વડાપ્રધાન નરેન્દ્ર મોદી હાલ ગુજરાતની મુલાકાતે છે. અહીં તેમણે નવસારીમાં લખપતિ દીદીઓ સાથે વાત કરી. નવસારીમાં આયોજિત કાર્યક્રમમાં પોતાના સંબોધનમાં PM મોદીએ કહ્યું કે, મારા જીવનમાં કરોડો માતાઓ અને બહેનોના આશીર્વાદ છે, હું દુનિયાનો સૌથી ધનિક વ્યક્તિ છું. તેમણે કહ્યું કે, મહિલાઓ પ્રત્યે આદર એ વિકસિત ભારત તરફનું પ્રથમ પગલું છે. PM મોદીએ અહીં એક જાહેર સભાને પણ સંબોધિત કરી હતી. આ પહેલા, તેઓ ખુલ્લી જીપમાં હેલિપેડથી લગભગ 700 મીટરનો રોડ શો કરીને સ્થળ પર પહોંચ્યા. PM મોદીનો આ કાર્યક્રમ મહિલા દિવસ નિમિત્તે આયોજિત કરવામાં આવ્યો હતો. આ જ કારણ છે કે, ફક્ત મહિલા પોલીસ કર્મચારીઓનું સુરક્ષા કવચ તૈનાત કરવામાં આવ્યું છે. દેશમાં આ પહેલી વાર થઈ રહ્યું છે.
#WATCH | Gujarat: Prime Minister Narendra Modi says "Today, on this day, I can proudly say that I am the richest person in the world. When I say that I am the richest person in the world, many people will perk up their ears. Today, the entire troll army will enter the fray, but I… pic.twitter.com/Cci2EEzNR1
— ANI (@ANI) March 8, 2025
હું દુનિયાનો સૌથી ધનિક વ્યક્તિ છું: મોદી
પ્રધાનમંત્રી મોદીએ કહ્યું કે, આજે આ દિવસે હું ગર્વથી કહી શકું છું કે હું વિશ્વનો સૌથી ધનિક વ્યક્તિ છું. જ્યારે હું કહું છું કે હું દુનિયાનો સૌથી ધનિક વ્યક્તિ છું, ત્યારે ઘણા લોકો કાન ઉંચા કરશે. આજે આખી ટ્રોલ આર્મી મેદાનમાં આવશે, પણ હું હજુ પણ પુનરાવર્તન કરીશ કે હું દુનિયાનો સૌથી ધનિક વ્યક્તિ છું. મારા જીવનમાં કરોડો માતાઓ, બહેનો અને દીકરીઓના આશીર્વાદ છે અને આ આશીર્વાદ સતત વધી રહ્યા છે, તેથી જ હું કહું છું કે, હું દુનિયાનો સૌથી ધનિક વ્યક્તિ છું.
જાહેર સભાને સંબોધતા PM મોદીએ કહ્યું કે, આજે મહિલા દિવસ છે મારી માતૃભૂમિ ગુજરાત અને આ ખાસ દિવસે આટલી મોટી સંખ્યામાં માતાઓ, બહેનો અને પુત્રીઓની હાજરી… હું તમારા પ્રેમ, સ્નેહ અને આશીર્વાદ માટે માતૃશક્તિને માથું નમન કરું છું. પ્રધાનમંત્રીએ કહ્યું કે, આજે અહીં બે યોજનાઓ, ગુજરાત સફળ અને ગુજરાત મૈત્રી પણ શરૂ કરવામાં આવી છે. ઘણી યોજનાઓના પૈસા સીધા મહિલાઓના બેંક ખાતામાં પણ ટ્રાન્સફર કરવામાં આવ્યા છે. આ માટે હું તમને બધાને પણ અભિનંદન આપું છું. આજનો દિવસ મહિલાઓને સમર્પિત છે.
આ સાથે તેમણે વધુમાં કહ્યું કે, આજે ભારત મહિલાઓના નેતૃત્વ હેઠળના વિકાસના માર્ગ પર આગળ વધી રહ્યું છે. અમારી સરકાર મહિલાઓના જીવનમાં સન્માન અને સુવિધા બંનેને સર્વોચ્ચ પ્રાથમિકતા આપે છે. અમે કરોડો મહિલાઓ માટે શૌચાલય બનાવીને તેમનું સન્માન વધાર્યું છે. અમે કરોડો મહિલાઓને તેમના ખાતા ખોલાવીને બેંકિંગ સાથે જોડ્યા છે. ઉજ્જવલા સિલિન્ડર આપીને અમે તેમને ધુમાડા જેવી સમસ્યાઓથી બચાવ્યા છે. આજે સામાજિક સ્તરે, સરકારી સ્તરે અને મોટી સંસ્થાઓમાં, મહિલાઓને વધુને વધુ પ્રાધાન્ય આપવામાં આવી રહ્યું છે. રાજકીય ક્ષેત્ર હોય કે રમતગમતનું ક્ષેત્ર, ન્યાયતંત્ર હોય કે પોલીસ… દેશના દરેક ક્ષેત્રમાં, દરેક પરિમાણમાં મહિલાઓનો ધ્વજ ઊંચો લહેરાતો રહે છે.
આ સાથે PM મોદીએ કહ્યું કે, ગાંધીજી કહેતા હતા કે દેશનો આત્મા ગ્રામીણ ભારતમાં વસે છે. આજે હું તેમાં એક વધુ વાક્ય ઉમેરું છું કે, ગ્રામીણ ભારતનો આત્મા ગ્રામીણ મહિલાઓના સશક્તિકરણમાં રહેલો છે. એટલા માટે અમારી સરકારે મહિલાઓના અધિકારો અને મહિલાઓ માટે નવી તકોને સર્વોચ્ચ પ્રાથમિકતા આપી છે.
