Skip to content
રવિવાર, નવેમ્બર 22, 2026 Ahmedabad 26°C

અમરેલી : ધામેલ ગામના શહીદ જવાન મેહુલભાઈને ગાર્ડ ઓફ ઓનર સાથે વિદાય, લોકસમૂહ હાજર

અમરેલી : ધામેલ ગામના શહીદ જવાન મેહુલભાઈને ગાર્ડ ઓફ ઓનર સાથે વિદાય, લોકસમૂહ હાજર

જમ્મુ-કાશ્મીરમાં દેશની સુરક્ષા દરમિયાન શહીદ થયેલા અમરેલી જિલ્લાના લાઠી તાલુકાના ઘામેલ ગામના વીર જવાન મેહુલભાઈ મેપાભાઈ ભુવા (ભરવાડ)ને તેમના વતનમાં ગાર્ડ ઓફ ઓનર સાથે અંતિમ વિદાય આપવામાં આવી. શહીદનું પાર્થિવ દેહ વતન પહોંચતા સમગ્ર પંથકમાં શોકનો માહોલ છવાઈ ગયો હતો, અને લોકોની ભાવુકતા તેમના શહાદતના મર્મને ઊંડાઈથી વ્યક્ત કરી રહી હતી. શહીદના પરિવારજનો, ગામના લોકો, મિત્રો, શાળાના શિક્ષકો, અને સ્થાનિક રાજકીય નેતાઓ પણ આ દુઃખની ઘડીમાં હાજર રહ્યા.

જ્યારે પાર્થિવ દેહ દામનગર પહોંચી, ત્યારે સૌપ્રથમ એમ.સી. મહેતા હાઈસ્કૂલમાં શ્રદ્ધાંજલિ માટે રાખવામાં આવ્યો હતો. ત્યાં વિદ્યાર્થીઓ, શિક્ષકો અને દામનગરની જનતાએ ‘ભારત માતા કી જય’ ના નારા લગાવીને શહીદને નમ આંખે શ્રદ્ધાંજલિ અર્પણ કરી. સાંસદ અને ધારાસભ્યો સહિતના રાજકીય અને સામાજિક આગેવાનો પણ અર્પણ માટે હાજર રહ્યા. શહીદ મેહુલભાઈનું વાણીમાં સહજ અને જીવનમાં મિત્રતાપૂર્વક વર્તન, લોકોને પ્રેરણા આપતું હતું, અને તેમના શહાદતની ઘટના એ લોકોને દેશભક્તિ અને ગર્વની લાગણીમાં ડૂબાવી ગઈ.

દામનગરથી ઘામેલ ગામ સુધીની અંતિમ યાત્રામાં હજારો લોકો જોડાયા. ગામમાં ‘શહીદ મેહુલભાઈ અમર રહો’ ના નારા ગુંજી ઉઠ્યા, અને લોકોના હૃદયોમાં તેમના બલિદાન માટે અનોખો ગર્વ અને શ્રદ્ધા ભરી હતી. ઘામેલ ગામના નિવાસસ્થાને પહોંચતાં, ગામના લોકોએ અને પરિવારજનોે અત્યંત ભાવુકતાપૂર્વક શહીદના અંતિમ દર્શન કર્યા. તેમને ગાર્ડ ઓફ ઓનર આપવામાં આવ્યું અને મૌખિક શ્રદ્ધાંજલિ સાથે સન્માન આપ્યું. અંતિમવિધિ દરમિયાન સમગ્ર ગામમાં એક સાથે શોક અને ગર્વની લાગણી જોવા મળી.

મેહુલભાઈની શહાદત માત્ર તેમના ગામ માટે નહીં, પરંતુ સમગ્ર રાજ્ય અને દેશ માટે પ્રેરણારૂપ છે. તેમની બહાદુરી અને આત્મદાનની કથા નવું પ્રેરણાસ્ત્રોત બની, જે આવનારી પેઢીઓને દેશભક્તિ અને બલિદાનની મૂલ્યવતાઓ શીખવશે. શહીદ મેહુલભાઈના જીવન અને તેમના બલિદાનને સ્મરણમાં રાખીને સમગ્ર પંથકે નમ અંજલિ આપી અને તેમના પર ગર્વ અનુભવ્યો.

 

અમારી યુટ્યુબ ચેનલને લાઈક, શેર અને સબસ્ક્રાઈબ કરશો

हमारी यूट्यूब चैनल को लाइक, शेयर और सब्सक्राइब करे

Like, Share and Subscribe our YouTube channel

🔗 https://www.youtube.com/@oneindianewscom-Gujarat

🔗 https://www.youtube.com/@oneindianewscom

Filed under Amreli Gujarat

Share this story

Latest News

View all
All latest news

Explore Districts

News from every corner of Gujarat.