસ

-200 પ્રીમિયમ એસી બસો અને 10 કાર વાન મુકાશે

-એસટી બસના અકસ્માત નિવારવા માટે ઓડિયો-વીડિયો એલર્ટ સિસ્ટમ ગોઠવાશે

-નવલખી અને મગદલ્લા બંદર માટે 250 કરોડ રૂપિયા

-યાત્રાધામ અને નાગરિક ઉડ્ડયન માટે 2,748 કરોડ રૂપિયા

-માછીમારો માટે માળખાકીય સુવિધા ઉભી કરાશે

-તમામ જિલ્લાઓમાં પ્રવાસ વિકાસ સોસાયટીની કરાશે સ્થાપના

-દાહોદમાં નવું ગ્રીન ફિલ્ડ એયરપોર્ટ વિકસાવાશે

-પોરબંદર, ભાવનગર, સુરત એરપોર્ટના વિસ્તરણ માટે 210 કરોડ રૂપિયા

-પારસી સર્કિટ, ક્રૂઝ ટુરિઝમ, બીચ હોટલ્સ માટે 50 કરોડની જોગવાઈ

-નાના શહેરોને મોટા શહેરોનો હવાઈ માર્ગે જોડવા 45 કરોડની જોગવાઈ