ગુગલના CEO સુંદર પિચાઈએ બુધવારે વડાપ્રધાન નરેન્દ્ર મોદી સાથે મહત્વપૂર્ણ બેઠક કરી, જ્યારે તેઓ નવી દિલ્હીમાં ચાલી રહેલી ઈન્ડિયા AI ઈમ્પેક્ટ સમિટ 2026માં ભાગ લેવા માટે ભારતમાં આવ્યા છે. 16થી 20 ફેબ્રુઆરી દરમિયાન ભારત મંડપમ ખાતે યોજાતી આ સમિટને ગ્લોબલ સાઉથમાં આ પ્રકારની પ્રથમ મોટા સ્તરની આર્ટિફિશિયલ ઈન્ટેલિજન્સ કોન્ફરન્સ તરીકે જોવામાં આવી રહી છે. સુંદર પિચાઈ 20 ફેબ્રુઆરીએ સમિટમાં મુખ્ય ભાષણ આપવાના છે અને ભારતમાં પાછા આવવા અંગે તેમણે ખુશી વ્યક્ત કરી હતી.
AI ભારતના IT ક્ષેત્રને બદલશે, નષ્ટ નહીં કરે: પીએમ મોદી
પીએમ મોદીએ બેઠક દરમિયાન જણાવ્યું કે AI ભારતના IT ક્ષેત્ર માટે પડકાર નહીં પરંતુ નવી તકોનું દ્વાર છે. તેમણે કહ્યું કે 2030 સુધીમાં ભારતનું IT ક્ષેત્ર $400 બિલિયન સુધી પહોંચી શકે છે અને તેમાં AI આધારિત આઉટસોર્સિંગ તથા ઓટોમેશનની મહત્વપૂર્ણ ભૂમિકા રહેશે. નોકરીઓ પર AIની અસર અંગે પૂછાયેલા પ્રશ્નો પર મોદીએ ભાર મૂક્યો કે તૈયારી અને નવી સ્કિલ્સ ભવિષ્યના પડકારોને પહોંચી વળવા માટે મહત્વપૂર્ણ છે. તેમના મુજબ, દરેક ટેકનોલોજીકલ ક્રાંતિ નવી તકો અને રોજગારના નવા માર્ગો લાવે છે.
Great to meet with the Honorable PM @narendramodi this morning.
We discussed how Google is helping with his mission to infuse AI at all levels in India to improve health, expand access to information in all languages, support startups, agriculture and so much more.
Thank you… https://t.co/orPvLfrUHl
— Sundar Pichai (@sundarpichai) February 18, 2026
સુંદર પિચાઈનો ભારત પ્રત્યે ઉત્સાહ
ભારત પહોંચ્યા બાદ સુંદર પિચાઈએ સોશિયલ મીડિયા પ્લેટફોર્મ X પર પોસ્ટ કરીને જણાવ્યું કે AI ઈમ્પેક્ટ સમિટ માટે ભારતમાં ફરી આવવું આનંદદાયક અનુભવ છે અને તેમને હંમેશાની જેમ ઉષ્માભર્યું સ્વાગત મળ્યું છે. તેઓ સમિટમાં AIના ભવિષ્ય, જવાબદાર ઉપયોગ અને ટેકનોલોજી દ્વારા વિકાસ પર પોતાનું વિઝન રજૂ કરશે.
સમિટે બનાવ્યો ગિનીસ વર્લ્ડ રેકોર્ડ
આ સમિટ દરમિયાન જવાબદાર AI ઉપયોગ અંગે વિદ્યાર્થીઓમાં જાગૃતિ લાવવા માટે અભિયાન ચલાવવામાં આવ્યું હતું, જેમાં માત્ર 24 કલાકમાં 2,50,946 વિદ્યાર્થીઓએ પ્રતિબદ્ધતા આપી હતી. ગિનીસ વર્લ્ડ રેકોર્ડમાં નોંધાયેલ આ સિદ્ધિ વિશે કેન્દ્રીય IT મંત્રી અશ્વિની વૈષ્ણવે જણાવ્યું કે આ વડાપ્રધાનના વિઝન મુજબ શાળાઓ અને કોલેજોમાં AI અંગે જાગૃતિ વધારવાનો પરિણામ છે.
ભારત મંડપમમાં વૈશ્વિક નેતાઓનો મેળાવડો
નવી દિલ્હીના ભારત મંડપમ ખાતે યોજાતી આ AI ઈમ્પેક્ટ સમિટમાં 110થી વધુ દેશો, 30 આંતરરાષ્ટ્રીય સંગઠનો તેમજ અનેક વૈશ્વિક નેતાઓ અને મંત્રીઓ ભાગ લઈ રહ્યા છે. ‘સર્વજન હિતાય, સર્વજન સુખાય’ થીમ હેઠળ યોજાતી આ સમિટ AI ગવર્નન્સ, સુરક્ષા અને સમાવેશી વિકાસ પર ધ્યાન કેન્દ્રિત કરે છે. પીએમ મોદીએ જણાવ્યું કે AI માનવ ક્ષમતાઓને નવી ઊંચાઈએ લઈ જવાની શક્તિ ધરાવે છે, પરંતુ તેને માનવતાના હિત માટે યોગ્ય દિશામાં માર્ગદર્શન આપવું આવશ્યક છે.
અમારી યુટ્યુબ ચેનલને લાઈક, શેર અને સબસ્ક્રાઈબ કરશો
हमारी यूट्यूब चैनल को लाइक, शेयर और सब्सक्राइब करे
Like, Share and Subscribe our YouTube channel
